ಕೋಲ್ಕತ್ತ: ಇವರಿಬ್ಬರೂ ತಕ್ಕಮಟ್ಟಿಗೆ ಹೆಸರು ಮಾಡಿದ್ದ ಉದ್ಯಮಿಗಳು. ಆದರೆ ಮಾಡಬಾರದ ಕೆಲಸ ಮಾಡಿ ಅರೆಸ್ಟ್ ಆಗಿರುವ ಇವರ ಲ್ಯಾಪ್ಟಾಪ್ ಪರಿಶೀಲನೆ ಮಾಡಿದ ಪೊಲೀಸರೂ ಕೂಡ ಶಾಕ್ ಆಗಿದ್ದಾರೆ.
ಕೋಲ್ಕತ್ತದಲ್ಲಿ ಆದಿತ್ಯ ಅಗರ್ವಾಲ್ ಹಾಗೂ ಅನೀಶ್ ಲೋಹರುಕಾ ಎಂಬ ಇಬ್ಬರು ಉದ್ಯಮಿಗಳು ಹಾಗೂ ಅವರೊಟ್ಟಿಗೆ ಕೆಲಸ ಮಾಡುತ್ತಿದ್ದ ಉದ್ಯೋಗಿಯೋರ್ವನನ್ನು ಪೊಲೀಸರು ಬಂಧಿಸಿದ್ದಾರೆ.
ಆದಿತ್ಯ ಮತ್ತು ಅನೀಶ್ ಮಹಿಳೆಯರ ಜತೆ ಸೆಕ್ಸ್ ಮಾಡಿ ಅದನ್ನು ವಿಡಿಯೋ ಮಾಡುತ್ತಿದ್ದು. ಆದರೆ ಅವರು ವಿಡಿಯೋ ಮಾಡುತ್ತಿರುವುದು ಮಹಿಳೆಯರಿಗೆ ಗೊತ್ತಾಗುತ್ತಿರಲಿಲ್ಲ. ಹೀಗೇ ಹಲವು ಮಹಿಳೆಯರೊಟ್ಟಿಗೆ ಇಬ್ಬರೂ ಪ್ರತ್ಯೇಕವಾಗಿ ಲೈಂಗಿಕ ಕ್ರಿಯೆ ನಡೆಸಿದ್ದರು. ಒಂದೇ ಮಹಿಳೆಯೊಂದಿಗೆ ಇಬ್ಬರೂ ಬೇರೆಬೇರೆ ಸಲ ಸೆಕ್ಸ್ ಮಾಡಿದ್ದೂ ಇತ್ತು. ಒಟ್ಟಿನಲ್ಲಿ ಅದೆಲ್ಲವೂ ಗುಪ್ತವಾಗಿ ಚಿತ್ರೀಕರಣವಾಗುತ್ತಿತ್ತು.
ಬಳಿಕ ಅದೇ ವಿಡಿಯೋಗಳನ್ನಿಟ್ಟುಕೊಂಡು ಮಹಿಳೆಯರನ್ನು ಬೆದರಿಸುತ್ತಿದ್ದರು. ಹಣಕ್ಕೆ ಬೇಡಿಕೆ ಇಡುತ್ತಿದ್ದರು. ಕೇಳಿದಷ್ಟು ಹಣ ಕೊಡದೆ ಹೋದರೆ ವಿಡಿಯೋಗಳನ್ನು ವೈರಲ್ ಮಾಡುತ್ತೇವೆ ಎಂದು ಹೆದರಿಸುತ್ತಿದ್ದರು. ಅದಕ್ಕೆ ಹೆದರಿ ಮಹಿಳೆಯರೂ ಹಣ ಕೊಡುತ್ತಿದ್ದರು.
ಕಳೆದ ನವೆಂಬರ್ನಲ್ಲಿ ತಮ್ಮ ಜತೆ ಸೆಕ್ಸ್ ನಡೆಸಿದ ಮಹಿಳೆಯನ್ನು ಬ್ಲ್ಯಾಕ್ಮೇಲ್ ಮಾಡಿದ್ದರು. ಹೆದರಿದ ಮಹಿಳೆ 5 ಲಕ್ಷ ರೂಪಾಯಿ ನೀಡಿದ್ದರು. ಆದರೆ ಮತ್ತೆ 10 ಲಕ್ಷ ರೂಪಾಯಿ ನೀಡಬೇಕು ಎಂದು ಉದ್ಯಮಿಗಳು ಹೇಳಿದ್ದರಿಂದ ಆ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದರು. ಆಗಿನಿಂದಲೇ ಪೊಲೀಸರು ತನಿಖಾ ಕಾರ್ಯಾಚರಣೆ ನಡೆಸುತ್ತಿದ್ದರು.
ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಆದಿತ್ಯ ಅಗರ್ವಾಲ್ ಹಾಗೂ ಅನೀಶ್ ಲೋಹರುಕಾ ಅವರನ್ನು ಮಂಗಳವಾರ ಕೋಲ್ಕತ್ತ ಪೊಲೀಸರು ಬಂಧಿಸಿದ್ದಾರೆ. ಅವರೊಟ್ಟಿಗೆ ಇನ್ನೋರ್ವ ಕೂಡ ಅರೆಸ್ಟ್ ಆಗಿದ್ದಾನೆ.
ಬಂಧಿತರಿಂದ ವಶಪಡಿಸಿಕೊಂಡ ಲ್ಯಾಪ್ಟಾಪ್ ಪರಿಶೀಲನೆ ಮಾಡಿದ ಪೊಲೀಸರು ಶಾಕ್ ಆಗಿದ್ದಾರೆ. 2013ರಿಂದಲೇ ಚಿತ್ರೀಕರಿಸಲಾದ ಸುಮಾರು 182 ಅಶ್ಲೀಲ ವಿಡಿಯೋಗಳು ಇದ್ದವು.
ಮಹಿಳೆಯ ದೂರಿನ ಅನ್ವಯ ಅನೀಶ್ ಲೊಹರುಕಾನ ಅಡುಗೆ ಕೆಲಸದವನಾದ ಕೈಲಾಶ್ ಯಾದವ್ನನ್ನು ಕೋಲ್ಕತ್ತ ಪೊಲೀಸ್ ಇಲಾಖೆಯ ಡಿಟೆಕ್ಟಿವ್ ಡಿಪಾರ್ಟ್ಮೆಂಟ್ನವರು ಬಂಧಿಸಿದ್ದಾರೆ. ಅವನು ಅಗರ್ವಾಲ್ ಮತ್ತು ಲೊಹರುಕಾ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೋರ್ವರು ತಿಳಿಸಿದ್ದಾರೆ. (ಏಜೆನ್ಸೀಸ್)