ಬೆಳಗಾವಿ: ನಗರದಲ್ಲಿ ಶುಕ್ರವಾರ ಮಾದಕ ವಸ್ತು ಸಾಗಿಸುತ್ತಿದ್ದ ಇಬ್ಬರನ್ನು ಪೊಲೀಸರು ಬಂಧಿಸಿದ್ದು, ಸಾವಿರಾರು ರೂ. ಮೌಲ್ಯದ ಮಾದಕ ವಸ್ತು ಜಪ್ತಿ ಮಾಡಿದ್ದಾರೆ. ದರ್ಬಾರ್ ಗಲ್ಲಿ ನಿವಾಸಿ ಅರಗಬಾನ್ ಘೋರಿ ಹಾಗೂ ಖಂಜರ್ ಗಲ್ಲಿಯ ಯೂನಿಸ್ ಮಕಾನದಾರ್ ಬಂಧಿತರು. ಇಲ್ಲಿನ ಚಿರಾಗ ನಗರದಲ್ಲಿ ಮಾದಕ ವಸ್ತು ಸಾಗಿಸುತ್ತಿರುವ ಖಚಿತ ಮಾಹಿತಿ ಮೇರೆಗೆ ದಾಳಿ ಮಾಡಿದ ಪೊಲೀಸರು, ಬಂಧಿತರಿಂದ 17 ಗ್ರಾಂ ಪೆನ್ನಿ ವಶಪಡಿಸಿಕೊಂಡಿದ್ದಾರೆ. ಇನ್ನೂ ಮೂವರು ಪರಾರಿಯಾಗಿದ್ದಾರೆ. ಖಡೇಬಜಾರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
