ಟೋಕಿಯೊ: ಜಗತ್ತಿನಾದ್ಯಂತ ಇಂದು ವ್ಯಾಲೆಂಟೈನ್ಸ್ ಡೇ ಆಚರಿಸಲಾಗುತ್ತಿದೆ. ಕೊರೊನಾ ವೈರಸ್ ಕಾರಣಕ್ಕೆ ಸಾಗರದ ನಡುವೆ ಹಡಗಿನಲ್ಲೇ ನಿರ್ಬಂಧಿತರಾದವರ ಪ್ರೇಮಿಗಳ ದಿನಾಚರಣೆ ವಿಶಿಷ್ಟವಾಗಿದ್ದು, ಜಗತ್ತಿನ ಗಮನಸೆಳೆದಿದೆ. ಸಂಕಷ್ಟದಲ್ಲೂ ಜೀವಂತಿಕೆ ಮತ್ತು ಲವಲವಿಕೆ ಉಳಿಸಕೊಳ್ಳುವ ಈ ಪ್ರಯತ್ನಕ್ಕೆ ಭಾರಿ ಶ್ಲಾಘನೆ ವ್ಯಕ್ತವಾಗಿದೆ.
ಜಪಾನ್ನ ಡೈಮಂಡ್ ಪ್ರಿನ್ಸ್ ಹಡಗಿನಲ್ಲಿ ಇಂದು ಪ್ರೇಮಿಗಳ ದಿನದ ಪ್ರಯುಕ್ತ ಸಿಬ್ಬಂದಿಗಳು ಸೇರಿ ಪ್ರಯಾಣಿಕರೆಲ್ಲರೂ ಪರಸ್ಪರ ಶುಭ ಹಾರೈಸಿಕೊಂಡಿದ್ದಾರೆ. ಸಿಬ್ಬಂದಿಗಳಿಗೆ ಪೇಪರ್ನಲ್ಲಿ ಮಾಡಿರುವ ಹಾರ್ಟ್ ಸಿಂಬಲ್ಗಳ ಮೂಲಕ ಪ್ರಯಾಣಿಕರು ಶುಭ ಹಾರೈಸಿದ್ದರೆ, ಪ್ರಯಾಣಿಕರಿಗೆ ವಿಶೇಷ ತಿಂಡಿ ಮತ್ತು ಕೆಲ ಉಡುಗೊರೆಗಳನ್ನು ನೀಡುವ ಮೂಲಕ ಸಿಬ್ಬಂದಿಗಳು ಹಾರೈಸಿದ್ದಾರೆ.
ಪ್ರೇಮಿಗಳ ದಿನದ ಪ್ರಯುಕ್ತ ನಿರ್ಭಂದಿತ ಪ್ರಿನ್ಸ್ ಕ್ರೂಸ್ ಹಡಗಿನಲ್ಲಿ ಇಂದು ವಿಶೇಷ ತಿಂಡಿಯನ್ನು ತಯಾರಿಸಲಾಗಿತ್ತು. ವಿಶೇಷ ಡೆಸರ್ಟ್, ಸಲಾಡ್, ಇತ್ಯಾದಿಗಳನ್ನು ಪ್ರಯಾಣಿಕರಿಗೆ ನೀಡಲಾಗಿದೆ. ಅದಲ್ಲದೆ ಹಡಗಿನಲ್ಲಿ “you are great”, ” together we must overcome” ಎನ್ನುವಂತಹ ಸ್ಫೂರ್ತಿದಾಯಕ ಮಾತಗಳನ್ನು ಡಿಸ್ಪ್ಲೇ ಮಾಡಲಾಗಿದ್ದು ಕೊರೊನಾ ವೈರಸ್ ಭಯದಲ್ಲಿರುವ ಜನರಿಗೆ ಸ್ಫೂರ್ತಿ ತುಂಬಲಾಗಿದೆ.
ಜಪಾನ್ ಮೂಲದ ಪ್ರಿನ್ಸ್ ಕ್ರೂಸ್ ವಿಮಾನದಲ್ಲಿ ಕೊರೊನಾ ವೈರಸ್ ಪತ್ತೆಯಾಗಿದ್ದು ಹಡಗನ್ನು ಭೂಪ್ರದೇಶಕ್ಕೆ ಭಾರದಿರುವಂತೆ ನಿರ್ಭಂದಿಸಾಗಿದೆ. ಕಳೆದ 10 ದಿನಗಳಿಂದ ಸಮುದ್ರದಲ್ಲಿರುವ ಈ ಹಡಗಿನಲ್ಲಿ 200 ಜನರಲ್ಲಿ ಕೊರೊನಾ ಇರುವುದಾಗಿ ಪತ್ತೆಯಾಗಿದ್ದು ಅವರನ್ನೆಲ್ಲ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹಡಗಿನಲ್ಲಿ ಉಳಿದಿರುವವರನ್ನು ಫೆ.19ರವರೆಗೆ ತಪಾಸಣೆಯಲ್ಲಿಟ್ಟು ಕೊರೊನಾ ಇಲ್ಲದಿರುವುದು ಖಾತ್ರಿಯಾದರೆ ಮಾತ್ರ ಅವರನ್ನು ಅವರ ಕುಟುಂಬದವರೊಂದಿಗೆ ಕಳುಹಿಸಲಾಗುವುದು.