ಟಾಲಿವುಡ್ ನಟ ಅಲಿ ಮತ್ತು ಪವನ್ ಕಲ್ಯಾಣ್ ನಡುವಿನ ಸಂಬಂಧ ಹಳಸಿ ಒಂದು ವರ್ಷದ ಮೇಲಾಯಿತು. ಚುನಾವಣೆ ಪ್ರಚಾರದ ವೇಳೆ ಇಬ್ಬರು ಪರಸ್ಪರ ಮಾತಿನ ಮೂಲಕವೇ ಕಿತ್ತಾಡಿದ್ದರು. ಅದಾದ ಬಳಿಕ ಈ ಇಬ್ಬರು ಕಲಾವಿದರು ಮುಖಾಮುಖಿಯಾಗಿ ಮಾತನಾಡಿರಲಿಲ್ಲ. ಪವನ್ ಕಲ್ಯಾಣ್ ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಅಲಿ ವಿರುದ್ಧ ವಿರೋಧಿ ಪೋಸ್ಟ್ಗಳನ್ನು ಅಪ್ಲೋಡ್ ಮಾಡುತ್ತಿದ್ದರು. ಇಷ್ಟು ದಿನ ಇದೆಲ್ಲವನ್ನು ಸಹಿಸಿಕೊಂಡು ಬಂದಿದ್ದ ಅಲಿಯ ಸಹನೆಯ ಕಟ್ಟೆಯೊಡೆದಿದೆ. ಇದೀಗ ನೇರವಾಗಿ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಇದನ್ನೂ ಓದಿ: ದೀಪಿಕಾಗೆ ಯಾವುದರ ಮೇಲೆ ಹೆಚ್ಚು ಪ್ರೀತಿ ಗೊತ್ತೆ?
ಹೌದು, ಪವನ್ ಕಲ್ಯಾಣ್ ಅಭಿಮಾನಿಗಳು ಅಲಿ ಹೆಸರಿನ ನಕಲಿ ಸಾಮಾಜಿಕ ಜಾಲತಾಣಗಳ ಖಾತೆ ತೆರೆದು, ಅದರಲ್ಲಿ ಇಲ್ಲ ಸಲ್ಲದ ವಿಚಾರಗಳನ್ನು ಬರೆದು, ಅಲಿ ಹೆಸರಿಗೆ ಮಸಿ ಬಳಿಯುವ ಕೆಲಸ ಮಾಡುತ್ತಿದ್ದಾರೆ. ಅಷ್ಟೇ ಅಲ್ಲ ಅಲಿ ಹೆಸರಿನ ಜಾಲತಾಣ ಖಾತೆಯಲ್ಲಿ ಪವನ್ ವಿರುದ್ಧದ ಪೋಸ್ಟ್ಗಳನ್ನು ಹಾಕಲಾಗುತ್ತಿದೆ. ಇದೆಲ್ಲವನ್ನು ಗಮನಿಸಿದ ಅಲಿ, ಸೈಬರ್ ಠಾಣೆಯಲ್ಲಿ ದೂರು ನೀಡಿ, ನಕಲಿ ಖಾತೆಗಳನ್ನು ನಿಷ್ಕ್ರೀಯಗೊಳಿಸುವಂತೆ ದೂರಿನಲ್ಲಿ ನಮೂದಿಸಿದ್ದಾರೆ.
ಇತ್ತೀಚೆಗಷ್ಟೇ ಅಲಿ ಹೆಸರಿನ ಟ್ವಿಟರ್ ಖಾತೆ ತೆರೆದು ಅದರಲ್ಲಿ ಪವನ್ ಕಲ್ಯಾಣ್ ಅವರಿಗೆ ಕ್ಷಮಾಪಣೆ ಕೇಳುವ ಭಂಗಿಯಲ್ಲಿನ ಫೋಟೋ ವೈರಲ್ ಆಗಿತ್ತು. ಚೀಟರ್ ಎಂದು ನಮೂದಿಸಿ, ಜನ ಸೇನಾ ಪಕ್ಷಕ್ಕೆ ಸೇರಿಕೊಳ್ಳಬೇಡ ಎಂದು ಬಗೆಬಗೆ ಟ್ವಿಟ್ ಮೂಲಕ ಅಲಿ ಅವರನ್ನು ಟ್ರೋಲ್ ಮಾಡಲಾಗಿತ್ತು. ಇದೆಲ್ಲವನ್ನು ಗಮನಿಸಿ ನಕಲಿ ಖಾತೆ ಸೃಷ್ಟಿಸಿ ಮಾನಹಾನಿ ಮಾಡುತ್ತಿರುವವರ ವಿರುದ್ಧ ದೂರು ನೀಡಿದ್ದಾರೆ.
ಇದನ್ನೂ ಓದಿ: ನನ್ನ ಬಯೋಪಿಕ್ಗೆ ನಾನೇ ಹೀರೋ; ಸೋನು ಸೂದ್ ಘೋಷಣೆ
ಅಂದಹಾಗೆ, ಅಲಿ ಮತ್ತು ಪವನ್ ಕಲ್ಯಾಣ್ ಈ ಮೊದಲು ಸಾಕಷ್ಟು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಇಬ್ಬರು ಆತ್ಮೀಯರು. ಆದರೆ, ಕಳೆದ ವರ್ಷದ ಚುನಾವಣಾ ಪ್ರಚಾರದ ವೇಳೆ ಇಬ್ಬರ ನಡುವೆ ಮುನಿಸು ಸೃಷ್ಟಿಯಾಗಿತ್ತು. (ಏಜೆನ್ಸೀಸ್)