ಮೂಡಿಗೆರೆ: ಪಟ್ಟಣ ಸಮೀಪದ ಹ್ಯಾಂಡ್ ಪೋಸ್ಟ್ನ ಮಧುರ ಬಾರ್ನಲ್ಲಿ ಮದ್ಯ ಸೇವಿಸಿ ಗಲಾಟೆ ಮಾಡಿದ ಯುವಕರಿಬ್ಬರು ಮನೆಗೆ ತೆರಳಿ ಬಂದೂಕು ತಂದು ಬಾರ್ನ ಶಟರ್ಸ್ಗೆ ಒಂದು ಸುತ್ತು ಗುಂಡು ಹಾರಿಸಿದ್ದಾರೆ. ಆರೋಪಿಯನ್ನು ಬಂಧಿಸಿದ್ದು, ಇನ್ನೋರ್ವ ತಲೆಮರೆಸಿಕೊಂಡಿದ್ದಾನೆ.
ಹಾಲೂರು ಗ್ರಾಮದ ಶ್ರೀವತ್ಸ (25) ಬಂಧಿತ ಆರೋಪಿಯಾಗಿದ್ದು, ಮನೋಜ್ (22) ಎಂಬಾತ ಪರಾರಿಯಾಗಿದ್ದಾನೆ. ಶನಿವಾರ ರಾತ್ರಿ 10.45ರ ವೇಳೆ ಬಾರ್ಗೆ ಬಂದ ಶ್ರೀವತ್ಸ ಮತ್ತು ಮನೋಜ್ ಮದ್ಯ ಸೇವಿಸಿ ಕುರ್ಚಿ, ಟೇಬಲ್ ಮತ್ತಿತರ ವಸ್ತುಗಳನ್ನು ಎಸೆದು ಚೆಲ್ಲಾಪಿಲ್ಲಿಯಾಗಿಸಿ ಬಾರ್ ಸಿಬ್ಬಂದಿ ಮೇಲೆ ಹಲ್ಲೆಗೆ ಯತ್ನಿಸಿದರು. ಬಾರ್ ಮಾಲೀಕ ರಘು ಶೆಟ್ಟಿ , ಅವರ ಪುತ್ರ ಅಭಿಲಾಷ್ ಯುವಕರನ್ನು ಸಮಾಧಾನಪಡಿಸಿ ಮನೆಗೆ ಕಳಿಸಿ ಬಾರ್ ಬಾಗಿಲು ಮುಚ್ಚಿದರು. ತಡ ರಾತ್ರಿ 12.45ಕ್ಕೆ ಸ್ಕೂಟರ್ನಲ್ಲಿ ಬಂದೂಕು ಹಿಡಿದು ಬಂದ ಯುವಕರು ರಸ್ತೆಯಲ್ಲಿ ನಿಂತು ಬಾರ್ ಒಳಗೆ ಮಲಗಿದ್ದ ಸಿಬ್ಬಂದಿಯನ್ನು ಹೊರಗೆ ಬರುವಂತೆ ಕರೆದಿದ್ದಾರೆ. ಸಿಬ್ಬಂದಿ ಕಿಟಕಿಯಲ್ಲಿ ನೋಡಿದಾಗ ಬಾಗಿಲಿನ ಶಟರ್ಸ್ಗೆ ಗುಂಡು ಹೊಡೆದಿದ್ದಾರೆ. ಗುಂಡಿನ ಸದ್ದು ಕೇಳುತ್ತಲೇ ಬಾರ್ ಸಿಬ್ಬಂದಿ ಒಳಗೆ ಓಡಿದರು.
ಬಾರ್ ಮಾಲೀಕ ರಾತ್ರಿಯೇ ಪೊಲೀಸರಿಗೆ ದೂರು ನೀಡಿದರು. ಪೊಲೀಸರು ಶ್ರೀವತ್ಸನನ್ನು ರಾತ್ರಿಯೇ ಬಂಧಿಸಿದರು.