ಅಮೇಜಾನ್ ಪ್ರೈಮ್, ನೆಟ್ಫ್ಲಿಕ್ಸ್ ಅಲ್ಲದೆ ಈಗಾಗಲೇ ಸಾಕಷ್ಟು ಓವರ್ ದಿ ಟಾಪ್ (ಓಟಿಟಿ)ಗಳಲ್ಲಿ ಕನ್ನಡ ಚಿತ್ರಗಳು ಮತ್ತು ವೆಬ್ಸೀರೀಸ್ಗಳು ಸ್ಟ್ರೀಮಿಂಗ್ ಆಗುತ್ತಿವೆ. ಇದಲ್ಲದೆ ಕನ್ನಡ ಮತ್ತು ಕನ್ನಡಿಗರಿಗಾಗಿಯೇ ಎಕ್ಸ್ಕ್ಲೂಸಿವ್ ಆಗಿ ಓನ್ಲಿ ಕನ್ನಡ ಮತ್ತು ಪ್ರಾಗುಣಿ ಎಂಬ ಓಟಿಟಿಗಳು ಕಾರ್ಯನಿರ್ವಹಿಸುತ್ತಿವೆ.
ಈ ಮಧ್ಯೆ, ಫಿಲ್ಮ್ ಶಾಪ್ ಎಂಬ ಇನ್ನೊಂದು ಹೊಸ ಓಟಿಟಿ ಇಂದಿನಿಂದ ಪ್ರಾರಂಭವಾಗಿದೆ. ಗೌರಿ-ಗಣೇಶ ಹಬ್ಬದ ಪ್ರಯುಕ್ತ ಇಂದಿನಿಂದ ಈ ಓಟಿಟಿ ಶುರುವಾಗಿದ್ದು, ಗೂಗಲ್ ಪ್ಲೇಸ್ಟೋರ್ನಲ್ಲಿ ಈ ಆಪ್ ಡೌನ್ಲೋಡ್ ಮಾಡಿಕೊಳ್ಳಬಹುದಾಗಿದೆ.
ಇದನ್ನೂ ಓದಿ: ಲೊಕೇಶನ್ ಹುಡುಕುವವರಿಗೆ ಹೀಗೊಂದು ಪುಸ್ತಕ!
ಅಂದಹಾಗೆ, ಈ ಓಟಿಟಿ ಶುರು ಮಾಡಿರುವುದು ನಟ-ನಿರ್ದೇಶಕ-ನಿರ್ಮಾಪಕ ಬಿ.ಆರ್. ಕೇಶವ್. ಕನ್ನಡದಲ್ಲಿ ಈಗಾಗಲೇ ಸಾಕಷ್ಟು ಚಿತ್ರಗಳನ್ನು ನಿರ್ದೇಶಿಸಿರುವ ಅವರು, ಈ ಓಟಿಟಿ ಶುರು ಮಾಡಿದ್ದಾರೆ.
ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡುವ ಅವರು, ‘ಈಗ ಎಲ್ಲಾ ಕಡೆ ಓಟಿಟಿಯದ್ದೇ ಸುದ್ದಿ. ನನ್ನ ಹತ್ತಿರವೂ ಓಟಿಟಿಗೆ ಹೊಂದುವಂತಹ 10 ಸಿನಿಮಾಗಳು, ನಾಲ್ಕು ವೆಬ್ಸೀರೀಸ್ಗಳು ಇದ್ದವು. ಈಗ ಮೊದಲ ಹಂತವಾಗಿ ಎರಡು ಸಿನಿಮಾಗಳು ಮತ್ತು ಎರಡು ವೆಬ್ ಸೀರೀಸ್ ಮುಂದಿಟ್ಟುಕೊಂಡು ಈ ಓಟಿಟಿ ಶುರು ಮಾಡಿದ್ದೇನೆ’ ಎನ್ನುತ್ತಾರೆ.
ಇದನ್ನೂ ಓದಿ: ಶಾರೂಖ್ – ಹಿರಾನಿ ಸಿನಿಮಾ ಯಾವಾಗ? ಉತ್ತರ ಇಲ್ಲಿದೆ ನೋಡಿ …
ಸದ್ಯಕ್ಕೆ ‘ಸಂರಕ್ಷಣೆ’ ಮತ್ತು ‘ಮಾಸ್ಕ್’ ಎಂಬ ಎರಡು ಚಿತ್ರಗಳು ಈ ಓಟಿಟಿಯಲ್ಲಿ ಲಭ್ಯವಿದೆ. ಇನ್ನು ‘ಕರುನಾಡು’ ಮತ್ತು ‘ಅಮೇರಿಕ ಅಮೇರಿಕ’ ಎಂಬ ಟ್ರಾವಲ್ ಶೋಗಳು ಸಹ ಸಿಗುತ್ತಿವೆ. ಈ ಚಿತ್ರಗಳು ಮತ್ತು ಸರಣಿಗಳನ್ನು ಚಂದಾದಾರರು ಮಾತ್ರ ನೋಡಬಹುದು.
ಮುಂದಿನ ದಿನಗಳಲ್ಲಿ ಹಲವು ಸಿನಿಮಾ ಮತ್ತು ಕಾರ್ಯಕ್ರಮಗಳು ಈ ಓಟಿಟಿಯಲ್ಲಿ ಸಿಗಲಿದೆಯಂತೆ. ಸದ್ಯಕ್ಕೆ ಬಿ.ಆರ್. ಕೇಶವ್ ಅವರು ತಮ್ಮ ನಿರ್ಮಾಣದ ಸಿನಿಮಾ ಮತ್ತು ಕಾರ್ಯಕ್ರಮಗಳನ್ನು ಮಾತ್ರ ಈ ಓಟಿಟಿಯಲ್ಲಿ ಬಿಡುಗಡೆ ಮಾಡಿದ್ದು, ಮುಂದಿನ ದಿನಗಳಲ್ಲಿ ಬೇರೆಯವರು ನಿರ್ಮಿಸಿ-ನಿರ್ದೇಶಿಸದ ಕಾರ್ಯಕ್ರಮಗಳಿಗೂ ಅವಕಾಶ ನೀಡಲಾಗುವುದಂತೆ.
ನಂಗೊಂದು ಸಿನಿಮಾ ಮಾಡಿಕೊಡಿ ಸಾರ್ … ಉಪ್ಪಿಗೆ ಶ್ರೀಮುರಳಿ ಮನವಿ