ನವದೆಹಲಿ: ಕ್ರಿಕೆಟ್ ಲೋಕದಲ್ಲಿ ಆಟಗಾರರ ಬ್ಯಾಟಿಂಗ್, ಬೌಲಿಂಗ್ ಮತ್ತು ಆಲ್ರೌಂಡ್ ಪ್ರದರ್ಶನ ಕ್ರೀಡಾಭಿಮಾನಿಗಳ ಗಮನಸೆಳೆಯುವುದು ತೀರ ಸಾಮಾನ್ಯ. ಆದ್ರೆ, ಇದನ್ನೂ ಮೀರಿ ಪ್ರತ್ಯೇಕವಾಗಿ ಒಂದಷ್ಟು ವಿಷಯಗಳು ಫ್ಯಾನ್ಸ್ಗಳ ಕಣ್ಮನ ಸೆಳೆಯುತ್ತದೆ. ಆ ಪೈಕಿ ಕ್ರಿಕೆಟಿಗರು ಧರಿಸುವ ಜೆರ್ಸಿ ಹಾಗೂ ಅದರ ಸಂಖ್ಯೆ ಕೂಡ ಒಂದು. ಒಂದೊಂದು ಜೆರ್ಸಿ ಸಂಖ್ಯೆ ಹಿಂದೆಯೂ ಹಲವಾರು ವಿಷಯಗಳು ಅಡಗಿವೆ. ನಂಬರ್ 07 ಹೊಂದಿರುವ ಟೀಮ್ ಇಂಡಿಯಾದ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ, ತಮ್ಮ ಜನ್ಮದಿನದ ದಿನಾಂಕವನ್ನೇ ಜೆರ್ಸಿ ನಂಬರ್ ಆಗಿ ಬಳಸಿಕೊಂಡಿದ್ದಾರೆ. ಇದು ಅನೇಕರಿಗೆ ತಿಳಿದಿರುವ ಸಂಗತಿ. ಅದೇ ರೀತಿ 18 ಸಂಖ್ಯೆಯನ್ನು ತಮ್ಮ ಜೆರ್ಸಿಯಾಗಿ ಬಳಸಿಕೊಂಡಿರುವ ಸ್ಟಾರ್ ಆಟಗಾರರು, ಇದೊಂದು ಸಂಖ್ಯೆಯಿಂದಲೇ ಕ್ರಿಕೆಟ್ ಜಗತ್ತಿನಲ್ಲಿ ದೊಡ್ಡ ಹೆಸರು ಸ್ಥಾಪಿಸಿ, ದಾಖಲೆಗಳನ್ನು ಬರೆದಿದ್ದಾರೆ.
