ನವದೆಹಲಿ: ಪಂಜಾಬ್ನ ಕಾಸೋವಾಲ್ ವಿಭಾಗದಲ್ಲಿ ಹರಿಯುವ ರಾವಿ ನದಿಗೆ ಅಡ್ಡಲಾಗಿ ಗಡಿ ರಸ್ತೆಗಳ ಸಂಸ್ಥೆ (ಬಾರ್ಡರ್ ರೋಡ್ಸ್ ಆರ್ಗನೈಜೇಷನ್-ಬಿಆರ್ಒ) ಬೃಹತ್ ಸೇತುವೆಯನ್ನು ನಿರ್ಮಿಸಿದೆ. ಒಟ್ಟು 484 ಮೀಟರ್ ಉದ್ದದ ಈ ಸೇತುವೆಯನ್ನು 49 ಗಡಿ ರಸ್ತೆಗಳ ಕಾರ್ಯಪಡೆಯ (ಬಿಆರ್ಟಿಎಫ್) 141 ಡ್ರೇನ್ ಮೇಂಟೆನೆನ್ಸ್ ಕಂಪನಿಯ ಯೋಧರು ನಿರ್ಮಿಸಿದ್ದಾರೆ.
ಒಟ್ಟು 1,681.02 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿರುವ ಈ ಸೇತುವೆಯು 30.25 ಮೀಟರ್ ಅಗಲವಾಗಿರುವ 16 ಕಮಾನುಗಳನ್ನು ಹೊಂದಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
ಬೈಸಾಕಿ ಹಬ್ಬದ ವೇಳೆಗೆ ಈ ಸೇತುವೆಯನ್ನು ಸಂಚಾರಕ್ಕೆ ಮುಕ್ತಗೊಳಿಸಿ, ರೈತರು ತಾವು ಬೆಳೆದಿರುವ ಬೆಳೆಗಳನ್ನು ಮಾರುಕಟ್ಟೆಗೆ ಕೊಂಡೊಯ್ಯಲು ಅವಕಾಶ ಮಾಡಿಕೊಡಬೇಕು ಎಂಬುದು ಬಿಆರ್ಒ ನಿರ್ಧಾರವಾಗಿತ್ತು. ಆದರೆ, ಹಬ್ಬ ಮುಗಿದು ಒಂದು ವಾರದ ಬಳಿಕ ಅದನ್ನು ಸಂಚಾರಕ್ಕೆ ಮುಕ್ತಗೊಳಿಸಲಾಯಿತು ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
ಕರೊನಾ ಮಹಾಮಾರಿ ಮನುಷ್ಯನ ದೇಹವನ್ನು ಹೇಗೆಲ್ಲ ಕಾಡುತ್ತಿದೆ ನೋಡಿ… ಯುವ ಸೋಂಕಿತರಿಗೂ ಪ್ರಾರ್ಶ್ವವಾಯು ಸಮಸ್ಯೆ…