ಮುಂಬೈ: ತನ್ನ ಮುಂಬರುವ ಚಿತ್ರದ ಪ್ರಚಾರದ ವೇಳೆ ಕಾಣಿಸಿಕೊಂಡಿದ್ದ ಬಾಲಿವುಡ್ ನಟಿ ಜಾಹ್ವನಿ ಕಪೂರ್ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ಗಳಿಗಳಾಗಿದ್ದಾರೆ.
ಬಿಡುಗಡೆಗೆ ರೆಡಿಯಾಗಿರುವ ಗುಡ್ ಲಕ್ ಚಿತ್ರದ ಪ್ರಚಾರದಲ್ಲಿ ಧರಿಸಿದ್ದ ಬಟ್ಟೆಯಿಂದಾಗಿ ಜಾಹ್ನವಿ ಈಗ ಚರ್ಚೆಯಲ್ಲಿದ್ದಾರೆ. ಸದಾ ಫ್ಯಾಷನ್ ಉಡುಗೆಯನ್ನು ತೊಟ್ಟು ಆಗ್ಗಾಗ್ಗೆ ಸುದ್ದಿಯಾಗುವ ಜಾಹ್ನವಿ ಈ ಬಾರಿಯೂ ಇದೇ ಕಾರಣಕ್ಕೆ ಚರ್ಚೆಯಲ್ಲಿದ್ದಾರೆ.
ಅಮೆರಿಕ ನಟಿ ಹಾಗೂ ಮಾಡೆಲ್ ಅನ್ನೆಹ್ಯಾಥ್ವೇ ಅವರು ಧರಿಸಿದ ರೀತಿಯ ಬಟ್ಟೆಯನ್ನು ಧರಿಸಿರುವುದು ಈಗ ಟೀಕೆಗೆ ಗುರಿಯಾಗಿದ್ದಾರೆ. ಕಳೆದ ಏಪ್ರಿಲ್ನಲ್ಲಿ ಸಮಾರಂಭವೊಂದರಲ್ಲಿ ನೀಲಿ ಹಾಗೂ ಕಪ್ಪು ಬಣ್ಣದ ಬಟ್ಟೆ ಧರಿಸಿದ್ದರು. ಇದೇ ರೀತಿಯ ವಿನ್ಯಾಸವಿರುವ ಬಟ್ಟೆಯನ್ನು ಜೂನ್ 18 ರಂದು ಜಾಹ್ನವಿ ಕಪೂರ್ ಧರಿಸಿದ್ದಾರೆ. ಇದು ಈಗ ಜಾಲತಾಣದಲ್ಲಿ ನಟಿಗೆ ಟೀಕೆಗಳ ಸುರಿಮಳೆಯೇ ಆಗುತ್ತಿದೆ.
ಖ್ಯಾತ ವಸ್ತ್ರ ವಿನ್ಯಾಸಕ ಡೇವಿಡ್ ಕೊಮಾ ಎಂಬುವವರು ವಿನ್ಯಾಸ ಮಾಡಿರುವ ಈ ಉಡುಪು ಫ್ಯಾಷನ್ ಪ್ರಿಯರಿಗೆ ಭಾರೀ ಮೆಚ್ಚುಗೆಯಾಗಿದೆ. ಈ ಮೊದಲೇ ಹಾಲಿವುಡ್ ನಟಿ ಧರಿಸಿದ್ದರಿಂದ ಅದನ್ನೇ ನಕಲು ಮಾಡುವ ಅಗತ್ಯವಿರಲಿಲ್ಲ ಎಂದು ಟೀಕಿಸಿದ್ದಾರೆ.
ಡೇವಿಡ್ ಕೊಮಾ ವಸ್ತ್ರ ವಿನ್ಯಾಸಕರಾಗಿರುವ ಇವರು ಲಂಡನ್ ಮೂಲದವರಾಗಿದ್ದು, ಖ್ಯಾತ ಸೆಲೆಬ್ರಿಟಿಗಳಿಗಾಗಿ ವಿಶೇಷ ವಿನ್ಯಾಸ ಮಾಡಿಕೊಡುತ್ತಾರೆ. ವಿಶ್ವದಾದ್ಯಂತ ಇವರ ಡಿಸೈನ್ಗೆ ಭಾರೀ ಬೇಡಿಕೆ ಇದೆ. (ಏಜೆನ್ಸೀಸ್)