ಚೆನ್ನೈ: ತಮ್ಮ ಮುಂದಿನ ಚಿತ್ರದ ಶೂಟಿಂಗ್ನಲ್ಲಿ ಬಿಜಿಯಾಗಿದ್ದ ತಮಿಳು ಸ್ಟಾರ್ ನಟ ವಿಜಯ್ಗೆ ಬುಧವಾರ ಬೆಳಗ್ಗೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಶಾಕ್ ನೀಡಿದ್ದು, ಇತ್ತೀಚೆಗಷ್ಟೇ ಬಿಡುಗಡೆಯಾದ ತಮ್ಮ ಬಿಗಿಲ್ ಚಿತ್ರ ಕುರಿತು ಐಟಿ ಇಲಾಖೆಯ ವಿಚಾರಣೆಯನ್ನು ವಿಜಯ್ ಎದುರಿಸಬೇಕಾಗಿದೆ.
ಐಟಿ ಅಧಿಕಾರಿಗಳ ತಂಡವೊಂದು ತಮಿಳುನಾಡಿನ ನೆವೆಲಿಯಲ್ಲಿ ನಡೆಯುತ್ತಿದ್ದ ಲೋಕೇಶ್ ಕನಗರಾಜ್ ನಿರ್ದೇಶನದ ಮಾಸ್ಟರ್ ಚಿತ್ರದ ಶೂಟಿಂಗ್ ಸ್ಥಳಕ್ಕೆ ವಿಜಯ್ಗೆ ಸಮನ್ಸ್ ನೀಡಲು ಆಗಮಿಸಿದ್ದು, ಇಡೀ ಚಿತ್ರತಂಡಕ್ಕೆ ಒಂದು ರೀತಿಯ ಶಾಕ್ ಆಗಿತ್ತು.
ಎಜಿಎಸ್ ಸಿನಿಮಾ ಮತ್ತು ಎಜಿಎಸ್ ಎಂಟರ್ಟೈನ್ಮೆಂಟ್ ಸೇರಿದಂತೆ ಎಜಿಎಸ್ ಗ್ರೂಪ್ಗೆ ಸಂಬಂಧಿಸಿದ ಸುಮಾರು 20 ಕಡೆ ಐಟಿ ದಾಳಿ ನಡೆದ ದಿನವೇ ವಿಜಯ್ಗೆ ಐಟಿ ಅಧಿಕಾರಿಗಳು ಸಮನ್ಸ್ ನೀಡಿದ್ದಾರೆ. ಅದಕ್ಕೆ ಕಾರಣ ಬಿಗಿಲ್ ಚಿತ್ರವನ್ನು ಎಜಿಎಸ್ ಸಿನಿಮಾ ನಿರ್ಮಾಣ ಮಾಡಿತ್ತು.
ಫೆ.1ರಿಂದಲೂ ಮಾಸ್ಟರ್ ಚಿತ್ರದ ಶೂಟಿಂಗ್ನಲ್ಲಿ ತೊಡಗಿಕೊಂಡಿರುವ ವಿಜಯ್ಗೆ ಐಟಿ ಅಧಿಕಾರಿಗಳು ಖುದ್ದಾಗಿ ಹೋಗಿ ಸಮನ್ಸ್ ನೀಡಿದ್ದಾರೆ. ಬಿಡುಗಡೆಗೊಂಡು ಯಶಸ್ವಿಯಾದ ಕ್ರೀಡಾ ಆಧಾರಿತ ಬಿಗಿಲ್ ಚಿತ್ರದ ಆದಾಯ ಸಂಬಂಧ ವಿಜಯ್ಗೆ ಸಮನ್ಸ್ ನೀಡಲಾಗಿದೆ. ಬಿಗಿಲ್ ಚಿತ್ರಕ್ಕಾಗಿ ವಿಜಯ್ ಸಂಭಾವನೆ ಹಾಗೂ ಬಿಗಿಲ್ ಚಿತ್ರದ ಲಾಭದ ಕುರಿತು ವಿಚಾರಣೆಗೆ ಹಾಜರಾಗುವಂತೆ ತಿಳಿಸಿದ್ದು, ಬುಧವಾರ ಸಂಜೆ ಚೆನ್ನೈನ ವಿಜಯ್ ನಿವಾಸದಲ್ಲಿ ವಿಚಾರಣೆ ನಡೆಯಲಿದೆ ಎಂದು ಮೂಲಗಳು ತಿಳಿಸಿವೆ. (ಏಜೆನ್ಸೀಸ್)