ಫ್ಲೋರಿಡಾ: ವಿಡಿಯೋ ಕಾಲ್ ಮೂಲಕ ಮನೆಯಿಂದಲೇ ಆನ್ಲೈನ್ ಕ್ಲಾಸ್ಗೆ ಹಾಜರಾಗುವಾಗ ವಿದ್ಯಾರ್ಥಿಗಳ ಹಿನ್ನೆಲೆಯಲ್ಲಿ ಏನು ನಡೆಯುತ್ತಿದೆ ಎಂಬುದು ಸಹಜವಾಗಿಯೇ ಪಾಠ ಮಾಡುವವರಿಗೆ ಅರಿವಾಗುತ್ತದೆ. ಆದರೆ, ಈ ಶಿಕ್ಷಕಿ ಕಂಡದ್ದು ಮಾತ್ರ ಅತ್ಯಂತ ಭೀಕರ ಹಾಗೂ ಹೃದಯವಿದ್ರಾವಕ.
ಇಲ್ಲಿನ ಇಂಡಿಯಾಟೌನ್ನಲ್ಲಿ 10 ವರ್ಷದ ವಿದ್ಯಾರ್ಥಿನಿ ಮನೆಯಿಂದ ಝೂಮ್ ಆ್ಯಪ್ ಮೂಲಕ ಆನ್ಲೈನ್ ತರಗತಿಗೆ ಹಾಜರಾಗಿದ್ದಳು. ಹಿಂದೆ ಬಾಲಕಿಯ ತಾಯಿ 32 ವರ್ಷದ ಮಾರಿಬೆಲ್ ರೊಸಾಡೋ ಮೋರಲ್ಸ್ ಹಾಗೂ ಹಾಗೂ ಆಕೆಯ ಮಾಜಿ ಪ್ರಿಯಕರ 27 ವರ್ಷದ ಡೊನಾಲ್ಡ್ ಜೆ. ವಿಲಿಯಮ್ಸ್ ವಾಗ್ವಾದದಲ್ಲಿ ತೊಡಗಿರುವುದು ಕಂಡು ಬರುತ್ತಿತ್ತು.
ಕೆಲ ಕ್ಷಣಗಳಲ್ಲಿಯೇ ವಾಗ್ವಾದ ವಿಕೋಪಕ್ಕೆ ತಿರುಗಿ, ಇಬ್ಬರು ಬೈದಾಡಿಕೊಳ್ಳುತ್ತಿದ್ದರು. ಕೊನೆಗೆ ಬಡಿದಾಟವಾಗಿ ಮಾರ್ಪಟ್ಟಿತ್ತು. ಇದೊಂದು ಕೌಟುಂಬಿಕ ಕಲಹವೆಂದೇ ವಾರ್ಫೀಲ್ಡ್ ಎಲಿಮೆಂಟರಿ ಸ್ಕೂಲ್ನ ಆ ಶಿಕ್ಷಕಿ ತಿಳಿದಿದ್ದಳು. ಹೀಗಾಗಿ ಉಳಿದವರಿಗೆ ಗೊತ್ತಾಗದಂತೆ ಆಕೆಯ ಲಿಂಕ್ಅನ್ನು ಮ್ಯೂಟ್ ಮಾಡಿಟ್ಟಿದ್ದಳು. ಕೆಲ ಕ್ಷಣದಲ್ಲಿಯೇ ವಿದ್ಯಾರ್ಥಿನಿ ತನ್ನೆರಡು ಕವಿಗಳನ್ನು ಮುಚ್ಚಿಕೊಂಡಿದ್ದನ್ನು ಶಿಕ್ಷಕಿ ಗಮನಿಸಿದ್ದಾಳೆ. ಬಾಲಕಿಯ ಎದುರೇ ಆಕೆಯ ತಾಯಿಯನ್ನು ನೋಡಿದರೆ ಗುಂಡು ಹಾರಿಸಿ ಹತ್ಯೆ ಮಾಡಿದ್ದ.
ಬಾಲಕಿ ಮಾತ್ರವಲ್ಲದೇ, ಆಕೆಯ ಇಬ್ಬರು ಸಂಬಂಧಿ ಸೇರಿ ಒಟ್ಟು ಐದು ಅಪ್ರಾಪ್ತರು ಆ ಸಂದರ್ಭದಲ್ಲಿ ಮನೆಯಲ್ಲಿದ್ದರು. ಒಬ್ಬ ಬಾಲಕಿ ಪೊಲೀಸರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾಳೆ. ಆಸ್ಪತ್ರೆಗೆ ಸಾಗಿಸುವ ವೇಳೆ ಆಕೆ ಮೃತಪಟ್ಟಿದ್ದಾಳೆ ಎಂದು ಪೊಲೀಸ್ ಅಧಿಕಾರಿ ವಿಲಿಯಮ್ ಸ್ನಿಡರ್ ಹೇಳಿದ್ದಾರೆ.
ಇದನ್ನೂ ಓದಿ; ಶಾಸಕ ಅಖಂಡ ಶ್ರೀನಿವಾಸಮೂರ್ತಿ ಸೋದರಳಿಯನ ತಲೆಗೆ ಬಹುಮಾನ ಘೋಷಿಸಿದವನಿಗೆ ಪೊಲೀಸರು ಕೊಟ್ರು ಶಾಕ್
ಆರೋಪಿ ಡೊನಾಲ್ಡ್ ಹಾಗೂ ಮೋರಲ್ಸ್ ವರ್ಷದ ಹಿಂದೆಯೇ ಬೇರೆಯಾಗಿದ್ದರು. ಮನೆಗೆ ಬಂದಾಗ ನಗುತ್ತಲೇ ಮಾತನಾಡುತ್ತಿದ್ದ. ಫೇಸ್ಬುಕ್ನಲ್ಲಿ ಆಕೆ ಅಪ್ಲೋಡ್ ಮಾಡಿದ್ದ ವಿಡಿಯೋ ಬಗ್ಗೆ ಆತ ಆಕ್ಷೇಪ ವ್ಯಕ್ತಪಡಿಸಿದ್ದ. ಈ ವಿಚಾರವೇ ಜಗಳ ಆರಂಭವಾಗಿ ಮೋರಲ್ಸ್ ಕೊಲೆಯಲ್ಲಿ ಅಂತ್ಯವಾಗಿದೆ.
ಭಾರತೀಯರಿಗೆ ಶುಭಸುದ್ದಿ; ದೇಶೀಯ ಕರೊನಾ ಲಸಿಕೆ ಕೊವಾಕ್ಸಿನ್ ಮಾನವರ ಬಳಕೆಗೆ ಸುರಕ್ಷಿತ; ಆರಂಭಿಕ ಯಶಸ್ಸು