120 ಸ್ಟಾಲ್‌, 30 ಲೈವ್ ಫುಡ್ ಮಳಿಗೆ: ಒಂದೇ ಸೂರಿನಡಿ ದೇಶದ ವಿವಿಧ ರಾಜ್ಯಗಳ ಕರಕುಶಲ ಕಲೆಗೆ ಮುನ್ನುಡಿ; ಜಯಮಹಲ್ ಅರಮನೆಯಲ್ಲಿ ಇಂದಿನಿಂದ ‘ನಮ್ಮ ಸರಸ್ ಮೇಳ’ ಆರಂಭ! Namma Saras Mela

ಬೆಂಗಳೂರು: ಗ್ರಾಮೀಣ ಭಾರತದ ಕರಕುಶಲ ಕಲೆ, ಸಂಪ್ರದಾಯ ಹಾಗೂ ದೇಶದ ಮೂಲೆಮೂಲೆಯಿಂದ ಬರುವ ಮಹಿಳೆಯರ ಸ್ವಾವಲಂಬನೆಯ ಕಥೆಯನ್ನು ಹತ್ತಿರದಿಂದ ನೋಡುವ ಸುವರ್ಣಾವಕಾಶ ಸಿಲಿಕಾನ್ ಸಿಟಿ ಜನತೆಗೆ ಒಲಿದು ಬಂದಿದೆ.

ಬೆಂಗಳೂರಿನ ಐತಿಹಾಸಿಕ ಜಯಮಹಲ್ ಅರಮನೆ ಆವರಣದಲ್ಲಿ 'ನಮ್ಮ ಸರಸ್ ಮೇಳ-2026' (Namma Saras Mela) ಇಂದಿನಿಂದ (ಸೆಪ್ಟೆಂಬರ್ 19) ಅದ್ಧೂರಿಯಾಗಿ ಆರಂಭಗೊಂಡಿದೆ. ಕರ್ನಾಟಕ ಸರ್ಕಾರದ ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಮತ್ತು ಜೀವನೋಪಾಯ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ಗ್ರಾಮೀಣ ಜೀವನೋಪಾಯ ಮಿಷನ್ (ಸಂಜೀವಿನಿ) ಸಂಯುಕ್ತ ಆಶ್ರಯದಲ್ಲಿ ಈ ರಾಷ್ಟ್ರಮಟ್ಟದ ಬೃಹತ್ ಮೇಳವನ್ನು ಹಮ್ಮಿಕೊಳ್ಳಲಾಗಿದೆ.

ಹತ್ತು ದಿನಗಳ ಕಾಲ ನಡೆಯುವ ಈ ರಾಷ್ಟ್ರಮಟ್ಟದ ಮೇಳದಲ್ಲಿ ಗ್ರಾಮೀಣ ಮಹಿಳೆಯರ ಪ್ರತಿಭೆ ಅನಾವರಣಗೊಳ್ಳಲಿದೆ. ಇಲ್ಲಿನ ಪ್ರಮುಖ ಆಕರ್ಷಣೆಗಳು ಇತಿಂವೆ.

ರುಚಿಕರ 30 ಲೈವ್ ಆಹಾರ ಮಳಿಗೆಗಳು: ವಿವಿಧ ಪ್ರಾದೇಶಿಕ ಭಕ್ಷ್ಯಗಳು ಮತ್ತು ಬಾಯಲ್ಲಿ ನೀರೂರಿಸುವ ಸಾಂಪ್ರದಾಯಿಕ ಪಾಕಪದ್ಧತಿಗಳನ್ನು ಸವಿಯಲು 30ಕ್ಕೂ ಹೆಚ್ಚು ಲೈವ್ ಫುಡ್ ಸ್ಟಾಲ್‌ಗಳನ್ನು ವ್ಯವಸ್ಥೆ ಮಾಡಲಾಗಿದೆ.

ಗ್ರಾಮೀಣ ಭಾಗದ ಮಹಿಳೆಯರನ್ನು ಆರ್ಥಿಕವಾಗಿ ಸದೃಢಗೊಳಿಸುವ ಮತ್ತು ಅವರ ಕೌಶಲ್ಯಕ್ಕೆ ಸೂಕ್ತ ಮಾರುಕಟ್ಟೆ ಒದಗಿಸುವ ಸದುದ್ದೇಶದಿಂದ ಈ ಮೇಳವನ್ನು ಆಯೋಜಿಸಲಾಗಿದೆ. ನಿಮ್ಮ ಒಂದು ಭೇಟಿ ಮತ್ತು ಇಲ್ಲಿಂದ ವಸ್ತುಗಳನ್ನು ಖರೀದಿಸುವುದು ಸಾವಿರಾರು ಮಹಿಳಾ ಉದ್ಯಮಿಗಳಿಗೆ ದೊಡ್ಡ ಶಕ್ತಿ ತುಂಬಲಿದೆ.

ಬನ್ನಿ! ಸ್ವ-ಸಹಾಯ ಗುಂಪುಗಳ ಮಹಿಳೆಯರ ಕೈಚಳಕ ಹಾಗೂ ಕೌಶಲ್ಯದ ಪರಂಪರಾಗತ ಉತ್ಪನ್ನಗಳೊಂದಿಗೆ ಗ್ರಾಮೀಣ ಭಾರತದ ಸೃಜನಶೀಲತೆಯನ್ನು ಸಂಭ್ರಮಿಸೋಣ, ಎಂದು ಆಯೋಜಕರು ಎಲ್ಲರಿಗೂ ಪ್ರೀತಿಯ ಸ್ವಾಗತ ಕೋರಿದ್ದಾರೆ.

ದಿನಾಂಕ: ಸೆಪ್ಟೆಂಬರ್ 19 ರಿಂದ ಸೆಪ್ಟೆಂಬರ್ 27 ರವರೆಗೆ (10 ದಿನಗಳು)

ಸಮಯ: ಪ್ರತಿದಿನ ಬೆಳಿಗ್ಗೆ 10:00 ಗಂಟೆಯಿಂದ ರಾತ್ರಿ 9:00 ಗಂಟೆಯವರೆಗೆ

ಸ್ಥಳ: ಜಯಮಹಲ್ ಪ್ಯಾಲೇಸ್ ಆವರಣ, ಜಯಮಹಲ್ ಮುಖ್ಯ ರಸ್ತೆ, ಬೆಂಗಳೂರು

ಪ್ರವೇಶ: ಸಂಪೂರ್ಣ ಉಚಿತ

ಕುಟುಂಬ ಸಮೇತ ಭೇಟಿ ನೀಡಿ, ಗ್ರಾಮೀಣ ಮಹಿಳೆಯರ ಕೈಚಳಕದ ಕಲೆಗಳನ್ನು ಕಣ್ತುಂಬಿಕೊಳ್ಳಲು ಮತ್ತು ದೇಶಿ ಉತ್ಪನ್ನಗಳನ್ನು ಪ್ರೋತ್ಸಾಹಿಸಲು ಇದುವೇ ಅತ್ಯುತ್ತಮ ಸಮಯ. ಇಂದೇ ನಿಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಜಯಮಹಲ್ ಅರಮನೆಗೆ ಭೇಟಿ ನೀಡಿ, ಸರಸ್​ ಮೇಳವನ್ನು ಸಕ್ಸಸ್​ಫೂಲ್​ ಮಾಡಿ.