ಹುಬ್ಬಳ್ಳಿ: ಚಲಿಸುವ ರೈಲುಗಳಲ್ಲಿ ಯುವಕರು ಸ್ಟಂಟ್ ಮಾಡಲು ಹೋಗಿ ಕೈ ಕಾಲು ಮುರಿದುಕೊಂಡರೆ, ಇನ್ನು ಕೆಲವರು ಪ್ರಾಣವನ್ನೇ ಕಳೆದುಕೊಂಡಿರುವವರೂ ಇದ್ದಾರೆ. ಇಲ್ಲೂ ಸಹ ಒಬ್ಬ ಯುವಕ ಚಲಿಸುವ ರೈಲಿನಲ್ಲಿ ಸ್ಟಂಟ್ ಮಾಡಿರುವ ಹಚ್ಚು ಸಾಹಸಕ್ಕೆ ಕೈ ಹಾಕಿದ್ದಾನೆ.
ಮಂಗಳೂರಿನಿಂದ ಹುಬ್ಬಳ್ಳಿ ಕಡೆಗೆ ಬರುತ್ತಿದ್ದ ರೈಲಿನ ಬಾಗಿಲಿನಲ್ಲಿ ನಿಂತು ಯುವಕ ಸ್ಟಂಟ್ ಮಾಡುತ್ತಿದ್ದ ದೃಶ್ಯವನ್ನು ಇತರೆ ಪ್ರಯಾಣಿಕರು ತಮ್ಮ ಮೊಬೈಲ್ನಲ್ಲಿ ಸೆರೆ ಹಿಡಿದಿದ್ದಾರೆ.
ಪ್ರಾಣಾವನ್ನೂ ಲೆಕ್ಕಿಸಿದೆ ಈ ಯುವಕ ಕೈಗೆ ಸಿಗುತ್ತಿದ್ದ ಗಿಡಗಳ ಎಲೆಗಳನ್ನು ಹರಿಯುವು, ರೈಲಿನ ಬಾಗಿಲು ಹಿಡಿದು ಜೋಕಾಲಿ ಆಡುವುದು ಹೀಗೆ ಸುಮಾರು ಹೊತ್ತು ಹುಡುಗಾಟ ಮಾಡಿದ್ದಾನೆ.
ರೈಲು ವೇಗವಾಗಿ ಚಲಿಸುತ್ತಿದ್ದರು, ಮಾರ್ಗ ಮಧ್ಯೆದಲ್ಲಿ ಸಾಕಷ್ಟು ಪ್ರಪಾತಗಳು ಇದ್ದರೂ ಯಾವುದನ್ನೂ ಕೇರ್ ಮಾಡದೇ ಹುಚ್ಚಾಟವನ್ನೂ ಮುಂದುವರಿಸಿದ್ದಾನೆ. ಇವನ ಅದೃಷ್ಟ ಚೆನ್ನಾಗಿತ್ತು, ಈತನ ಆಯಸ್ಸು ಗಟ್ಟಿ ಇದ್ದಿದರಿಂದ ಸದ್ಯಕ್ಕೆ ಏನೂ ಆಗಿಲ್ಲ. ಆದರೆ ಇಂತಹ ಸ್ಟಂಟ್ಗಳು ಪ್ರಾಣಕ್ಕೆ ಸಂಚಕಾರಿಯಾಗಿವೆ. (ದಿಗ್ವಿಜಯ ನ್ಯೂಸ್)