ನವದೆಹಲಿ: ಲೂಸ್ ಸ್ವೀಟ್ಸ್ಗೂ ಟೈಟ್ ರೂಲ್ಸ್ ಮಾಡಿ, ಬಿಡಿಯಾಗಿ ಮಾರಾಟ ಮಾಡುವ ಸಿಹಿತಿಂಡಿಗಳ ಮೇಲೂ ‘ಬೆಸ್ಟ್ ಬಿಫೋರ್ ಡೇಟ್’ ಪ್ರದರ್ಶಿಸಬೇಕು ಎಂದು ಆದೇಶ ಮಾಡಿರುವ ಭಾರತೀಯ ಆಹಾರ ಸುರಕ್ಷೆ ಮತ್ತು ಗುಣಮಟ್ಟ ಪ್ರಾಧಿಕಾರ (ಎಫ್ಎಸ್ಎಸ್ಎಐ) ಮತ್ತೊಂದು ಮಹತ್ವದ ಆದೇಶವೊಂದನ್ನು ಮಾಡಿದೆ.
ವಿಶೇಷವೆಂದರೆ ಸ್ವೀಟ್ಗಳ ಬಿಡಿ ಮಾರಾಟಕ್ಕೆ ಸಂಬಂಧಿಸಿದಂತೆ ಮಾಡಿದ ಆದೇಶದ ಹಾಗೆ ಇದನ್ನೂ ಅ. 1ರಿಂದಲೇ ಅನ್ವಯಿಸುವಂತೆ ಆದೇಶ ಹೊರಡಿಸಿದೆ. ಅಂದಹಾಗೆ ಈ ಹೊಸ ಆದೇಶ ಎಣ್ಣೆಗೆ ಸಂಬಂಧಿಸಿದ್ದು.
ಎಣ್ಣೆಗಳ ಕಲಬೆರಕೆಯಿಂದ ಆರೋಗ್ಯಕ್ಕೆ ಹಾನಿ ಉಂಟಾಗುತ್ತಿರುವ ಹಿನ್ನೆಲೆಯಲ್ಲಿ ಎಫ್ಎಸ್ಎಸ್ಎಐ ಈ ನಿಯಮ ಜಾರಿಗೆ ತರಲು ಮುಂದಾಗಿದೆ. ಇದರ ಪ್ರಕಾರ, ಸಾಸಿವೆ ಎಣ್ಣೆಯೊಂದಿಗೆ ಬೇರೆ ಯಾವ ಎಣ್ಣೆಯನ್ನೂ ಬೆರೆಸಿ ಕಲಬೆರಕೆ ಮಾಡುವಂತಿಲ್ಲ. ಸಾಸಿವೆ ಎಣ್ಣೆಯೊಂದಿಗೆ ಬೇರೆ ಖಾದ್ಯತೈಲಗಳನ್ನು ಕಲಬೆರಕೆ ಮಾಡುತ್ತಿರುವುದನ್ನು ತಡೆಯಲು ಈ ಕ್ರಮಕೈಗೊಂಡಿದೆ.
ಇದನ್ನು ಓದಿ: ಲೂಸ್ ಸ್ವೀಟ್ಗೂ ಟೈಟ್ ರೂಲ್ಸ್.. ಇದು ಸ್ವೀಟ್ ಅಂಗಡಿಯವರಿಗೆ ಸಿಹಿ ಸುದ್ದಿನಾ?
ಸಾಸಿವೆ ಎಣ್ಣೆಯಲ್ಲಿ ಉತ್ತಮ ಪೋಷಕಾಂಶಗಳಿದ್ದು, ಅದನ್ನು ಅಡುಗೆಗೂ ಬಳಸಲಾಗುತ್ತಿದೆ. ರೋಗನಿರೋಧಕ, ಡಿಟಾಕ್ಸಿಫಿಕೇಷನ್, ತ್ವಚೆಗೆ ಸೌಂದರ್ಯ ನೀಡುವ ಶಕ್ತಿ ಹೊಂದಿರುವ ಸಾಸಿವೆ ಎಣ್ಣೆಯನ್ನು ಬಳಸುವಂತೆ ಹೃದ್ರೋಗ ತಜ್ಞರು, ಡಯೆಟಿಷನ್ಸ್ ಕೂಡ ಶಿಫಾರಸು ಮಾಡುತ್ತಿದ್ದಾರೆ. ಈ ಹಿಂದೆ ಶೇ. 20 ಬೇರೆ ಎಣ್ಣೆಯನ್ನು ಸಾಸಿವೆ ಎಣ್ಣೆ ಜತೆ ಬೆರೆಸಲು ತೈಲ ಕಂಪನಿಗಳಿಗೆ ಅನುಮತಿ ಇತ್ತು. ಈಗ ಸಾರ್ವಜನಿಕ ಆರೋಗ್ಯದ ದೃಷ್ಟಿಯಿಂದ ಅದಕ್ಕೆ ನಿಷೇಧ ಹೇರಲಾಗಿದೆ. (ಏಜೆನ್ಸೀಸ್)