ಮುಂಬೈ: ಈಗೆಲ್ಲ ಲಗ್ನ ಪತ್ರಿಕೆಗಳಲ್ಲೂ ತರೇವಾರು ವೆರೈಟಿ ಬಂದುಬಿಟ್ಟಿದೆ. ಕಾಯಿಯಲ್ಲಿ ಆಹ್ವಾನ, ಪುಸ್ತಕದ ಮೂಲಕ ಆಹ್ವಾನ ಹೀಗೆ ಅನೇಕ ರೀತಿ ಹೊಸ ಐಡಿಯಾಗಳೊಂದಿಗೆ ಜನರು ಮದುವೆಗೆ ಕರೆಯಲಾರಂಭಿಸಿದ್ದಾರೆ. ಆದರೆ ಇಲ್ಲೊಂದು ಕುಟುಂಬ ಮಾತ್ರ, ತೀರಾ ವಿಶೇಷವಾಗಿ, ಲಗ್ನ ಪತ್ರಿಕೆ ಜತೆ ವೈನ್ ಬಾಟಲ್ನ್ನೇ ಕಳುಹಿಸಿಕೊಟ್ಟಿದೆ. ಅದರ ಜತೆ ಸ್ನಾಕ್ಸ್ನ್ನೂ ಇಟ್ಟಿರುವ ಈ ವಿಡಿಯೋ ಇದೀಗ ಸಕತ್ ವೈರಲ್ ಆಗಿದೆ.
ಇದನ್ನೂ ಓದಿ: ಶಾಲೆಯ ಟಾಯ್ಲೆಟ್ನಲ್ಲೇ ಪಾರ್ಟಿ ಆಯೋಜಿಸಿದ ಬಾಲಕ! ವಿಚಾರ ತಿಳಿದ ಅಮ್ಮ ನಕ್ಕಿದ್ದೇಕೆ?
ಮಹಾರಾಷ್ಟ್ರದ ಚಂದ್ರಾಪುರ ಜಿಲ್ಲೆಯಲ್ಲಿ ಇಂತದ್ದೊಂದು ಲಗ್ನಪತ್ರಿಕೆಯನ್ನು ಮಾಡಿಸಲಾಗಿದೆ. ದೊಡ್ಡದೊಂದು ಬಾಕ್ಸ್, ಅದರ ಮೇಲೆ ಗಣಪತಿ ಚಿತ್ರ. ಬಾಕ್ಸ್ ತೆರೆದಾಕ್ಷಣ, ಮದುವೆಯ ಮಾಹಿತಿ ಕೊಡುವ ಪತ್ರಿಕೆ. ಅದನ್ನು ತೆರೆದರೆ ಅಲ್ಲಿ ಕಾಣಿಸುತ್ತದೆ ನಿಜವಾದ ಖುಷಿ. ಒಂದು ವೈನ್ ಬಾಟಲ್, ಒಂದು ಸ್ನಾಕ್ಸ್ ಪ್ಯಾಕೆಟ್ ಮತ್ತೊಂದು ವಾಟರ್ ಬಾಟಲ್. ಮದುವೆಗೆ ಬರುವವರಿಗೆ ಲಗ್ನ ಪತ್ರಿಕೆ ಕೊಡುವಾಗಲೇ ಇಂತದ್ದೊಂದು ವಿಶೇಷ ಉಡುಗೊರೆಯನ್ನು ಕೊಡಲಾಗಿದೆ.
ಈ ಲಗ್ನ ಪತ್ರಿಕೆಯ ವಿಡಿಯೋವನ್ನು ಯಾರೋ ಒಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು, ಸಕತ್ ವೈರಲ್ ಆಗಿದೆ. ಮದುವೆಗೆ ಹೋಗದಿದ್ದರೂ ಪರವಾಗಿಲ್ಲ, ಇಂತದ್ದೊಂದು ಲಗ್ನ ಪತ್ರಿಕೆ ಆಗಾಗ ಮನೆಗೆ ಬಂದರೆ ಚೆನ್ನಾಗಿರುತ್ತದೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಲಾರಂಭಿಸಿದ್ದಾರೆ.
ಇದನ್ನೂ ಓದಿ: ಇದಪ್ಪಾ ಅದೃಷ್ಟ ಅಂದ್ರೆ! ಬಡ ಮೀನುಗಾರನನ್ನು ಕೋಟ್ಯಾಧಿಪತಿ ಮಾಡಿದ ತಿಮಿಂಗಿಲ ವಾಂತಿ
ಚಂದ್ರಾಪುರದಲ್ಲಿ ಮದ್ಯವನ್ನು ನಿಷೇಧಿಸಲಾಗಿದೆ. ಹಾಗಿರುವಾಗ ಇಂತಹ ಲಗ್ನ ಪತ್ರಿಕೆ ಮಾಡಿಸಿದ್ದೇಕೆ ಎನ್ನುವ ಪ್ರಶ್ನೆಗಳು ಕೇಳಿಬಂದಿದ್ದವು. ಈ ಪ್ರಶ್ನೆಗೆ ಉತ್ತರಿಸಿರುವ ಕುಟುಂಬ, “ಮದುವೆ ಚಂದ್ರಾಪುರದಲ್ಲೇ ನಡೆದಿದೆ. ಚಂದ್ರಾಪುರ ಜಿಲ್ಲೆಯವರಿಗೆ ಲಗ್ನ ಪತ್ರಿಕೆಯಲ್ಲಿ ವೈನ್ ಬದಲಾಗಿ ಡ್ರೈಫ್ರೂಟ್ಸ್ ಹಾಕಿಕೊಡಲಾಗಿತ್ತು. ಬೇರೆ ಜಿಲ್ಲೆಯ ಬಂಧುಗಳಿಗೆ ಮಾತ್ರವೇ ವೈನ್ ಕೊಟ್ಟು ಆಹ್ವಾನಿಸಲಾಗಿದೆ” ಎಂದು ಸ್ಪಷ್ಟೀಕರಣ ನೀಡಿದೆ. (ಏಜೆನ್ಸೀಸ್)
ಪೊಲೀಸ್ ಪೇದೆ ಮತ್ತು ಹೆಂಡತಿಯ ಕೊಲೆ! ಅಪ್ಪ ಅಮ್ಮ ಚೀರಿಕೊಳ್ಳುತ್ತಿದ್ದರೆ ಏನೂ ಗೊತ್ತಿಲ್ಲದವಳಂತೆ ಸುತ್ತಾಡಿದ ಮಗಳು!