ಗೋಕರ್ಣ: ಇಲ್ಲಿನ ರಥಬೀದಿಯಲ್ಲಿ ನಿರ್ವಿುಸಿರುವ ಕುಡಿಯುವ ನೀರಿನ ಘಟಕದ ಹೊರಗೆ ಭದ್ರತೆಗಾಗಿ ಹಾಕಲಾಗಿದ್ದ ಗ್ರಿಲ್ಸ್ಗಳನ್ನು ಗ್ರಾಂಪಂ ನವರು ಕಿತ್ತಿದ್ದಾರೆ. ಗ್ರಾಪಂನ ಈ ಕ್ರಮಕ್ಕೆ ಘಟಕವನ್ನು ನಿರ್ವಿುಸಿದ್ದ ಯಂಗ್ಸ್ಟಾರ್ ಕ್ಲಬ್ ತೀವ್ರ ಅಸಮಾಧಾನ ವ್ಯಕ್ತ ಪಡಿಸಿದೆ.
ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಭೇಟಿ ಕೊಡುವ ರಥ ಬೀದಿಯಲ್ಲಿರುವ ಗ್ರಾಪಂಗೆ ಸೇರಿದ ಜಾಗದಲ್ಲಿ ಯಂಗ್ಸ್ಟಾರ್ ಕ್ಲಬ್ ಕಳೆದ ಮಾರ್ಚ್ನಲ್ಲಿ ಶುದ್ಧ ಕುಡಿವ ನೀರಿನ ಘಟಕವನ್ನು ಸ್ಥಾಪಿಸಿದೆ. ಇದಕ್ಕಾಗಿ ಅಂದಾಜು 8 ಲಕ್ಷ ರೂ. ಖಚಾಗಿದೆ.. ಈ ಘಟಕದ ಮುಂದೆ ರಸ್ತೆಗೆ ಹೊಂದಿಕೊಂಡಿರುವ ಖಾಲಿ ಜಾಗದ ಹೊಲಸಾಗುತ್ತಿತ್ತು ಇದನ್ನು ತಡೆಯಲು ಕ್ಲಬ್ ಹೊರ ಭಾಗಕ್ಕೆ ಸ್ಟೀಲ್ ಗ್ರಿಲ್ಸ್ಗಳನ್ನು ಅಳವಡಿಸಿತ್ತು.
ಗ್ರಿಲ್ಸ್ ಜೋಡಿಸಿದ ಕ್ರಮವನ್ನು ಸ್ಥಳೀಯ ಕೆಲವರು ವಿರೋಧಿಸಿ ತಾಪಂಗೆ ದೂರು ನೀಡಿದ್ದರು. ಇದನ್ನು ಪರಿಶೀಲಿಸಿದ ತಾಪಂ ಇಒ ಕೂಡಲೆ ಗ್ರಿಲ್ಸ್ ತೆಗೆದು ಹಾಕಿ ಯಥಾ ಸ್ಥಿಯಲ್ಲಿಡಲು ಸೂಚಿಸಿದರು. ಇದನ್ನು ಅನುಸರಿಸಿ ಬುಧವಾರ ಪಂಚಾಯತಿ ಸಿಬ್ಬಂದಿ ಬಂದು ಗ್ರಿಲ್ಸ್ಗಳನ್ನು ತೆಗೆದು ಪಂಚಾಯತಿಗೆ ಒಯ್ದಿದ್ದಾರೆ.
ಗೋಕರ್ಣದಲ್ಲಿ ಸೇವೆ ಮಾಡುವವರಿಗೆ ತೊಂದರೆ ನೀಡಲಾಗುತ್ತಿದೆ. ನಾವು ನೀರಿನ ಘಟಕ ಸ್ಥಾಪಿಸುವ ವೇಳೆಯಲ್ಲಿಯೇ ಗ್ರಿಲ್ಸ್ ಅಳವಡಿಸುವುದನ್ನು ಪಂಚಾಯತಿಗೆ ತಿಳಿಸಿ ಮೌಖಿಕ ಒಪ್ಪಿಗೆ ಪಡೆದಿದ್ದೇವೆ. ಪಂಚಾಯತಿಯ ಅವಧಿ ಮುಗಿದ ನಂತರ ತಾಪಂ ಅಧಿಕಾರಿಗಳ ಈ ಕ್ರಮ ಬೇರೆ ಉದ್ದೇಶದಿಂದ ಪ್ರೇರಿತವಾಗಿದೆ.
| ನಾಗಕುಮಾರ ಗೋಪಿ
ಅಧ್ಯಕ್ಷ, ಯಂಗ್ಸ್ಟಾರ್ ಕ್ಲಬ್
ಕ್ಲಬ್ ಪಂಚಾಯಿತಿಯ ಯಾವುದೇ ಲಿಖಿತ ಪರವಾನಿಗೆ ಇಲ್ಲದೆ ಗ್ರಿಲ್ಸ್ ಕೂಡಿಸಿದೆ. ಇದಕ್ಕೆ ಸ್ಥಳೀಯ ಕೆಲವರು ವಿರೋಧಿಸಿದ್ದಾರೆ. ಇದನ್ನು ತೆಗೆಯಲು ತಾಪಂ ಅಧಿಕಾರಿಗಳು ಸೂಚಿಸಿದ್ದರೂ ಕ್ರಮ ಜರುಗಿಸದ ಹಿನ್ನೆಲೆಯಲ್ಲಿ ಪಂಚಾಯಿತಿ ಇವುಗಳನ್ನು ವಶಕ್ಕೆ ಪಡೆದಿದೆ.
| ಆರ್.ಜಿ. ಗುನಗಿ
ಆಡಳಿತಾಧಿಕಾರಿ ಗೋಕರ್ಣ ಗ್ರಾಪಂ