ಬೆಂಗಳೂರು: ಹಣದ ಅಮಲೇರಿಸಿಕೊಂಡು, ಮಾನವೀಯತೆಯನ್ನು ಮರೆತು ಕೆಲವರನ್ನು ಅಕ್ರಮ ಬಂಧನದಲ್ಲಿಟ್ಟು ರಕ್ಕಸರ ರೀತಿಯಲ್ಲಿ ವರ್ತಿಸುತ್ತಿದ್ದ ದುಷ್ಟ ಯುವಕನನ್ನು ಬಂಧಿಸುವಲ್ಲಿ ಕಾಡುಗೋಡಿ ಪೊಲೀಸರು ಯಶಸ್ವಿ ಆಗಿದ್ದಾರೆ.
ಬಂಧಿತ ಅಂತರಾಜ್ಯ ವಂಚಕನನ್ನು ಸ್ವರೂಪ್ ಅಲಿಯಾಸ್ ಅಜಿತ್ ಶೆಟ್ಟಿ ಎಂದು ಗುರುತಿಸಲಾಗಿದೆ. ಈತ ಹಣಕ್ಕಾಗಿ ಮನುಷ್ಯತ್ವವನ್ನೇ ಬಿಡುವ ಕ್ರೂರಿ. 25ರ ಆಸು-ಪಾಸಿನಲ್ಲೇ ದೊಡ್ಡ ಕ್ರಿಮಿನಲ್ ಎನಿಸಿಕೊಂಡಿದ್ದಾನೆ. ಅಲ್ಲದೆ, ತಾನೊಬ್ಬ ಪೊಲೀಸ್ ಅಧಿಕಾರಿ ಎಂದು ಹೇಳಿಕೊಂಡು ಲಕ್ಷ-ಲಕ್ಷ ರೂ. ಹಣವನ್ನು ಪೀಕಿದ್ದಾನೆ.
ಬೆಂಗಳೂರಿನ ಪ್ರತಿಷ್ಠಿತ ಖಾಸಗಿ ಹೊಟೆಲ್ನಲ್ಲಿ ಕೆಲಸ ಮಾಡುವ ಹಾವೇರಿ ಮೂಲದ ಅರ್ಶದ್ ಎಂಬಾತನನ್ನು ಸ್ವರೂಪ್ ಪರಿಚಯ ಮಾಡಿಕೊಂಡಿದ್ದ. ಇದೇ ಸ್ಟಾರ್ ಹೋಟೆಲ್ಗೆ ಗ್ರಾಹಕನಾಗಿ ಆಗಮಿಸಿದ್ದ ವೇಳೆ ಇಬ್ಬರ ಪರಿಚಯವಾಗಿತ್ತು. ತುಂಬಾ ಪರಿಚಿತರಾದ ನಂತರ ಅರ್ಶದ್ ತನ್ನ ಹಣಕಾಸಿನ ಸಮಸ್ಯೆಯನ್ನು ಸ್ವರೂಪ್ ಬಳಿ ಹೇಳಿಕೊಂಡಿದ್ದ. ನಿನಗೆ ಹಣಕಾಸಿನ ಸಹಾಯ ಮಾಡುತ್ತೇನೆ ಯಾರಿಗೂ ಹೇಳ್ಬೇಡ ಎಂದು ಸ್ವರೂಪ್ ಹೇಳಿದ್ದ.
ಇದನ್ನೂ ಓದಿ: ವಿವಾಹಿತ ಕಾನ್ಸ್ಟೇಬಲ್ ಜತೆ ಮಹಿಳಾ ಎಸ್ಐ ಲವ್ವಿಡವ್ವಿ: ಏನೇ ಮಾಡಿದ್ರೂ ಸಂಬಂಧ ಮಾತ್ರ ಬಿಡ್ತಿಲ್ಲ!
