ವಾಷಿಂಗ್ಟನ್: ಮಹಾಮಾರಿ ಕರೊನಾ ವೈರಸ್ ಅನ್ನು ಬಹುಬೇಗ ನಾಶಪಡಿಸುವ ಸಾಮರ್ಥ್ಯ ಸೂರ್ಯನ ಬೆಳಕಿಗೆ ಇದೆ ಎಂದು ವಾದಿಸಿರುವ ನೂತನ ಸಂಶೋಧನೆಯನ್ನು ಅಮೆರಿಕದ ಹಿರಿಯ ಅಧಿಕಾರಿಗಳು ಗುರುವಾರ ಘೋಷಣೆ ಮಾಡಿದ್ದಾರೆ. ಹೀಗಿದ್ದರೂ ಅಧ್ಯಯನ ಬಾಹ್ಯ ಮೌಲ್ಯಮಾಪನಕ್ಕೆ ಎದುರು ನೋಡಲಾಗುತ್ತಿದ್ದು, ಈ ಬಗ್ಗೆ ಸಾರ್ವಜನಿಕವಾಗಿ ಹೆಚ್ಚು ವಿವರಣೆಯನ್ನು ನೀಡಲಾಗಿಲ್ಲ.
ಅಮೆರಿಕದ ಹೋಮ್ಲ್ಯಾಂಡ್ ಸೆಕ್ಯುರಿಟಿ ಕಾರ್ಯದರ್ಶಿ ವಿಭಾಗದ ವಿಜ್ಞಾನ ಮತ್ತು ತಂತ್ರಜ್ಞಾನ ಸಲಹೆಗಾರರಾಗಿರುವ ವಿಲಿಯಂ ಬ್ರ್ಯಾನ್ ಅವರು ಗುರುವಾರ ವೈಟ್ಹೌಸ್ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಅಲ್ಟ್ರಾವೈಲೆಟ್ ಕಿರಣಗಳು ವೈರಸ್ ಮೇಲೆ ಹೆಚ್ಚು ಪ್ರಭಾವ ಬೀರುತ್ತದೆ ಎಂಬುದನ್ನು ಸರ್ಕಾರಿ ವಿಜ್ಞಾನಿಗಳು ಪತ್ತೆಹಚ್ಚಿದ್ದಾರೆ. ಹೀಗಾಗಿ ಬೇಸಿಗೆ ಕಾಲದಲ್ಲಿ ವೈರಸ್ ಹರಡುವಿಕೆ ತುಂಬಾ ಕಡಿಮೆ ಇರಲಿದೆ ಎಂದು ತಿಳಿಸಿದರು.
ಭೂಮೇಲ್ಮೈ ಹಾಗೂ ಗಾಳಿಯಲ್ಲಿರುವ ವೈರಸ್ ಅನ್ನು ಸೂರ್ಯನ ಬೆಳಕು ಕೊಲ್ಲುತ್ತದೆ ಎಂಬುದನ್ನು ಸೂಕ್ಷ್ಮವಾಗಿ ಪರಿಶೀಲಿಸಲಾಗಿದೆ. ಉಷ್ಣಾಂಶ ಮತ್ತು ಆರ್ದ್ರತೆ ಎರಡರಲ್ಲೂ ಒಂದೇ ಪ್ರಭಾವ ಇರುವುದನ್ನು ಪತ್ತೆ ಹಚ್ಚಿದ್ದೇವೆ. ಉಷ್ಣಾಂಶ ಮತ್ತು ಆರ್ದ್ರತೆಯಲ್ಲಿ ಯಾವುದೇ ಹೆಚ್ಚಾದರೂ ವೈರಸ್ಗೆ ಅನುಕೂಲವಾಗಿರುವುದಿಲ್ಲ ಎಂದು ವಿಲಿಯಂ ಬ್ರ್ಯಾನ್ ಹೇಳಿದ್ದಾರೆ.
ಅಧ್ಯಯನ ವರದಿಯನ್ನು ಸದ್ಯ ಪುನಾರವಲೋಕನಕ್ಕಾಗಿ ಬಿಡುಗಡೆ ಮಾಡಿಲ್ಲ. ಈ ವಿಧಾನ ಎಷ್ಟು ಬಲಿಷ್ಠವಾಗಿದೆ ಎಂದು ಹೇಳಲು ತಜ್ಞರಿಗೂ ಸಹ ತುಸು ಕಷ್ಟಕರವಾಗಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಖಚಿತತೆಯೊಂದಿಗೆ ಅಧ್ಯಯನ ವರದಿ ಪ್ರಕಟವಾಗಲಿದೆ ಎಂದಿದ್ದಾರೆ.
ಅಲ್ಟ್ರಾವೈಲೆಟ್ ಕಿರಣಗಳು ಉತ್ತಮ ಪ್ರಭಾವ ಬೀರುತ್ತದೆ ಎಂಬುದು ಹಿಂದಿನಿಂದಲೂ ತಿಳಿಸಿದೆ. ಏಕೆಂದರೆ ಅದರಲ್ಲಿರುವ ವಿಕಿರಣಗಳು ವೈರಸ್ನಲ್ಲಿರುವ ಅನುವಂಶಿಕ ವಸ್ತು ಮತ್ತು ಪುನರಾವರ್ತಿಸುವ ಸಾಮರ್ಥ್ಯದ ಮೇಲೆ ಹಾನಿ ಮಾಡುತ್ತದೆ. ಆದರೆ, ಅಲ್ಟ್ರಾವೈಲೆಟ್ನ ತೀವ್ರತೆ ಮತ್ತು ತರಂಗಾಂತರವನ್ನು ಯಾವ ಪ್ರಮಾಣದಲ್ಲಿ ಬಳಸಬೇಕೆಂಬುದರ ಮೇಲೆ ಪ್ರಯೋಗ ನಡೆಯುತ್ತಿದೆ. ಬೇಸಿಗೆಯಲ್ಲಿನ ನೈಸರ್ಗಿಕ ಕಿರಣಗಳೇ ಪ್ರಭಾವ ಬೀರಲಿದೆಯೇ ಎಂಬುದನ್ನು ನಿಖರವಾಗಿ ತಿಳಿಯುವ ಪ್ರಯತ್ನ ನಡೆಯುತ್ತಿದೆ ಎಂದರು. (ಏಜೆನ್ಸೀಸ್)
ಡಬ್ಲ್ಯುಎಚ್ಒ ಲೀಡ್ ರೋಲ್ ಮುಂದಿನ ತಿಂಗಳು ಭಾರತಕ್ಕೆ: COVID19 ಸೋಂಕಿನ ಅವಧಿಯಲ್ಲಿ ಮಹತ್ವದ ಹೊಣೆಗಾರಿಕೆ