ಬೆಂಗಳೂರು: ಶಶಿಕುಮಾರ್ ಅವರ ಮಗ ಅಕ್ಷಿತ್ ಕಳೆದ ವರ್ಷವೇ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ಆದರೆ, ಅದ್ಯಾಕೋ ನಿರೀಕ್ಷಿತ ಯಶಸ್ಸು ಪಡೆಯಲಿಲ್ಲ. ಅಂದುಕೊಂಡಂತೆ ಬಿಡುಗಡೆಯಾದ ಎರಡೂ ಚಿತ್ರಗಳೂ ಗೆಲ್ಲಲಿಲ್ಲ. ಈಗ ಅಕ್ಷಿತ್ ಅಭಿನಯದ ಮೂರನೆಯ ಚಿತ್ರ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ. ಅದೇ ‘ಖೆಯೊಸ್’.
ಇದನ್ನೂ ಓದಿ: ನೋರಾಗೆ ಜಾಕ್ಲೀನ್ ಕಂಡರೆ ಹೊಟ್ಟೆಉರಿ … ಹೊಸ ರಹಸ್ಯ ಬಿಚ್ಚಿಟ್ಟ ಸುಕೇಶ್ ಚಂದ್ರಶೇಖರ್
‘ಖೆಯೊಸ್’ ಚಿತ್ರವನ್ನು ದಿ ಬ್ಲಾ ಪೆಬ್ಬಲ್ ಎಂಟರ್ಟೈನ್ಮೆಂಟ್ನಡಿ ಪಾರುಲ್ ಅಗರವಾಲ್ ಹಾಗೂ ಹೇಮಚಂದ್ರ ರೆಡ್ಡಿ ಜಂಟಿಯಾಗಿ ನಿರ್ಮಿಸಿದ್ದಾರೆ. ಈಗಾಗಲೇ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿರುವ ಈ ಚಿತ್ರವು ಫೆ.17ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.
ವಿಶೇಷವೆಂದರೆ, ಈ ಚಿತ್ರದಲ್ಲಿ ಅಕ್ಷಿತ್ಗೆ ನಾಯಕಿಯಾಗಿ ನಟಿಸಿದ್ದಾರೆ. ಇನ್ನೂ ಒಂದು ವಿಶೇಷವೆಂದರೆ, ಈ ಚಿತ್ರದಲ್ಲಿ ಶಶಿಕುಮಾರ್ ಸಹ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದು, ತಂದೆ-ಮಗ ಜತೆಯಾಗಿ ನಟಿಸಿರುವ ಮೊದಲ ಚಿತ್ರ ಇದಾಗಿದೆ. ಜತೆಗೆ ಆರ್ ಕೆ ಚಂದನ್, ಸಿದ್ದು ಮೂಲಿಮನಿ ಮುಂತಾದವರು ನಟಿಸಿದ್ದಾರೆ.
ಇದನ್ನೂ ಓದಿ: ನಿಮಗೆ ಇಲ್ಲಿ ಸಿನಿಮಾ ಮಾಡೋ ಯೋಚನೆ ಇದ್ರೆ ಹೇಳಿ, ಮಾತಾಡೋಣ: ರಾಜಮೌಳಿಗೆ ಕ್ಯಾಮರಾನ್ ಆಫರ್
ಮೆಡಿಕಲ್ ಕಾಲೇಜಿನಲ್ಲಿ ನಡೆಯುವ ಕಥೆ ಇದಾಗಿದ್ದು, ಆಕ್ಷನ್, ಸಸ್ಪೆನ್ಸ್, ಥ್ರಿಲ್ ಜತೆಗೆ ಮರ್ಡರ್ ಮಿಸ್ಟ್ರಿ ಸಹ ಇದ್ದು, ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆಯುವುದರ ಜತೆಗೆ ನಿರ್ದೇಶನ ಮಾಡಿದ್ದಾರೆ ಡಾ.ಜಿ.ವಿ. ಪ್ರಸಾದ್. ಈ ಚಿತ್ರಕ್ಕೆ ವಿಜಯ್ ಹರಿತ್ಸ ಅವರ ಸಂಗಿತವಿದ್ದು, ದಿಲೀಪ್ ಕುಮಾರ್ ಮತ್ತು ಸಂದೀಪ್ ವಳ್ಳೂರಿ ಛಾಯಾಗ್ರಹಣವಿದೆ.
RRR ಚಿತ್ರವನ್ನು ಬಾಲಿವುಡ್ ಸಿನಿಮಾ ಎಂದು ಕರೆದ ಹಾಲಿವುಡ್ ನಟಿಗೆ ನೆಟ್ಟಿಗರಿಂದ ಖಡಕ್ ರಿಪ್ಲೈ!