ಅರ್ಶದ್ ಕಡೆಯವರಿಂದ ಹಣ ವಸೂಲಿ ಮಾಡಲು ಮುಂದಾದ ಸ್ವರೂಪ್, ಸ್ವಾಮೀಜಿ ಹೆಸರಿನಲ್ಲಿ ಪ್ಲಾನ್ ಮಾಡಿದ್ದ. ತನ್ನ ಪರಿಚಯಸ್ಥ ವಿಶ್ವನಾಥ್ ಸ್ವಾಮೀಜಿ ಅರ್ಶದ್ ಅಕೌಂಟ್ಗೆ 25 ಲಕ್ಷ ರೂ. ಹಣ ದೇಣಿಗೆ ನೀಡಿದ್ದಾರೆ. 25 ಲಕ್ಷ ರೂ. ಏಕಾಏಕಿ ಬಂದಿರುವುದರಿಂದ ಅಕೌಂಟ್ ಫ್ರೀಜ್ ಆಗಿದೆ. 5.85 ಲಕ್ಷ ರೂ. ತೆರಿಗೆ ಕಟ್ಟಬೇಕು. ಆ ಬಳಿಕ ಅರ್ಶದ್ ಅಕೌಂಟ್ಗೆ ಹಣ ಬರತ್ತೆ ಎಂದು ಪುಂಗಿಬಿಟ್ಟಿದ್ದ.
ಇತ್ತ 5.85 ಲಕ್ಷ ರೂ. ಹಣ ಪಡೆದು 25 ಲಕ್ಷ ರೂ. ಕೊಡದೇ ಸ್ವರೂಪ್ ಯಾಮಾರಿಸಿದ್ದ. ಆಗ ಹಣ ಬಾರದಿದ್ದದ್ದನ್ನು ಪ್ರಶ್ನಿಸಿದಾಗ ತಾನೇ ಹಣ ಕೊಡುತ್ತೇನೆಂದು ಹೇಳಿ ಅರ್ಶದ್ನನ್ನು ಕಾಡುಗೋಡಿಯ ಅಪಾರ್ಟ್ಮೆಂಟ್ಗೆ ಕರೆಸಿಕೊಂಡಿದ್ದ. ಅರ್ಶದ್ ಬರುತ್ತಿದ್ದಂತೆಯೇ ಆತನನ್ನು ಲಾಕ್ ಮಾಡಿದ ಸ್ವರೂಪ್, ಮೂರು ತಿಂಗಳು ಅಕ್ರಮ ಬಂಧನದಲ್ಲಿಟ್ಟುಕೊಂಡಿದ್ದ. ಈ ಮೂರು ತಿಂಗಳ ಅವಧಿಯಲ್ಲಿ ಅರ್ಶದ್ಗೆ ನರಕ ದರ್ಶನ ಮಾಡಿಸಿದ್ದ. ಫ್ಲಾಟ್ನಲ್ಲಿ ಒದೆಯೋದು, ತುಳಿಯೋದು ಮನಬಂದ ರೀತಿ ಹಲ್ಲೆ ಮಾಡುತ್ತಿದ್ದ.
ಇದನ್ನೂ ಓದಿ: ಮೊಬೈಲ್ ರಿಪೇರಿ ಮಾಡಿಸಿಕೊಳ್ಳುವ ನೆಪದಲ್ಲಿ ಬಂದವಳು ಬಟ್ಟೆ ಬಿಚ್ಚಿಸಿ ಬೆತ್ತಲೆ ವಿಡಿಯೋ ಮಾಡಿದ್ಳು!
