ಧಾರವಾಡ: ತಾಲೂಕಿನ ಮುಗದ ಗ್ರಾಮದಲ್ಲಿರುವ ಪೊಲೀಸ್ ವಸತಿಗೃಹಗಳನ್ನು ಸಾರ್ವಜನಿಕರು ಅತಿಕ್ರಮಣ ಮಾಡಿಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವರ್ತಿಕಾ ಕಟಿಯಾರ್ ಹಾಗೂ ಅಧಿಕಾರಿ, ಸಿಬ್ಬಂದಿ ಶುಕ್ರವಾರ ಗ್ರಾಮಕ್ಕೆ ತೆರಳಿ ತೆರವುಗೊಳಿಸಲು ಗಡುವು ನೀಡಿದರು.
ಮುಗದ ಗ್ರಾಮದಲ್ಲಿ 1970ರಿಂದ ಪೊಲೀಸ್ ಠಾಣೆ ಇತ್ತು. ಅಂದಾಜು 1 ಎಕರೆ ಜಾಗದಲ್ಲಿ ಠಾಣೆ, ಪಿಎಸ್ಐ ವಸತಿಗೃಹ, ಸಿಬ್ಬಂದಿಗಾಗಿ 12 ವಸತಿಗೃಹಗಳನ್ನು ನಿರ್ವಿುಸಲಾಗಿತ್ತು. ಪೊಲೀಸ್ ಠಾಣೆ ಅಳ್ನಾವರಕ್ಕೆ ಸ್ಥಳಾಂತರವಾದ ನಂತರ ವಸತಿಗೃಹಗಳು ಈಗಲೂ ಇದ್ದು, 15 ವರ್ಷಗಳಿಂದ ಕೆಲ ಗ್ರಾಮಸ್ಥರು ಅತಿಕ್ರಮಣ ಮಾಡಿಕೊಂಡು ವಾಸವಿದ್ದಾರೆ. ಈ ಕುರಿತು ಮಾಹಿತಿ ಬಂದ ಹಿನ್ನೆಲೆಯಲ್ಲಿ ಎಸ್ಪಿ ವರ್ತಿಕಾ, ಡಿವೈಎಸ್ಪಿ ರವಿ ನಾಯ್ಕ ಹಾಗೂ ಗ್ರಾಮೀಣ ಠಾಣೆ ಸಿಬ್ಬಂದಿ ಗ್ರಾಮಕ್ಕೆ ತೆರಳಿ ಪರಿಶೀಲನೆ ನಡೆಸಿದರು.
ಪೊಲೀಸ್ ಇಲಾಖೆ ಅಧೀನದ ಜಾಗದಲ್ಲಿ ಗ್ರಾ.ಪಂ. ಕಟ್ಟಡ, ಅಂಗನವಾಡಿ ಕಟ್ಟಡ, ಜಲ ಸಂಗ್ರಹಾಗಾರ ಹಾಗೂ ದೇವಸ್ಥಾನವೊಂದನ್ನು ನಿರ್ವಿುಸಿರುವುದು ಮೇಲ್ನೋಟಕ್ಕೆ ಕಂಡುಬಂತು. ಈ ಬಗ್ಗೆ ಸರ್ವೆ ನಡೆಸಿ, ಗಡಿ ಗುರುತು ಮಾಡಲಾಗುವುದು. ಅತಿಕ್ರಮಣವಾಗಿದ್ದರೆ ಸರ್ಕಾರದ ನಿರ್ದೇಶನದಂತೆ ಕ್ರಮ ಕೈಗೊಳ್ಳಲಾಗುವುದು ಎಂದು ಎಸ್ಪಿ ವರ್ತಿಕಾ ತಿಳಿಸಿದರು. ಮನೆಗಳಿಲ್ಲದವರು ವಸತಿಗೃಹಗಳಲ್ಲಿ ನೆಲೆಸಿದ್ದು, ತೆರವುಗೊಳಿಸಲಾಗುವುದು ಎಂದು ಗ್ರಾಮಸ್ಥರು ಹೇಳಿದರು.
ಜನತಾ ಬಜಾರ್ನ ಕಟ್ಟೆಗಳ ವ್ಯಾಪಾರಸ್ಥರಿಗಾಗಿ ಭಾರತ ಮಿಲ್ ಮೈದಾನದಲ್ಲಿ ತಾತ್ಕಾಲಿಕ ಶೆಡ್ ನಿರ್ವಿುಸಲಾಗುವುದು. ನಿಗದಿತ ಅವಧಿಯಲ್ಲಿ ಕಾಮಗಾರಿ ಪೂರ್ಣಗೊಳ್ಳಲಿದೆ.
-ಎಸ್.ಎಚ್. ನರೇಗಲ್, ವಿಶೇಷ ಅಧಿಕಾರಿ, ಹು-ಧಾ ಸ್ಮಾರ್ಟ್ಸಿಟಿ ಕಂಪನಿ