ಅಡಿಲೇಡ್: ಅಫ್ಘಾನಿಸ್ತಾನದ ಲೆಗ್ಸ್ಪಿನ್ನರ್ ರಶೀದ್ ಖಾನ್, ಬುಧವಾರ ಬಿಗ್ ಬಾಷ್ ಲೀಗ್ನಲ್ಲಿ ಹ್ಯಾಟ್ರಿಕ್ ಸಾಧನೆ ಮಾಡಿದ್ದಾರೆ. ಅಡಿಲೇಡ್ ಸ್ಟ್ರೈಕರ್ಸ್ ಹಾಗೂ ಸಿಡ್ನಿ ಸಿಕ್ಸರ್ಸ್ ನಡುವಿನ ಪಂದ್ಯದ ವೇಳೆ ಈ ಸಾಧನೆ ಮಾಡಿದರು.
ಅಡಿಲೇಡ್ ಪರವಾಗಿ ಆಡುತ್ತಿರುವ ರಶೀದ್ ಖಾನ್, ಇನಿಂಗ್ಸ್ನ 10ನೇ ಓವರ್ನ ಕೊನೇ ಎರಡು ಎಸೆತಗಳಲ್ಲಿ ಹಾಗೂ 12ನೇ ಓವರ್ನ ಮೊದಲ ಎಸೆತದಲ್ಲಿ ಕ್ರಮವಾಗಿ ಜೇಮ್ಸ್ ವಿನ್ಸ್(27), ಜೋರ್ಡನ್ ಸಿಲ್ಕ್ (16), ಜಾಕ್ ಎಡ್ವರ್ಡ್ಸ್ ವಿಕೆಟ್ ಉರುಳಿಸುವ ಮೂಲಕ ಈ ಸಾಧನೆ ಮಾಡಿದರು.
ಆ ಮೂಲಕ ಬಿಗ್ ಬಾಷ್ನಲ್ಲಿ ಅಡಿಲೇಡ್ ಸ್ಟ್ರೈಕರ್ಸ್ ತಂಡದ ಪರವಾಗಿ ಹ್ಯಾಟ್ರಿಕ್ ಸಾಧನೆ ಮಾಡಿದ ಮೊದಲ ಬೌಲರ್ ಹಾಗೂ ಒಟ್ಟಾರೆ ಬಿಬಿಎಲ್ನಲ್ಲಿ 5ನೇ ಹ್ಯಾಟ್ರಿಕ್ ಎನಿಸಿದೆ. ತಮ್ಮ ನಾಲ್ಕು ಓವರ್ಗಳ ಕೋಟಾದಲ್ಲಿ 22 ರನ್ಗೆ 4 ವಿಕೆಟ್ ಉರುಳಿಸಿದರೂ ತಂಡದ ಗೆಲುವಿಗೆ ಇದು ಸಾಕಾಗಲಿಲ್ಲ. ಅಡಿಲೇಡ್ ಸ್ಟ್ರೈಕರ್ಸ್ 2 ವಿಕೆಟ್ಗಳಿಂದ ಸಿಡ್ನಿ ಸಿಕ್ಸರ್ಸ್ಗೆ ಶರಣಾಯಿತು.