ಕಿಕ್ ಬಾಕ್ಸಿಂಗ್ ರೂಪದಲ್ಲಿ ಮನೆಯಲ್ಲ ಓಡಾಡಿಸಿಕೊಂಡು ಹಲ್ಲೆ ನಡೆಸಿದ್ದ. ಹಲ್ಲೆ ಮಾತ್ರವಲ್ಲದೆ, ತನ್ನ ಫ್ಲಾಟ್ನಲ್ಲೇ ಡ್ರಗ್ಸ್ ಸೇವನೆ ಮಾಡಿ ವಿಕೃತಿ ಮೆರೆಯುತ್ತಿದ್ದ. ಈ ವೇಳೆ ಪೊಲೀಸರಂತೆ ಅರ್ಶದ್ ಪೋಷಕರಿಗೆ ಕರೆ ಮಾಡಿಸಿ, ಹಣ ನೀಡುವಂತೆ ಬ್ಲಾಕ್ಮೇಲ್ ಮಾಡುತ್ತಿದ್ದ. ಈ ಹಿಂದೆ ಅರ್ಶದ್ ತಾಯಿ ಹೆಸರಿನಲ್ಲಿದ್ದ ಚೆಕ್ಬೌನ್ಸ್ ಕೇಸ್ ಬಗ್ಗೆ ಪೊಲೀಸರಂತೆ ಪ್ರಸ್ತಾಪಿಸಿದ್ದ. ಇದೇ ಪ್ರಕರಣದಲ್ಲಿ ಅರ್ಶದ್ ಬಂಧಿಸುವುದಾಗಿ ಬೆದರಿಸಿ ಸುಮಾರು 48 ಲಕ್ಷ ರೂ. ಹಣ ಪೀಕಿದ್ದ.
ಕೊನೆಗೂ ಖತರ್ನಾಕ್ ಸ್ವರೂಪ್ನನ್ನು ಕಾಡುಗೋಡಿ ಪೊಲೀಸರು ಬಂಧಿಸಿದ್ದಾರೆ. ಬಂಧನವಾಗುತ್ತಿದ್ದಂತೆ ಸ್ವರೂಪ್ ವಿರುದ್ಧದ ಕ್ರಿಮಿನಲ್ ಕೇಸ್ಗಳ ಇತಿಹಾಸ ಬಯಲಾಗುತ್ತಿದೆ. ಮಂಗಳೂರು ಸುತ್ತ ಅರೋಪಿ ವಿರುದ್ಧ 5ಕ್ಕು ಹೆಚ್ಚು ವಂಚನೆ ಹಾಗು ಅಕ್ರಮ ಬಂಧನ ಕೇಸ್ ಇದೆ. ಪುಣೆಯ ಓರ್ವರಿಗೆ ಎಂಎನ್ಸಿ ಕಂಪನಿ ಸಿಇಒ ಎಂದು ಕರೆ ಮಾಡಿ ಲಕ್ಷ-ಲಕ್ಷ ಪೀಕಿದ್ದ ಎಂದು ತಿಳಿದುಬಂದಿದೆ. (ದಿಗ್ವಿಜಯ ನ್ಯೂಸ್)
ಅಕ್ಕನಿಂದಲೇ 15 ವರ್ಷದ ತಂಗಿಯ ಮೇಲೆ ನಿರಂತರ ರೇಪ್: ಸಂತ್ರಸ್ತೆ ಬಿಚ್ಚಿಟ್ಟ ಭಯಾನಕ ಕತೆ ಇದು!
ಲಿವ್ ಇನ್ ಹೆಸರಲ್ಲಿ ಗರ್ಭಿಣಿ ಮಾಡಿ ಬೀದಿಗೆ ಬಿಟ್ಟಿದ್ದಾನೆ- ಆತ್ಮಹತ್ಯೆ ಬಿಟ್ಟು ಬೇರೆನು ಮಾಡಲಿ?
2ನೇ ಪತ್ನಿ ಜತೆ ಪ್ರಸ್ತಕ್ಕೆ ಮುಂದಾಗಿದ್ದವನಿಗೆ ಮೊದಲನೇ ಹೆಂಡತಿ ಕೊಟ್ಟಳು ಬಿಗ್ ಶಾಕ್..!