ಬೆಂಗಳೂರು: ಮನೋರಂಜನೆಗಾಗಿ ಬಳಸಲ್ಪಡುವ ಟಿಕ್ಟಾಕ್ ಆ್ಯಪ್ನಲ್ಲಿ ಆಗಾಗ ವಿಶೇಷ ಎನಿಸುವಂತಹ ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಅಂತೆಯೇ ಇದೀಗ ವಿಶೇಷವಾದ ಪ್ರಾಣಿಯೊಂದರ ವಿಡಿಯೋ ವೈರಲ್ ಆಗಿದ್ದು, ಅದು ಮೀನೋ ಅಥವಾ ಅಕ್ಟೋಪಸ್ಸೋ ಎನ್ನುವುದರ ಬಗ್ಗೆ ಭಾರೀ ಚರ್ಚೆ ಆರಂಭವಾಗಿದೆ.
ವಿಡಿಯೋದಲ್ಲಿರುವ ಪ್ರಾಣಿ ಮೇಲ್ನೋಟಕ್ಕೆ ಮೀನಿನಂತೆ ಕಾಣುತ್ತದೆ. ಆದರೆ ಬೃಹದಾಕಾರದ ತಲೆ ಹೊಂದಿರುವ ಆ ಪ್ರಾಣಿಗೆ ಆಕ್ಟೋಪಸ್ನಂತೆಯೇ ಗೃಹಣಾಂಗಗಳು ಇವೆ. ಅಕ್ಟೋಪಸ್ ಮತ್ತು ಮೀನು ಎರಡಕ್ಕೂ ಹೋಲಿಕೆ ಇರುವಂತಹ ಈ ಪ್ರಾಣಿಯ ವಿಡಿಯೋ ಟಿಕ್ಟಾಕ್ನಲ್ಲಿ ಹೆಚ್ಚು ಹೆಚ್ಚು ಜನರಿಂದ ಶೇರ್ ಆಗುತ್ತಿದೆ. ಇದನ್ನು ಬ್ರೂಕ್ಲಿನ್ನ ಕೋನಿ ದ್ವೀಪದಲ್ಲಿ ಹಿಡಿಯಲಾಗಿದೆ ಎಂದು ಡೈಲಿ ಮೇಲ್ ವರದಿ ಮಾಡಿದೆ. ಪ್ರಾಣಿಯ ಬಾಯಿಯಲ್ಲಿ ಮೀನು ಹಿಡಿಯುವ ಗಾಳ ಇರುವುದು ಕಂಡುಬಂದಿದೆ.
ವಿಡಿಯೋವನ್ನು ನಟಾಲಿಯಾ ವೊರೊಬೊಕ್ ಎನ್ನುವವರು ಟಿಕ್ಟಾಕ್ನಲ್ಲಿ ಹಾಕಿದ್ದು, ವಿಡಿಯೋ ಈಗಾಗಲೇ 16.2 ಮಿಲಿಯನ್ ವೀಕ್ಷಣೆ ಪಡೆದುಕೊಂಡಿದೆ. 1.4 ಮಿಲಿಯನ್ ಜನರು ವಿಡಿಯೋಗೆ ಹಾರ್ಟ್ ಕೊಟ್ಟು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ. ಇದು ಒಂದು ವಿಶೇಷ ಪ್ರಾಣಿ ಎಂದು ಅನೇಕರು ಕಮೆಂಟ್ ಮಾಡಿದ್ದರೆ, ಕೆಲವರು ಇದು ಡೆಮೋಡ್ರಾಗನ್ ಇರಬಹುದು ಎಂದು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ವೀಕ್ಷಣೆ ಮಾಡಿದ ಒಬ್ಬ ವ್ಯಕ್ತಿ ಇದನ್ನು ಕ್ಲಿಯರ್ನೋಸ್ ಸ್ಕೇಟ್ ಎಂದು ಕರೆದಿದ್ದು, ಇವು ಸಮುದ್ರಗಳಲ್ಲಿ ಸಾಮಾನ್ಯವಾಗಿ ಕಾಣಸಿಗುತ್ತವೆ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
@natalie1526n#whatisthat #wtf #fyp #animal #ocean #nyc #atlanticocean #coneyisland #fishing