ಮಂಗಳೂರು: ದಕ್ಷಿಣ ಕನ್ನಡದ ಕರಾವಳಿಯಲ್ಲಿ ಇಂದು ಎಂಆರ್ಪಿಎಲ್ಗೆ ಸೇರಿದ ಟಗ್ ಬೋಟ್ ಅವಘಡ ಪ್ರಕರಣದಲ್ಲಿ ಇದುವರೆಗೆ ಸಿಲುಕಿಕೊಂಡಿದ್ದು ಒಂದು ಬೋಟ್ ಅಲ್ಲ, ಎರಡು ಎಂಬ ಮಾಹಿತಿ ಹೊರಬಿದ್ದಿದೆ. ಎಂಆರ್ಪಿಎಲ್ಗೆ ಸೇರಿದ ಎರಡು ಬೋಟ್ಗಳು ನಾಪತ್ತೆಯಾಗಿದ್ದು, ಎರಡರಲ್ಲಿ ಒಟ್ಟಿಗೆ 17 ಮಂದಿ ಇದ್ದರು.
ಎರಡು ಟಗ್ ಬೋಟ್ಗಳ ಪೈಕಿ ಒಂದರಲ್ಲಿ ಎಂಟು ಹಾಗೂ ಇನ್ನೊಂದರಲ್ಲಿ ಒಂಬತ್ತು ಮಂದಿ ಇದ್ದರು. ಆ ಪೈಕಿ 8 ಮಂದಿ ಇದ್ದ ಟಗ್ ಬೋಟ್ ಮುಳುಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಅದರಲ್ಲಿದ್ದ ಎಂಟು ಜನರ ಪೈಕಿ ಇಬ್ಬರು ಈಜಿ ದಡ ಸೇರಿದ್ದು, ಒಬ್ಬರ ಶವ ಪತ್ತೆಯಾಗಿದೆ. ಉಳಿದ ಐವರು ಇನ್ನೂ ಪತ್ತೆಯಾಗಿಲ್ಲ.
ಮತ್ತೊಂದೆಡೆ 9 ಮಂದಿ ಇದ್ದ ಟಗ್ ಬೋಟ್ ಕುರಿತು ಇನ್ನೂ ಸುಳಿವು ಸಿಕ್ಕಿಲ್ಲ. ಈ ಬೋಟ್ನಲ್ಲಿದ್ದ 9 ಮಂದಿ, ಇನ್ನೊಂದರಲ್ಲಿದ್ದ 8 ಜನರ ಪೈಕಿ ನಾಪತ್ತೆ ಆಗಿರುವ ಐವರು ಸೇರಿ ಒಟ್ಟು 14 ಮಂದಿ ಇನ್ನೂ ಪತ್ತೆಯಾಗಿಲ್ಲ. ನಾಪತ್ತೆ ಆಗಿರುವವರಿಗಾಗಿ ಕೋಸ್ಟಲ್ ಗಾರ್ಡ್ ಸಿಬ್ಬಂದಿ ಅರಬ್ಬಿ ಸಮುದ್ರದಲ್ಲಿ ಕಾರ್ಯಾಚರಣೆ ನಡೆಸುತ್ತಿದೆ.
ಚಂಡಮಾರುತಕ್ಕೆ ಬೋಟ್ ಸಿಲುಕಿ 8 ಮಂದಿ ನಾಪತ್ತೆ; ಒಬ್ಬರ ಶವ ಕಾಪು ಬಳಿ ಪತ್ತೆ
ಚಂಡಮಾರುತ ಇಫೆಕ್ಟ್, ಮೂರು ಜಿಲ್ಲೆಗಳಲ್ಲಿ ಹೈ ಅಲರ್ಟ್: ನಾಳೆಯೂ ಕರಾವಳಿಯಲ್ಲಿ ಭಾರಿ ಮಳೆ…