ಲಖನೌ:ಹ್ಯಾಟ್ರಿಕ್ ಗೆಲುವಿನ ನಂತರ ಸತತ 2 ಪಂದ್ಯಗಳಲ್ಲಿ ಸೋಲು ಅನುಭವಿಸಿ ಲಯ ತಪ್ಪಿರುವ ಆತಿಥೇಯ ಲಖನೌ ಸೂಪರ್ ಜೈಂಟ್ಸ್ ತಂಡ ಐಪಿಎಲ್&17ರಲ್ಲಿ ಶುಕ್ರವಾರ ಹಾಲಿ ಚಾಂಪಿಯನ್ ಚೆನ್ನೆ$ ಸೂಪರ್ ಕಿಂಗ್ಸ್ ಸವಾಲು ಎದುರಿಸಲಿದೆ. ಏಕನಾ ಕ್ರೀಡಾಂಗಣದಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಕನ್ನಡಿಗ ರಾಹುಲ್ ಪಡೆ ಜಯದ ಹಳಿಗೇರುವ ತವಕದಲ್ಲಿದೆ. ಋತುರಾಜ್ ಗಾಯಕ್ವಾಡ್ ಬಳಗ ಹ್ಯಾಟ್ರಿಕ್ ಗೆಲುವು ಬಾರಿಸುವ ಹಂಬಲದಲ್ಲಿದೆ.
ಸತತ ಎರಡು ಪಂದ್ಯ ಗೆದ್ದು ಬೀಗುತ್ತಿರುವ ಸಿಎಸ್ಕೆ ಆಡಿರುವ 6 ಪಂದ್ಯಗಳಲ್ಲಿ 4 ಗೆಲುವು, 2 ಸೋಲಿನೊಂದಿಗೆ 8 ಅಂಕ ಕಲೆಹಾಕಿದೆ. ಇತ್ತ ಲಖನೌ ತಂಡ ಆಡಿರುವ 6 ಪಂದ್ಯಗಳಲ್ಲಿ 3 ಗೆಲುವು, 3 ಸೋಲು ಅನುಭವಿಸಿ 6 ಪಾಯಿಂಟ್ ಹೊಂದಿದೆ. ತವರಿನಲ್ಲಿ ಸತತ 13 ಪಂದ್ಯಗಳಲ್ಲಿ 160 ಪ್ಲಸ್ ರನ್ ರಸಿಕೊಂಡಿದ್ದ ಲಖನೌ, ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಮುಗ್ಗರಿಸಿತು. ಬೌಲಿಂಗ್ಗೆ ನೆರವು ನೀಡುವ ಪಿಚ್ನಲ್ಲಿ ಎರಡು ತಂಡಗಳ ಬಲ ಪ್ರದರ್ಶನಕ್ಕೆ ಪಂದ್ಯ ಸಾಯಾಗಲಿದೆ.
ಅಸ್ಥಿರ ಬ್ಯಾಟಿಂಗ್ ಪ್ರದರ್ಶನ: ಹಾಲಿ ಟೂರ್ನಿಯಲ್ಲಿ ಲಖನೌ ತಂಡದ ಬ್ಯಾಟಿಂಗ್ ವಿಭಾಗ ನಿರೀತ ಆಟ ಪ್ರದರ್ಶಿಸಿಲ್ಲ. ಕ್ವಿಂಟನ್ ಡಿಕಾಕ್ ರನ್ ಬರ ಎದುರಿಸುತ್ತಿದ್ದು, ನಾಯಕ ರಾಹುಲ್ ಉತ್ತಮ ಆರಂಭವನ್ನು ದೊಡ್ಡ ಮೊತ್ತವನ್ನಾಗಿಸುವಲ್ಲಿ ಎಡವಿದ್ದಾರೆ. ಟಿ20 ವಿಶ್ವಕಪ್ಗೆ ಟೀಮ್ ಇಂಡಿಯಾದಲ್ಲಿ ವಿಕೆಟ್ ಕೀಪರ್ ಸ್ಥಾನಕ್ಕೆ ಐಪಿಎಲ್ ಪ್ರದರ್ಶನ ಪ್ರಮುಖ ಎನಿಸಿದ್ದು, ರಾಹುಲ್ ಮೇಲೆ ಹೆಚ್ಚಿನ ಒತ್ತಡ ತಂದಿದೆ. ದೇವದತ್ ಪಡಿಕ್ಕಲ್, ದೀಪಕ್ ಹೂಡಾ ಇಬ್ಬರು ಬ್ಯಾಟರ್ಗಳ ವೈಲ್ಯ ಪ್ರಮುಖ ಹಿನ್ನಡೆ ಎನಿಸಿದೆ. ನಿಕೋಲಸ್ ಪೂರನ್ ಮಧ್ಯಮ ಕ್ರಮಾಂಕದಲ್ಲಿ ತಂಡದ ಆಧಾರ ಸ್ತಂಭವಾಗಿದ್ದಾರೆ. ಮಾರ್ಕಸ್ ಸ್ಟೋಯಿನಿಸ್ ಸಹ ನಿರೀತ ಆಟವಾಡಿಲ್ಲ. ಗಾಯದಿಂದ ಕಳೆದೆರಡು ಪಂದ್ಯ ತಪ್ಪಿಸಿಕೊಂಡಿದ್ದ ಮಯಾಂಕ್ ಯಾದವ್ ಮರಳಿ ಕಣಕ್ಕಿಳಿಯುವ ಸಾಧ್ಯತೆಗಳಿದ್ದು, ಬೌಲಿಂಗ್ ಬಲ ಹೆಚ್ಚಿಸಿದೆ. ರವಿ ಬಿಷ್ಣೋಯಿ 4 ವಿಕೆಟ್ ಪಡೆದಿದ್ದಾರೆ. ಸಿಎಸ್ಕೆಯ ಶಿವಂ ದುಬೆ ಎದುರು ಕಠಿಣ ಪರೀೆ ಎದುರಾಗಲಿದೆ.
ದುಬೆ, ಜಡೇಜಾ ಬಲ: ಏಕನಾ ಕ್ರೀಡಾಂಗಣ ಸ್ಪಿನ್ನರ್ಗಳಿಗೆ ಹೆಚ್ಚಿನ ನೆರವು ಒದಗಿಸಲಿದ್ದು, ಸಿಎಸ್ಕೆ ತಂಡದ ರವೀಂದ್ರ ಜಡೇಜಾ ಅಪಾಯಕಾರಿ ಎನಿಸಿದ್ದಾರೆ. ಅದೇ ರೀತಿ ಸ್ಪಿನ್ನರ್ಗಳ ಎದುರು ಸರಾಗವಾಗಿ ಬ್ಯಾಟಿಂಗ್ ನಡೆಸುವ ಶಿವಂ ದುಬೆ ಉತ್ತಮ ಾಮ್ರ್ನಲ್ಲಿದ್ದು, ಇಂಪ್ಯಾಕ್ಟ್ ಪ್ಲೇಯರ್ ಆಗಿ ತಂಡಕ್ಕೆ ಹೆಚ್ಚಿನ ಕೊಡುಗೆ ನೀಡಿದ್ದಾರೆ. ನಾಯಕ ಋತುರಾಜ್, ಡೆರಿಲ್ ಮಿಚೆಲ್ ಸಹ ಾಮ್ರ್ನಲ್ಲಿದ್ದಾರೆ. ಗಾಯಾಳು ಅಜಿಂಕ್ಯ ರಹಾನೆ, ರಚಿನ್ ರವೀಂದ್ರ ಆರಂಭಿಕ ಪಂದ್ಯಗಳ ಬಳಿಕ ಮಂಕಾಗಿದ್ದಾರೆ. ಎಂಎಸ್ ಧೋನಿ ಫಿನಿಶರ್ ಪಾತ್ರದಲ್ಲಿ ಮಿಂಚಿದ್ದು, ಸಿಎಸ್ಕೆ ಆತ್ಮವಿಶ್ವಾಸ ಹೆಚ್ಚಿಸಿದೆ. ಮುಸ್ತಾಫಿಜುರ್ ರೆಹಮಾನ್, ಮಥೀಶ ಪಥಿರಣ ಲಖನೌ ಬ್ಯಾಟರ್ಗಳಿಗೆ ಸವಾಲೊಡ್ಡಲಿದ್ದು, ಹೆಚ್ಚುವರಿ ಸ್ಪಿನ್ನರ್ಗಳ ಆಯ್ಕೆಯೂ ಸಿಎಸ್ಕೆ ಬಲ ಹೆಚ್ಚಿಸಿದೆ.
ಮುಖಾಮುಖಿ: 3
ಸಿಎಸ್ಕೆ: 1
ಲಖನೌ: 1
ರದ್ದು: 1
ಆರಂಭ: ರಾತ್ರಿ 7.30
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್, ಜಿಯೋ ಸಿನಿಮಾ