ಐಚಿ-ನಗೋಯಾ: ಏಷ್ಯನ್ ಪ್ಯಾರಾ ಗೇಮ್ಸ್ ಅಧಿಕೃತ ಆರಂಭಕ್ಕೆ ಮೊದಲೇ ಭಾರತಕ್ಕೆ ಪದಕವೊಂದು ಖಾತ್ರಿಯಾಗಿದೆ. ಪ್ಯಾರಾ ಬ್ಯಾಡ್ಮಿಂಟನ್ ಸ್ಪರ್ಧೆಯ ಮಹಿಳೆಯರ ಡಬಲ್ಸ್ ಎಸ್ಎಲ್3-ಎಸ್ಯು5 ವಿಭಾಗದಲ್ಲಿ ಭಾರತದ ಮಾನಸಿ ಜೋಶಿ ಮತ್ತು ತುಳಸಿಮತಿ ಮುರುಗೇಶನ್ ಜೊಡಿ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಈ ಸಾಧನೆ ಮಾಡಿದೆ.
ಕಳೆದ ಆವೃತ್ತಿಯಲ್ಲಿ ರಜತ ಗೆದ್ದಿದ್ದ ಭಾರತದ ಜೋಡಿ ಶನಿವಾರ ನಡೆದ ಎ ಗುಂಪಿನ ಪಂದ್ಯದಲ್ಲಿ ಚೀನಾದ ಯುಮಿ ಲಿಯು-ಟೊಂಗ್ಟಾಂಗ್ ಲೀ ಜೋಡಿಯನ್ನು 21-10, 21-17ರಿಂದ ಮಣಿಸಿ, ಕೊನೇ ಲೀಗ್ ಪಂದ್ಯಕ್ಕೆ ಮುನ್ನವೇ ಸೆಮೀಸ್ ಪ್ರವೇಶ ಖಚಿತಪಡಿಸಿಕೊಂಡಿತು. ಈ ಸ್ಪರ್ಧೆಯಲ್ಲಿ ಸೆಮೀಸ್ನಲ್ಲಿ ಸೋತವರಿಗೆ ಕಂಚು ಒಲಿಯಲಿದೆ.
ಪ್ಯಾರಾ ಬ್ಯಾಡ್ಮಿಂಟನ್ ಸ್ಪರ್ಧೆಯಲ್ಲಿ ಶನಿವಾರ ಭಾರತದ ಇತರ ಸ್ಪರ್ಧಿಗಳು ಮಿಶ್ರ ಫಲ ಎದುರಿಸಿದರು.
