ವೃಂದಾವನ್: ಪ್ರೀತಿ, ಕರುಣೆ, ಮಮಕಾರ ಮೊದಲಾದ ಮಾನವ ಸಂಬಂಧಿ ಸಂಗತಿಗಳ ಬಗ್ಗೆ ಪ್ರವಚನ ನೀಡುತ್ತಾ, ಎರಡು ಕಿಡ್ನಿಗಳನ್ನು ಕಳೆದುಕೊಂಡಿದ್ದರೂ, ಪವಾಡ ಸದೃಶ್ಯವಾಗಿ ಬದುಕಿರುವ ವೃಂದಾವನದ ಪ್ರೇಮಾನಂದ ಮಹಾರಾಜರ ಮೇಲೆ ಗಂಭೀರ ಆರೋಪವೊಂದು ಕೇಳಿಬಂದಿದೆ.
ಪ್ರೇಮಾನಂದ ಮಹಾರಾಜರ ಖ್ಯಾತಿಯನ್ನು ಹೆಚ್ಚಿಸುವ ಉದ್ದೇಶದಿಂದ ಪ್ರಸಿದ್ಧ ಕ್ರಿಕೆಟ್ ಆಟಗಾರ, ವಿರಾಟ್ ಕೊಹ್ಲಿಗೆ 5 ಕೋಟಿ ರೂಪಾಯಿ ಹಣವನ್ನು ನೀಡಲಾಗಿದೆ ಎಂದು ದಿನೇಶ್ ಫಲಹಾರಿ ಮಹಾರಾಜ್ ಎನ್ನುವವರು ಗಂಭೀರ ಸ್ವರೂಪದ ಆರೋಪವನ್ನು ಮಾಡಿದ್ದಾರೆ.
ಇದೊಂದು ಆಧಾರರಹಿತ ಆರೋಪ!
ಆದರೆ, ಈ ಆರೋಪಕ್ಕೆ, ವಿರಾಟ್ ಕೊಹ್ಲಿ ಅವರ ವಕ್ತಾರ, ಇದೊಂದು ಆಧಾರಹಿತ ಆರೋಪವಾಗಿದೆ. ವಿರಾಟ್ ಕೊಹ್ಲಿ ಹಾಗೂ ಅವರ ಪತ್ನಿ ಅನುಷ್ಕಾ ಶರ್ಮಾ ಪ್ರೇಮಾನಂದ ಮಹಾರಾಜರ ಮೇಲೆ ಹೊಂದಿರುವ ಗೌರವ, ಭಕ್ತಿ ಹಾಗೂ ನಂಬಿಕೆಯ ಆಧಾರದಲ್ಲಿ ಬೇಟಿ ನೀಡಿದ್ದಾರೆ. ಇದರ ಹಿಂದೆ ಯಾವುದೇ ವ್ಯವಹಾರವಿಲ್ಲ. ಯಾರೂ ಈ ರೀತಿಯ ವದಂತಿಗಳಿಗೆ ಕಿವಿಗೊಡಬೇಡಿ ಎಂದು ಸ್ಪಷ್ಟನೆ ನೀಡಿದ್ದರು.
