CSK VS RCB: ಕಿಂಗ್ ಕೊಹ್ಲಿ 'ನೋ-ಲುಕ್' ಸಿಕ್ಸ್​ಗೆ ಪತ್ನಿ ಫಿದಾ: ಸ್ಟೇಡಿಯಂನಲ್ಲೇ ನಾಚಿ ನೀರಾದ ನಟಿ ಅನುಷ್ಕಾ ಶರ್ಮಾ

ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾನುವಾರ (ಏಪ್ರಿಲ್​5 )ನಡೆದ ಹೈ-ವೋಲ್ಟೇಜ್ ಪಂದ್ಯದಲ್ಲಿ Royal Challengers Bengaluru ತಂಡವು Chennai Super Kingsಗೆ ಮಣ್ಣು ಮುಕ್ಕಿಸಿತ್ತು. 43 ರನ್‌ಗಳ ಅಮೋಘ ಜಯ ದಾಖಲಿಸಿತು. ಇದರ ಮಧ್ಯೆ ಅಭಿಮಾನಿಗಳು ಮತ್ತು ಅನುಷ್ಕಾ ಶರ್ಮಾ ಮನಸೋತು ಹುಚ್ಚೆದ್ದು ಕುಣಿದಿದ್ದು ಮಾತ್ರ ವಿರಾಟ್ ಕೊಹ್ಲಿ ಬಾರಿಸಿದ ಅದ್ಭುತ 'ನೋ-ಲುಕ್' ಸಿಕ್ಸರ್​ಗೆ.

ಪಂದ್ಯದ ಆರಂಭದಲ್ಲಿ ವಿರಾಟ್ ಕೊಹ್ಲಿ ಕೇವಲ 18 ಎಸೆತಗಳಲ್ಲಿ 28 ರನ್ ಗಳಿಸಿ ತಂಡಕ್ಕೆ ಉತ್ತಮ ಅಡಿಪಾಯವನ್ನೇ ಹಾಕಿಕೊಟ್ಟರು. ನಾಲ್ಕನೇ ಓವರ್‌ನಲ್ಲಿ ಸಿಎಸ್‌ಕೆ ವೇಗಿ ಮ್ಯಾಟ್ ಹೆನ್ರಿಎಸೆತಕ್ಕೆ ಕೊಹ್ಲಿ ಹೊಡೆದ 'ನೋ-ಲುಕ್'  ಸಿಕ್ಸರ್ ನೇರವಾಗಿ ಸ್ಟ್ಯಾಂಡ್ಸ್ ಸೇರಿತು. 

ಬ್ಯಾಟರ್ ಚೆಂಡನ್ನು ಸಿಕ್ಸರ್‌ಗೆ ಬಾರಿಸಿದ ನಂತರ, ಆ ಚೆಂಡು ಎಲ್ಲಿಗೆ ಹೋಗುತ್ತಿದೆ ಎಂದು ತಿರುಗಿಯೂ ನೋಡದೆ ಕ್ರಿಸ್‌ನಲ್ಲಿ ಹಾಗೆಯೇ ನಿಂತಿರುತ್ತಾರೆ. ಸಾಮಾನ್ಯವಾಗಿ ಬ್ಯಾಟರ್‌ಗಳು ತಾವು ಹೊಡೆದ ಚೆಂಡು ಬೌಂಡರಿ ದಾಟುತ್ತದೆಯೇ ಎಂದು ನೋಡುತ್ತಾರೆ, ಆದರೆ ಇಲ್ಲಿ ಬ್ಯಾಟರ್‌ಗೆ ತಾನು ಹೊಡೆದ ಹೊಡೆತ ಸಿಕ್ಸರ್ ಆಗಿಯೇ ಆಗುತ್ತದೆ ಎನ್ನುವ ಅತಿಯಾದ ಆತ್ಮವಿಶ್ವಾಸ ಇರುತ್ತದೆ ಇದನ್ನು ನೋ ಲುಕ್ ಸಿಕ್ಸರ್​ ಎನ್ನುತ್ತಾರೆ.

ದೇವದತ್ ಪಡಿಕ್ಕಲ್, ಟಿಮ್​ ಡೇವಿಡ್​, ರಜತ್​ ಪಾಟಿದಾರ್​ ನೇತೃತ್ವವು ಅದ್ಭುತ ಬ್ಯಾಟಿಂಗ್​ ಪ್ರದರ್ಶನ ನೀಡಿತು.  ಭುವನೇಶ್ವರ್ ಕುಮಾರ್ ಅವರ 3-41 ಅಂತರದ ಅದ್ಭುತ ಪ್ರದರ್ಶನದೊಂದಿಗೆ ಹಾಲಿ ಚಾಂಪಿಯನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡವು 2026 ರ ಐಪಿಎಲ್ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ವಿರುದ್ಧ  ಭರ್ಜರಿ ಜಯ ಸಾಧಿಸಿತು.

ಚೆನ್ನೈ ಸೂಪರ್​ ಕಿಂಗ್​ ತಂಡವು ಆರ್‌ಸಿಬಿಯ ಫೀಲ್ಡಿಂಗ್​ಗೆ ತತ್ತರಿಸಿ ಹೋಯಿತು. ಅನುಭವಿ ವೇಗಿ ಭುವನೇಶ್ವರ್ ಕುಮಾರ್ 41 ರನ್‌ ನೀಡಿ 3 ವಿಕೆಟ್ ಪಡೆಯುವ ಮೂಲಕ ಐಪಿಎಲ್‌ನಲ್ಲಿ 200 ವಿಕೆಟ್​ಗಳ ಮೈಲಿಗಲ್ಲು ಸಾಧಿಸಿದರು, (ಏಜೆನ್ಸೀಸ್​)