ಬೀಜಿಂಗ್: ಚೀನಾದಲ್ಲಿ ಪ್ರಾಣಿ, ಪಕ್ಷಿಗಳನ್ನು ಹಸಿಹಸಿಯಾಗಿ ತಿನ್ನುವವರ ಸಂತತಿ ಬಹುದೊಡ್ಡದಿದೆ. ಇಂದು ಇಡೀ ವಿಶ್ವವೇ ಕರೊನಾ ಪೀಡಿತವಾಗಿ, ಸ್ಯಾನಿಟೈಸರ್ನಲ್ಲಿ ಕೈತೊಳೆಯುವಂತೆ ಆಗಿರುವುದು ಈ ಕಾರಣಕ್ಕೆ ಎಂಬ ವಾದವೂ ಇದೆ.
ಈ ವಾದಕ್ಕೆ ಪುಷ್ಟಿ ಕೊಡುವ ರೀತಿಯಲ್ಲಿ ಚೀನಾದ ಒಬ್ಬ ವ್ಯಕ್ತಿ ಹಸಿಹಸಿಯಾಗಿ ಹಾವು, ಜಲಚರಗಳನ್ನು ತಿನ್ನುವ ಹವ್ಯಾಸ ಇಟ್ಟುಕೊಂಡಿದ್ದ. ಅದೊಮ್ಮೆ ಹಾವಿನ ಪಿತ್ತಕೋಶವನ್ನೇ ಬಗೆದು ತಿಂದಿದ್ದ. ಇದಾದ ನಂತರದಲ್ಲಿ ಪರಿಣಾಮ ಮಾತ್ರ ಘೋರವಾಗಿತ್ತು.
ಇದನ್ನೂ ಓದಿ: ಪಾಕಿಸ್ತಾನವನ್ನು ಹೇಗೆ ನಿರ್ಬಂಧಿಸಬೇಕು ಎಂಬುದು ಭಾರತಕ್ಕೆ ಗೊತ್ತಿದೆ
ವ್ಯಾಂಗ್ ಎಂಬ ಉಪನಾಮ ಹೊಂದಿರುವ ಈ ವ್ಯಕ್ತಿಗೆ ಕೆಲದಿನಗಳಿಂದ ಉಸಿರಾಟದ ತೊಂದರೆ ಕಾಣಿಸಿಕೊಂಡಿತ್ತು. ವೈದ್ಯರಲ್ಲಿ ಹೋಗಿ ತೋರಿಸಿದಾಗ ಶ್ವಾಸಕೋಶದ ಸ್ಕ್ಯಾನಿಂಗ್ ಮಾಡಿಸಲು ಸಲಹೆ ನೀಡಿದರು. ಅದರಂತೆ ಸ್ಕ್ಯಾನ್ ಮಾಡಿಸಿದಾಗ, ಆತನ ಶ್ವಾಸಕೋಶದಲ್ಲಿ ಸಾಲು ಸಾಲು ಹುಳುಗಳು ತುಂಬಿರುವುದು ಕಂಡುಬಂದಿತು.
ಈ ಸಮಸ್ಯೆಗೆ ಪ್ಯಾರಾಗೊನಿಮಿಯಾಸಿಸ್ ಎಂದು ಕರೆಯಲಾಗುತ್ತದೆ. ಇದು ಆಹಾರ ಆಧಾರಿತವಾದ ಪರಾವಲಂಬಿ ಜೀವಿಗಳಿಂದಾಗುವ ಸೋಂಕು. ಆಹಾರವನ್ನು ಬೇಯಿಸದೆ ಹಸಿಹಸಿಯಾಗಿ ತಿಂದಾಗ ಅಥವಾ ಅಶುದ್ಧವಾದ ನೀರನ್ನು ಕುಡಿದಾಗ ಇಂಥ ಸೋಂಕು ತಗಲುತ್ತದೆ ಎಂದು ಚೀನಾದ ವೈದ್ಯ ಝಹೋ ಹೈಯಾನ್ ವಿವರಿಸಿದ್ದಾರೆ.
‘ಕರೊನಾ ಹೋರಾಟದ ಮಧ್ಯೆ ಕಂಡುಬಂತು ದೇಶದ ಒಗ್ಗಟ್ಟು…’- ವಿಡಿಯೋ ಶೇರ್ ಮಾಡಿ, ‘ಪ್ರಣಾಮಗಳು’ ಎಂದ್ರು ಪ್ರಧಾನಿ…