ಚೆನ್ನೈ: ಸೂಕ್ತವಾದ ವೀಸಾ ಇಲ್ಲದೆ ತಮಿಳುನಾಡಿನ ಮಿಂಜರ್ ನಗರದಲ್ಲಿ ವಾಸವಿದ್ದ ಬಾಂಗ್ಲಾದೇಶ ಮೂಲದ 22 ವರ್ಷದ ಯುವತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಬಂಧಿತಳನ್ನು ಪಾಪಿಯಾ ಘೋಷ್ ಎಂದು ಗುರುತಿಸಲಾಗಿದೆ. ಪಶ್ಚಿಮ ಬಂಗಾಳ ಮೂಲದ ಶಶಿ ಶೇಕ್ ಎಂಬಾತನೊಂದಿಗೆ ಪಾಪಿಯಾಗೆ ಫೇಸ್ಬುಕ್ ಮೂಲಕ ಪರಿಚಯವಾಗಿ, ಪ್ರೀತಿಗೆ ತಿರುಗಿತ್ತು. ತನ್ನ ಪ್ರಿಯಕರನನ್ನು ಭೇಟಿ ಮಾಡಲು ಅಕ್ರಮವಾಗಿ ಭಾರತಕ್ಕೆ ಪ್ರವೇಶಿಸಿದ್ದಳು.
ಬಳಿಕ ಇಬ್ಬರು ತಮಿಳುನಾಡಿನ ತಿರ್ಪೂರ್ಗೆ ಆಗಮಿಸಿ ಮದುವೆಯಾಗಿ ಅಲ್ಲಿಯೇ ವಾಸವಿದ್ದರು. ಕೆಲವೇ ದಿನಗಳಲ್ಲಿ ಕಂಟೈನರ್ ಯಾರ್ಡ್ ಕೆಲಸ ಸಿಕ್ಕಿದ್ದರಿಂದ ತಿರ್ಪೂರ್ ಬಿಟ್ಟು ಮಿಂಜುರ್ಗೆ ಬಂದು ನೆಲೆಸಿದ್ದರು. ಇಬ್ಬರು ಮಿಂಜುರ್ಗೆ ಬರುವ ಮುನ್ನ ಫೆಬ್ರವರಿಯಲ್ಲೇ ಪೊಲ್ಲಾಚಿಯಲ್ಲಿ ರಿಜಿಸ್ಟರ್ ಮದುವೆ ಆಗಿದ್ದರು.
ಇದನ್ನೂ ಓದಿ: ಅಣ್ಣ-ಅತ್ತಿಗೆ ಅಮ್ಮನ ಸರಿಯಾಗಿ ನೋಡಿಕೊಳ್ತಿಲ್ಲ… ಪ್ಲೀಸ್ ಕಾನೂನಿನಡಿ ಪರಿಹಾರ ಹೇಳಿ…
ಇದರ ನಡುವೆ ಪಾಪಿಯಾ ಪಾಲಕರು ಬಾಂಗ್ಲಾದೇಶದಲ್ಲಿ ನಾಪತ್ತೆ ಪ್ರಕರಣ ದಾಖಲಿಸಿದ್ದರು. ಹೀಗಿರುವಾಗ ತಮಿಳುನಾಡಿನ ಕಾಂಚಿಪುರಂ ಅಪರಾಧ ವಿಭಾಗಕಕ್ಕೆ ಮಹಿಳೆ ಕುರಿತು ಮಾಹಿತಿ ಸಿಗುತ್ತದೆ. ತಕ್ಷಣ ಮಿಂಜುರ್ಗೆ ತೆರಳಿ ಪಾಪಿಯಾಳನ್ನು ವಿಚಾರಣೆ ನಡೆಸುತ್ತಾರೆ. ದಾಖಲೆಗಳನ್ನು ಪರಿಶೀಲಿಸಿದಾಗ ಆಕೆಯ ಬಳಿ ಯಾವುದೇ ಮಾನ್ಯ ಪಡೆದ ವೀಸಾ ಇರದಿರುವುದು ತಿಳಿದು ಇದೀಗ ಆಕೆಯನ್ನು ಬಂಧಿಸಿದ್ದಾರೆ.
ಸದ್ಯ ಬಂಧಿಯಾಗಿರುವ ಪೊಪಿಯಾಳನ್ನು ತವರಿಗೆ ಕಳುಹಿಸಬೇಕಾ? ಬೇಡ್ವಾ? ಎಂಬುದರ ಬಗ್ಗೆ ವಲಸೆ ಇಲಾಖೆ ಅಧಿಕಾರಿಗಳು ನಿರ್ಧರಿಸುತ್ತಾರೆಂದು ತಿರುವಳ್ಳೂರ್ ಪೊಲೀಸ್ ವರಿಷ್ಠಾಧಿಕಾರಿ ಪಿ. ಅರವಿಂದನ್ ತಿಳಿಸಿದ್ದಾರೆ. (ಏಜೆನ್ಸೀಸ್)
ಮೂರು ಮಕ್ಕಳನ್ನು ಕಾಲುವೆಗೆ ತಳ್ಳಿ ಕೊಂದ ತಂದೆ- ಇದಕ್ಕೆ ಕಾರಣ ಹೆಂಡ್ತಿಯಂತೆ!