ಸ್ವದೇಶಿ ನಿರ್ವಿುತ ದಿಕ್ಸೂಚಿ ವ್ಯವಸ್ಥೆ ‘ಗಗನ್’ಅನ್ನು ವಿಮಾನಯಾನಕ್ಕೆ ಇದೇ ಮೊದಲ ಬಾರಿ ಗುರುವಾರ ಬಳಸಲಾಗಿದೆ. ಇಂಡಿಗೋ ಏರ್ಲೈನ್ ಇದನ್ನು ಬಳಸಿ ವಿಮಾನಯಾನ ಕ್ಷೇತ್ರದ ಇತಿಹಾಸ ನಿರ್ಮಾಣ ಮಾಡಿದೆ. ಸ್ಯಾಟಲೈಟ್ ಆಧಾರಿತ ಲ್ಯಾಂಡಿಂಗ್ ಪೊ›ಸೀಜರ್ ಅನುಷ್ಠಾನಗೊಳಿಸಲಾಗಿದೆ. ಏಷ್ಯಾ ಫೆಸಿಫಿಕ್ ಪ್ರಾಂತ್ಯದಲ್ಲಿ ಇಂತಹ ಸಾಧನೆ ಮಾಡಿದ ಮೊದಲ ದೇಶ ಭಾರತ.
ಇಸ್ರೋ ತಂತ್ರಜ್ಞಾನ: ಇಸ್ರೋದ ಮೂರು ಉಪಗ್ರಹಗಳು 3ಡಿ ನ್ಯಾವಿಗೇಷನ್ ಗೈಡೆನ್ಸ್ನ್ನು ಪೈಲಟ್ಗಳಿಗೆ ಒದಗಿಸಿದ್ದು, ಅವರು ಅಜ್ಮೇರ್ ಏರ್ಪೋರ್ಟ್ನ ರನ್ವೇನಲ್ಲಿ ಪ್ರಾಯೋಗಿಕವಾಗಿ ವಿಮಾನವನ್ನು ಲ್ಯಾಂಡ್ ಮಾಡುವಲ್ಲಿ ಯಶಸ್ವಿಯಾದರು ಎಂದು ಏರ್ಪೋರ್ಟ್ ಅಥಾರಿಟಿ ಆಫ್ ಇಂಡಿಯಾ (ಎಎಐ) ಹೇಳಿದೆ. ಭಾರತದ ನಾಗರಿಕ ವಿಮಾನಯಾನ ಇತಿಹಾಸದ ಏರ್ ನ್ಯಾವಿಗೇಷನ್ ಸೇವೆಗಳ ಪೈಕಿ ಈ ಪ್ರಯೋಗ ಯಶಸ್ವಿಯಾಗಿದ್ದು, ಹೊಸ ಮೈಲಿಗಲ್ಲಾಗಿದೆ. ಪ್ರಸ್ತುತ ಏರ್ ನ್ಯಾವಿಗೇಷನ್ ಸೇವೆಗಳನ್ನು ಗ್ರೌಂಡ್ ಬೇಸ್ಡ್ ಸಿಸ್ಟಮ್ ಮೂಲಕ ಒದಗಿಸಲಾಗುತ್ತಿದೆ.
