ವಾಷಿಂಗ್ಟನ್: ‘ಸಮೃದ್ಧ ಪಾಕಿಸ್ತಾನದಲ್ಲಿ ಅಣು ಬಾಂಬುಗಳು ಸುರಕ್ಷಿತವಾಗಿ ಇರುತ್ತವೆ’ ಎಂದು ಅಮೆರಿಕದ ರಾಷ್ಟ್ರೀಯ ಇಲಾಖೆಯ ಉಪ ವಕ್ತಾರ ವೇದಾಂತ್ ಪಟೇಲ್ ಹೇಳಿಕೆ ನೀಡಿದ್ದಾರೆ.
ಇತ್ತೀಚೆಗಷ್ಟೆ ಪಾಕಿಸ್ತಾನವನ್ನು ಜಗತ್ತಿನ ಅತ್ಯಂತ ಅಪಾಯಕಾರಿ ದೇಶ ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಕರೆದಿದ್ದರು. ಆದರೆ ಈಗ ಅಧ್ಯಕ್ಷರ ಟೀಕೆಗೆ ವಿರುದ್ಧವಾಗಿ ಅಲ್ಲಿನ ರಾಷ್ಟ್ರೀಯ ಇಲಾಖೆ ಹೇಳಿಕೆ ನೀಡಿದೆ.
ಜೋ ಬೈಡೆನ್ರ ಹೇಳಿಕೆಗೆ ವಾಸ್ತವದಿಂದ ದೂರವಿದೆ. ಅಂತಾರಾಷ್ಟ್ರೀಯ ಪರಮಾಣು ಸಂಸ್ಥೆಯ ನಿರ್ದೇಶನಗಳಿಗೆ ಅನುಗುಣವಾಗಿ ನಮ್ಮ ಅಣು ಬಾಂಬುಗಳನ್ನು ಸಂರಕ್ಷಿಸಲಾಗುತ್ತಿದೆ’ ಎಂದು ಎಂದು ಪಾಕ್ ಪ್ರಧಾನಿ ಶೆಹಬಾಝ್ ಶರೀಫ್ ಸಮರ್ಥಿಸಿಕೊಂಡಿದ್ದಾರೆ. ಇದರಿಂದ ಅಮೆರಿಕ-ಪಾಕ್ ಸಂಬಂಧ ಹದಗೆಟ್ಟಿತ್ತು. ಈಗ ಬಂದಿರುವ ಹೇಳಿಕೆಯ ಉದ್ದೇಶ, ಅಮೆರಿಕ ಹಾಗೂ ಪಾಕಿಸ್ತಾನದ ಸಂಬಂಧವನ್ನು ಗಟ್ಟಿಗೊಳಿಸುವುದು ಎಂದು ಹೇಳಲಾಗುತ್ತಿದೆ.