ನವದೆಹಲಿ: ಶಾಪಿಂಗ್ ಎನ್ನುವುದು ಒಂದು ಆಹ್ಲಾದಿಸಬಹುದಾದ ಅನುಭವ. ಅದರಲ್ಲೂ ಆಹಾರ ಸಾಮಾಗ್ರಿ ಖರೀದಿಸುವುದೆಂದರೆ ಖುಷಿಯ ವಿಚಾರವೇ. ವಿಧವಿಧವಾದ ತಿನಿಸುಗಳನ್ನು ನೋಡಿ ಬಾಯಲ್ಲಿ ನೀರೂರಿರುವುದು ಕೂಡ ಸಾಮಾನ್ಯವೇ. ಶಾಪಿಂಗ್ಗೆ ಹೋದಾಗ ಮೊದಲು ಮಾಡುವ ಕೆಲಸವೇ ಬೇಕಾದುದ್ದನ್ನು ಆಯ್ದುಕೊಳ್ಳುವುದು. ಹೀಗಾಗಿಯೇ ಶಾಪಿಂಗ್ಗಾಗಿ ಕನಿಷ್ಠ ಒಂದು ಗಂಟೆಯಾದ್ರು ಸಮಯಬೇಕು.
ಹೀಗಿರುವಾಗ ಶಾಪಿಂಗ್ ಮಾಡಲು ಕೇವಲ 5 ಸೆಕೆಂಡ್ ಕೊಟ್ರೆ ನೀವು ಸ್ಟೋರ್ನಲ್ಲಿ ಏನನ್ನು ಕೊಳ್ಳುವಿರಾ? ಏಕೆಂದರೆ ಇಂಥದ್ದೆ ಒಂದು ಸನ್ನಿವೇಶ ಇಲ್ಲೊಬ್ಬ ಬಾಲಕನಿಗೆ ಎದುರಾಗಿದೆ. ಅದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ವೈರಲ್ ಆಗಿದೆ.
ಇದನ್ನೂ ಓದಿ: ಎದುರಾಳಿ ಬಗ್ಗೆ ತಲೆಕೆಡಿಸಿಕೊಳ್ಳಲ್ಲ, ಗೆಲುವು ನನ್ನದೇ
ಕ್ಯಾಷಿಯರ್ ಅಥವಾ ಸ್ಟೋರ್ ಕೌಂಟರ್ನಲ್ಲಿರುವ ವ್ಯಕ್ತಿಯೊಬ್ಬ ವಿಡಿಯೋ ರೆಕಾರ್ಡಿಂಗ್ ಮಾಡಿಕೊಳ್ಳುತ್ತಿರುತ್ತಾರೆ. ಸರಳ ಗಣಿತ ಪ್ರಶ್ನೆಗೆ ಉತ್ತರಿಸಿದರೆ 5 ಸೆಕೆಂಡ್ ಉಚಿತ ಶಾಪಿಂಗ್ ಮಾಡಲು ಅವಕಾಶ ಕೊಡುತ್ತೇನೆಂದು ರೆಕಾರ್ಡ್ ಮಾಡುವವರು ಹೇಳುತ್ತಾರೆ. ಬಾಲಕ ಸರಿಯಾದ ಉತ್ತರವನ್ನೂ ಕೊಡುತ್ತಾನೆ. ಬಳಿಕ ಕ್ಯಾಷಿಯರ್ ನಿಧಾನವಾಗಿ ಐದು ಸೆಕೆಂಡ್ ಎಣಿಸುವಾಗ ಬಾಲಕ ಮೊದಲು ಬಾಳೆಹಣ್ಣು, ಅವಕಾಡೊ, ಈರುಳ್ಳಿ ತೆಗೆದುಕೊಳ್ಳುವುದನ್ನು ನೋಡಿ ನೆಟ್ಟಿಗರಿಗೆ ಅಚ್ಚರಿಯಾಗುತ್ತದೆ. ಬಳಿಕ ಬಾಲಕ ಆಹಾರ ಪೊಟ್ಟಣಗಳನ್ನು ತೆಗೆದುಕೊಳ್ಳುತ್ತಾನೆ. ನಂತರ ಒಂದು ಬಾಕ್ಸ್ ಆ್ಯಪಲ್ ಏರ್ಪಾಡ್ಸ್ ತೆಗೆದುಕೊಳ್ಳುತ್ತಾನೆ.
ಈ ವಿಡಿಯೋವನ್ನು @_itsmedyy ಎಂಬ ಇನ್ಸ್ಟಾಗ್ರಾಂ ಬಳಕೆದಾರ ಪೋಸ್ಟ್ ಮಾಡಿದ್ದು, ಲಕ್ಷಾಂತರ ಮಂದಿ ಕಣ್ತುಂಬಿಕೊಂಡಿದ್ದಾರೆ. ಅನೇಕ ಮಂದಿ ವಿಡಿಯೋಗೆ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ. ಬಾಲಕ ನಿಮ್ಮ ಸ್ಟೋರ್ನ ಕಪಾಟುಗಳನ್ನು ಖಾಲಿ ಮಾಡುವ ಪ್ರಯತ್ನ ಮಾಡುತ್ತಿಲ್ಲ. ಬದಲಾಗಿ ಅವನ ಕುಟುಂಬಕ್ಕೆ ಅಗತ್ಯವಿರುವ ಸ್ವಾದಿಷ್ಟಕರ ಆಗಾರವನ್ನು ಮಾತ್ರ ತೆಗೆದುಕೊಳ್ಳುತ್ತಿದ್ದಾನೆಂದು ನೆಟ್ಟಿಗರೊಬ್ಬರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅವನು ಯಾವ ರೀತಿ ಚೆನ್ನಾಗಿ ಬೆಳೆದಿದ್ದಾನೆ ಎಂಬುದ ನಿಮಗೆಲಲ್ಲ ಈಗ ತಿಳಿದಿದೆ ಎಂದು ಮತ್ತೊರ್ವ ನೆಟ್ಟಿಗ ಪ್ರತಿಕ್ರಿಯಿಸಿದ್ದಾರೆ. (ಏಜೆನ್ಸೀಸ್)
ಇದನ್ನೂ ಓದಿ: ನಾಯಕತ್ವ ಭದ್ರಕ್ಕೆ ಯಡಿಯೂರಪ್ಪ ತಂತ್ರ, ಆರ್ಆರ್ ನಗರ ಜತೆಗೆ ಶಿರಾ ಗೆಲ್ಲಲು ಕಾರ್ಯತಂತ್ರ
View this post on Instagram