ಗಗನ್ ಸೇವೆ ಹೀಗಿದೆ…: ಜಿಪಿಎಸ್ ಏಯ್ಡೆಡ್ ಜಿಯೋ ಆಗುಮೆಂಟೆಡ್ ನ್ಯಾವಿಗೇಷನ್ ಎಂಬುದು ಉಪಗ್ರಹ ಆಧಾರಿತ ನ್ಯಾವಿಗೇಶನ್ ಸಿಸ್ಟಮ್ ಆಗಿದೆ. ಗ್ರೌಂಡ್ ಬೇಸ್ಡ್ ಲ್ಯಾಂಡಿಂಗ್ ಸಿಸ್ಟಮ್ಷ್ಟೇ ನಿಖರತೆಯನ್ನು ಒದಗಿಸುತ್ತದೆ. ಪೈಲಟ್ಗಳಿಗೆ ವಿಮಾನ ಲ್ಯಾಂಡ್ ಮಾಡಲು 550 ಮೀಟರ್ ಮತ್ತು ಇನ್ನೂ ಹೆಚ್ಚಿನ ದೂರದ ಸ್ಪಷ್ಟತೆಯನ್ನು ನೀಡುತ್ತದೆ. ಗ್ರೌಂಡ್ ಬೇಸ್ಡ್ ಸಿಸ್ಟಮ್ ಸಿಎಟಿ-1 ಐಎಲ್ಎಸ್ 200 ಅಡಿ ಎತ್ತರದ ಡಿಸಿಷನ್ ಹೈಟ್ ಹೊಂದಿದ್ದರೆ, ಗಗನ್ ಆಧಾರಿತ ಸೇವೆ 250 ಅಡಿ ಎತ್ತರದ ಡಿಸಿಷನ್ ಹೈಟ್ ಹೊಂದಿದೆ. ಗಗನ್ ಉಪಗ್ರಹ ಸೇವೆ ಪಡೆದ ಇಂಡಿಗೋ ಪೈಲಟ್ಗಳು ಲೋಕಲೈಸರ್ ಪರ್ಫಾಮೆನ್ಸ್ ವಿತ್ ವರ್ಟಿಕಲ್ ಗೈಡೆನ್ಸ್ (ಎಲ್ಪಿವಿ) ಅಪೋ›ಚ್ ಅನ್ನು ಗುರುವಾರ ಲ್ಯಾಂಡಿಂಗ್ಗೆ ಬಳಸಿದ್ದರು.
ಉಪಕರಣ ಅಳವಡಿಕೆ: ಭಾರತದಲ್ಲಿ ನೋಂದಾಯಿತ ಎಲ್ಲ ವಿಮಾನಗಳಲ್ಲಿ ಗಗನ್ ಉಪಕರಣ ಅಳವಡಿಸುವುದನ್ನು 2021ರ ಜುಲೈ 1ರಿಂದ ಕಡ್ಡಾಯಗೊಳಿಸಲಾಗಿದೆ. ಪ್ರಸ್ತುತ ಇಂಡಿಗೋ, ಸ್ಪೈಸ್ ಜೆಟ್, ಏರ್ ಇಂಡಿಯಾ, ಗೋ ಫಸ್ಟ್, ಏರ್ ಏಷ್ಯಾಗಳ 76 ವಿಮಾನಗಳಲ್ಲಿ ಈ ಉಪಕರಣ ಅಳವಡಿಕೆಯಾಗಿದೆ. ಇವುಗಳಿಗೆ ಎಲ್ಪಿವಿ ಪೊ›ಸೀಜರ್ ಅನುಸರಿಸಲು ಸಾಧ್ಯವಾಗುತ್ತಿದೆ.
ಇತರ ವ್ಯವಸ್ಥೆ: ಭಾರತದ ಗಗನ್ ವ್ಯವಸ್ಥೆಗೆ ಹೊರತಾಗಿ ಜಗತ್ತಿನಲ್ಲಿ ಬಾಹ್ಯಾಕಾಶ ಆಧಾರಿತ ಮೂರು ಆಗ್ಯುಮೆಂಟೇಶನ್ ಸಿಸ್ಟಮ್ ಇವೆ. ಅಮೆರಿಕದ (ಡಬ್ಲು್ಯಎಎಎಸ್), ಯುರೋಪ್ನ (ಇಜಿಎನ್ಒಎಸ್) ಮತ್ತು ಜಪಾನ್ನ (ಎಂಎಸ್ಎಸ್ಎಸ್).
ಬಾಲಿವುಡ್ ಸ್ಟಾರ್ಗಳಿಗೆ ಸವಾಲೆಸೆದ ರಾಮ್ಗೋಪಾಲ್ ವರ್ಮಾ; ಭಾರತೀಯ ಚಿತ್ರರಂಗಕ್ಕೇ ಹೀಗೊಂದು ಪ್ರಪೋಸಲ್ ಇಟ್ರು!