ಮುಂಬೈ: ಕಳೆದೊಂದು ವಾರದಲ್ಲಿ ಷೇರು ಪೇಟೆಯಲ್ಲಿ ಸಾಕಷ್ಟು ಕುಸಿತವಾಗಿದೆ. ಇಂತಹ ಸಂದರ್ಭದಲ್ಲಿಯೇ ಮ್ಯೂಚುವಲ್ ಫಂಡ್ಗಳು ಸಾಕಷ್ಟು ಖರೀದಿ ಚಟುವಟಿಕೆಯಲ್ಲಿ ತೊಡಗುತ್ತವೆ.
ಮ್ಯೂಚುವಲ್ ಫಂಡ್ಗಳು ಅತಿ ಹೆಚ್ಚು ಖರೀದಿ ಮಾಡಿದ ಟಾಪ್ 10 ಪಿಎಸ್ಯು (ಸರ್ಕಾರಿ ಕಂಪನಿ) ಷೇರುಗಳ ಪಟ್ಟಿಯನ್ನು ಎಲಾರಾ ಕ್ಯಾಪಿಟಲ್ ನೀಡಿದೆ..
1) NLC ಇಂಡಿಯಾ ಲಿ:
ಇದರಲ್ಲಿ ಮ್ಯುಚೂವಲ್ ಫಂಡ್ಗಳ ಷೇರುಗಳ ಸಂಖ್ಯೆಯು ಮಾರ್ಚ್ 2024 ರಲ್ಲಿ 4.7 ಕೋಟಿ ಷೇರುಗಳಿಂದ ಸುಮಾರು 10 ಕೋಟಿ ಷೇರುಗಳಿಗೆ ದ್ವಿಗುಣಗೊಂಡಿದೆ, ಇದು ತಿಂಗಳಿನಿಂದ ತಿಂಗಳಿಗೆ 115% ಬೆಳವಣಿಗೆಯನ್ನು ತೋರಿಸುತ್ತದೆ.
2) ಭಾರತೀಯ ಜೀವ ವಿಮಾ ನಿಗಮ:
ಎಲ್ಐಸಿ ಷೇರುಗಳ ಖರೀದಿಯನ್ನು ಮ್ಯೂಚುವಲ್ ಫಂಡ್ಗಳು 7% ಪ್ರತಿ ತಿಂಗಳು ಹೆಚ್ಚಿಸಿವೆ. ಫೆಬ್ರವರಿಯಲ್ಲಿ 2.8 ಕೋಟಿ ಷೇರುಗಳನ್ನು ಹೊಂದಿದ್ದರೆ, ಮಾರ್ಚ್ನಲ್ಲಿ 3 ಕೋಟಿ ಷೇರುಗಳಿಗೆ ಏರಿದೆ. ಮ್ಯೂಚುವಲ್ ಫಂಡ್ಗಳು ಹೊಂದಿರುವ ಎಲ್ಐಸಿ ಷೇರುಗಳ ಒಟ್ಟು ಮೌಲ್ಯ ಈಗ 2,731 ಕೋಟಿ ರೂ.
3) ಗೇಲ್ (ಭಾರತ) ಲಿಮಿಟೆಡ್:
ಮ್ಯೂಚುವಲ್ ಫಂಡ್ಗಳು ಮಾರ್ಚ್ ತಿಂಗಳಲ್ಲಿ GAIL ನ 37.3 ಕೋಟಿ ಷೇರುಗಳನ್ನು ಖರೀದಿಸಿವೆ. ಇದು ಫೆಬ್ರವರಿ ತಿಂಗಳಿಗಿಂತ 4% ಹೆಚ್ಚಳವಾಗಿದೆ.
4) REC ಲಿಮಿಟೆಡ್:
ಮ್ಯೂಚುವಲ್ ಫಂಡ್ಗಳು ಖರೀದಿಸಿದ ಈ ಷೇರುಗಳು 1.44 ಕೋಟಿಗಳಿಗೆ ಏರಿಕೆಯಾಗಿದೆ, ಫೆಬ್ರವರಿ 2024 ರಿಂದ 6% ರಷ್ಟು ಹೆಚ್ಚಳವಾಗಿದೆ.
5) ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ ಲಿ:
ಮ್ಯೂಚುವಲ್ ಫಂಡ್ಗಳು ಹೊಂದಿರು ಈ ಕಂಪನಿಯ ಒಟ್ಟು ಷೇರುಗಳ ಮೌಲ್ಯ 1,805 ಕೋಟಿ ರೂ. ಫೆಬ್ರವರಿಯಲ್ಲಿ 1.3 ಕೋಟಿ, ಮಾರ್ಚ್ ತಿಂಗಳಲ್ಲಿ 1.34 ಕೋಟಿ ಹೊಸ ಷೇರುಗಳನ್ನು ಖರೀದಿಸಲಾಗಿದೆ.