ಮೆಕ್ಸಿಕೋ: ಸಮುದ್ರದ ತೀರಲ್ಲಿ ಡೈನೋಸಾರ್ ಮರಿಗಳು ಸಾಲಾಗಿ ಓಡಿಹೋಗತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಅಲ್ಲದೇ ನಿಜವಾಗಿಯೂ ಇದು ಡೈನೋಸಾರ್ ಮರಿಗಳೇ ಇರಬಹುದು ಎಂದು ಈ ವಿಡಿಯೋ ನೋಡಿದವರು ಅಚ್ಚರಿ ವ್ಯಕ್ತಪಡಿಸಿದ್ದರು.
ಓರ್ವ ಟ್ವಿಟಿಗ ಈಗಷ್ಟೇ ಡೈನೋಸಾರ್ ಮರಿಗಳು ಸಮುದ್ರದ ಬೀಚ್ನಲ್ಲಿ ಓಡಾಡುತ್ತಿವೆ ಎಂಬ ಶೀರ್ಷಿಕೆ ನೀಡಿ ವಿಡಿಯೋ ಹಾಕಿಕೊಂಡಿದ್ದರು. ಇದನ್ನು ನೋಡಿದ ಜನರು ಶಾಕ್ ಆಗಿದ್ದಲ್ಲದೇ ನಿಜವಾಗಿಯೂ ಇದು ಡೈನೋಸಾರ್ ಇರಬಹುದು ಎಂದೇ ನಂಬಿದ್ದರು. 14 ಸೆಕೆಂಡ್ ಇರುವ ಈ ವಿಡಿಯೋವನ್ನು 9.8ಮಂದಿ ವೀಕ್ಷಿಸಿದ್ದು, 47ಸಾವಿರ ಲೈಕ್ಸ್ ಸಿಕ್ಕಿದೆ.
ನಂತರ ಇದಕ್ಕೆ ಉತ್ತರಿಸಿರುವ ಅವರು ಹೌದು… ಡೈನೋಸಾರ್ ಗಳು ಹಲವು ವರ್ಷಗಳ ಹಿಂದೆ ಇದ್ದವು ಎಂಬುದನ್ನು ತನ್ನ ಮಗನಿಗೆ ತೋರಿಸಲು ಸಂಜೆ ವೇಳೆಯಲ್ಲಿ ಓಡಾಡುತ್ತಿದ್ದ ಈ ಪ್ರಾಣಿಯನ್ನು ವಿಡಿಯೋ ಮಾಡಿದ್ದೆ. ಇವು ಕ್ಯಾಮೆರಾದಲ್ಲಿ ಅದೇ ರೀತಿ ಸೆರೆಯಾಗಿವೆ. ಆದರೆ ಇದು ಡೈನೋಸಾರ್ ಅಲ್ಲ ಎಂದು ಸ್ಪಷ್ಡಪಸಿದ್ದಾರೆ.
ಹಾಗಾದರೆ ಅದರಂತೆಯೇ ಇರುವ ಈ ಜೀವಿಗಳು ಯಾವುವು ಎಂಬುದಕ್ಕೆ ಇಲ್ಲಿದೆ ಉತ್ತರ. ದಕ್ಷಿಣ ಹಾಗೂ ಮಧ್ಯ ಅಮೆರಿಕ ಮತ್ತು ಮೆಕ್ಸಿಕೋದಲ್ಲಿ ಕಾಣ ಸಿಗುವ ಕೊಟಿಸ್ ಎಂಬ ಪ್ರಾಣಿ ಇದು ಓಡುವಾಗ ಡೈನೊಸಾರ್ ಅಂತೆಯೇ ಕತ್ತು ಮೇಲೆತ್ತಿ ಓಡುತ್ತವೆ. ಇದರ ಬಾಲ ಉದ್ದವಿರುವುದರಿಂದ ಅವು ಡೈನೋಸಾರ್ ಮರಿಗಳಂತೆಯೇ ಕಾಣುತ್ತವೆ. ಅಸಲಿಗೆ ಇದು ಡೈನೋಸಾರ್ ಗಳಲ್ಲ ಎಂಬುದು ಸ್ಪಷ್ಟವಾಗಿದೆ.
ಇವು 33 ರಿಂದ 68 ಇಂಚು ಎತ್ತರವಿದ್ದು, 2 ರಿಂದ 8 ಕೆ.ಜಿ.ಯವರೆಗೆ ತೂಕವಿರಲಿದೆ.
ಮಂಗಳವಾರ ಕರಾವಳಿ ತೀರಕ್ಕೆ ಪ್ರವೇಶಿಸಲಿದೆ ವರ್ಷದ ಮೊದಲ ಚಂಡಮಾರುತ: ಒಡಿಶಾ ಸರ್ಕಾರದಿಂದ ಮುನ್ನೆಚ್ಚರಿಕೆ ಕ್ರಮ