ಜಗತ್ತಿನಾದ್ಯಂತ ಕರೊನಾ ಕಳವಳ ಹೆಚ್ಚಾಗುತ್ತಿದ್ದಂತೆಯೇ ಅಮೆರಿಕದಿಂದ ಇನ್ನಷ್ಟು ಬೆಚ್ಚಿ ಬೀಳಿಸುವ ಸುದ್ದಿ ಹೊರಬಿದ್ದಿದೆ. ಮುಂದಿನ ದಿನಗಳಲ್ಲಿ ಕರೊನಾ ವೈರಸ್ನಿಂದ ಇಡೀ ರಾಷ್ಟ್ರದಲ್ಲಿ 1ರಿಂದ 2 ಲಕ್ಷ ಸಾವುಗಳು ಸಂಭವಿಸುವ ಸಾಧ್ಯತೆ ಇದ್ದು, ಆ ಸನ್ನಿವೇಶವನ್ನು ಎದುರಿಸಲು ಸಿದ್ಧರಾಗಿರುವಂತೆ ಅಮೆರಿಕನ್ನರಿಗೆ ವೈಟ್ಹೌಸ್ ಎಚ್ಚರಿಕೆ ನೀಡಿದೆ.
ಕರೊನಾ ಹಾವಳಿಯನ್ನು ಎದುರಿಸಲು ಯಾವುದೇ ಮಂತ್ರದಂಡ ನಮ್ಮಲ್ಲಿಲ್ಲ. ಚಿಕಿತ್ಸೆ, ಲಸಿಕೆಯಂತೂ ಇಲ್ಲವೇ ಇಲ್ಲ. ಮುಂದಿನ 30 ದಿನಗಳಲ್ಲಿ ಈ ಮಹಾಮಾರಿಯನ್ನು ಮಣಿಸಲು ನಮ್ಮ ಸಾಮಾಜಿಕ ನಡವಳಿಕೆಗಳಿಂದ ಮಾತ್ರವೇ ಸಾಧ್ಯ ಎಂದಿದ್ದಾರೆ ಶ್ವೇತಭವನದ ಕರೊನಾ ವೈರಸ್ ರೆಸ್ಪಾನ್ಸ್ ಕೋಆರ್ಡಿನೇಟರ್ ಡಾ. ಡೆಬೋರಾ ಬ್ರಕ್ಸ್.
ಇದೇ ವೇಳೆ, ಸಾರ್ವಜನಿಕರು ಅನುಸರಿಸಬೇಕಾದ ಸಾಮಾಜಿಕ ಅಂತರ, ಮನೆಯಲ್ಲಿ ಇರುವಾಗ ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳ ಕುರಿತು ಟ್ರಂಪ್ ಆಡಳಿತ ಪ್ರಕಟಿಸಿರುವ ಮಾರ್ಗಸೂಚಿಯನ್ನು ಕಟ್ಟುನಿಟ್ಟಾಗಿ ಅನುಸರಿಸುವಂತೆ ಮನವಿ ಮಾಡಿದರು.
ಅಮೆರಿಕದಲ್ಲಿ ನ್ಯೂಯಾರ್ಕ್, ಕನೆಕ್ಟಿಕಟ್ ಮತ್ತು ನ್ಯೂಜೆರ್ಸಿ ಅತ್ಯಂತ ಅಪಾಯಕಾರಿ ಸ್ಥಿತಿಯಲ್ಲಿವೆ. ಉಳಿದ ಪ್ರದೇಶಗಳೂ ಅವುಗಳ ಸ್ಥಿತಿಯತ್ತ ಸಾಗುತ್ತಿವೆ. ಹಾಗಾಗಿ ಲಾಕ್ಡೌನ್ ಇನ್ನಷ್ಟು ಬಿಗಿಯಾಗಲಿದೆ. ಆದರೆ ಅಗತ್ಯ ಸಂದರ್ಭಗಳಲ್ಲಿ ಮನೆಯಿಂದ ಹೊರಗೆ ಬರಲು ಜನರಿಗೆ ಅವಕಾಶ ನೀಡಲಾಗುವುದು ಎಂದು ಹೇಳಿದರು.
ಆಗಸ್ಟ್ ಮೊದಲ ವಾರದವರೆಗೆ ಅಮೆರಿಕದಾದ್ಯಂತ 84 ಸಾವಿರ ಜನ ಕೊರೊನಾದಿಂದ ಸಾಯಬಹುದೆಂದು ವಾಷಿಂಗ್ಟನ್ ವಿಶ್ವವಿದ್ಯಾಲಯದ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಮೆಟ್ರಿಕ್ಸ್ ಆ್ಯಂಡ್ ಇವ್ಯಾಲುವೇಷನ್ (ಐಎಚ್ಎಂಇ) ಅಭಿಪ್ರಾಯಪಟ್ಟಿದೆ. (ಏಜೆನ್ಸೀಸ್)
ಪರಿಹಾರ ನಿಧಿಗೆ ನೀವಾಗೇ ದೇಣಿಗೆ ಕೊಡಿ; ಇಲ್ಲಾಂದ್ರೆ ಸಂಬಳದಲ್ಲಿ ಹಿಡಿತೇವೆ ನೋಡಿ! – ಕೇರಳ ಸರ್ಕಾರದ ವಿಲಕ್ಷಣ ವರಸೆ
ಕರೊನಾ ಕುರಿತ ಭಯಾನಕ ಮಾಹಿತಿ ಬಿಚ್ಚಿಟ್ಟ ನೂತನ ಸಂಶೋಧನೆ: ಎಚ್ಚರ ವಹಿಸದಿದ್ರೆ ಸೋಂಕು ಖಂಡಿತ