ಮುಂಬೈ: ಬಾಲಿವುಡ್ನಲ್ಲಿ ವಿಚ್ಚೇದನ, ಮರುವಿವಾಹ ಸಾಮಾನ್ಯವಾಗಿದೆ. ಬಾಲಿವುಡ್ ಆರಂಭದ ದಿನಗಳಿಂದಲೂ ಇಂತಹ ವಿಷಯಗಳಿಗೇನೂ ಕಡಿಮೆ ಇಲ್ಲ.
ಮದುವೆಯಾಗಿ ಒಂದೆರಡು ವರ್ಷವಾದರೆ ಪರ್ವಾಗಿಲ್ಲ, ಇತ್ತೀಚೆಗೆ ಎರಡು ದಶಕಗಳ ಕಾಲ ದಾಂಪತ್ಯ ಜೀವನ ನಡೆಸಿದ ಜೋಡಿಗಳು ವಿಚ್ಚೇದನ ತೆಗೆದುಕೊಂಡಿದ್ದಾರೆ. ಆ ಸಾಲಿನಲ್ಲಿ ಈಗ ಖ್ಯಾತ ನಟ ಸಲ್ಮಾನ್ ಖಾನ್ ಸಹೋದರ ಸೊಹೈಲ್ ಸೇರಿದ್ದಾರೆ.
24 ವರ್ಷಗಳ ಕಾಲ ಒಟ್ಟಿಗೆ ಜೀವನ ನಡೆಸಿದ್ದ ಈ ಜೋಡಿ ಈಗ ಬೇರೆ ಬೇರೆಯಾಗಲಿ ನಿರ್ಧರಿಸಿದ್ದಾರೆ. ಅಂತೆಯೇ ನ್ಯಾಯಾಲಯಕ್ಕೂ ವಿಚ್ಚೇದನ ಅರ್ಜಿಯನ್ನು ಸಲ್ಲಿಸಿದ್ದಾರೆ.
1998ರಲ್ಲಿ ಮದುವೆಯಾದ ಈ ಜೋಡಿಗೆ ಎರಡು ಮಕ್ಕಳು ಇದ್ದಾರೆ. ಈಗ ಇಬ್ಬರಲ್ಲೂ ಯಾವುದೂ ಸರಿ ಇಲ್ಲ. ನಮ್ಮಲ್ಲಿ ಹೊಂದಾಣಿಕೆ ಇಲ್ಲ ಹಾಗಾಗಿ ನಾವು ದೂರವಾಗುತ್ತಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ.
ಸೀಮಾ ಖಾನ್ ಹಾಗೂ ಸೊಹೈಲ್ ಖಾನ್ ಇಬ್ಬರು ಬಾಲಿವುಡ್ನಲ್ಲಿ ತಕ್ಕಮಟ್ಟಿಗೆ ಸ್ಟಾರ್ ದಂಪತಿಗಳೇ ಆಗಿದ್ದರು. ಸದ್ಯ ನಾನೇನು ಹೇಳಲು ಇಚ್ಚಿಸುವುದಿಲ್ಲ, ನೀವು ನೋಡುತ್ತಿರುವುದು ಸತ್ಯ ಎಂದಷ್ಟೇ ಹೇಳಿಕೊಂಡಿದ್ದಾರೆ. ಒಟ್ಟಾರೆ ಈ ಜೋಡಿ ಸದ್ಯ ಮುಂಬೈ ನ್ಯಾಯಾಲಯಕ್ಕೆ ವಿಚ್ಚೇದನ ಅರ್ಜಿಯನ್ನು ಸಲ್ಲಿಸಿದ್ದಾರೆ.
ಇನ್ನು ಸಲ್ಮಾನ್ ಖಾನ್ ಮನೆಯಲ್ಲಿ ಇದು ಎರಡನೇ ವಿಚ್ಚೇದನ ಪ್ರಕರಣ ಆಗಿದೆ. ಈ ಮೊದಲು ಸಲ್ಮಾನ್ ಮತ್ತೊಬ್ಬ ಸಹೋದರ ಅರ್ಬಾಜ್ ಖಾನ್, ಮಲೈಕಾ ಅರೋರಾ ಅವರೊಂದಿಗಿನ 21 ವರ್ಷಗಳ ದಾಂಪತ್ಯ ಜೀವನವನ್ನು ಮುರಿದು ಪರಸ್ಪರ ಒಪ್ಪಿಗೆ ಮೇರೆಗೆ ವಿಚ್ಚೇದನ ಪಡೆದಿದ್ದರು. ಇದೀಗ ಇಬ್ಬರು ಬೇರೆ ಬೇರೆಯಾಗಿದ್ದರು. ಸದ್ಯ ಮಲೈಕಾ ಅರೋರಾ ತಮಗಿಂತ ವಯಸ್ಸಿನಲ್ಲಿ ಚಿಕ್ಕವನಾದ ಅರ್ಜುನ್ ಕಪೂರ್ ಜತೆ ಲಿವಿಂಗ್ನಲ್ಲಿದ್ದಾರೆ. ಇತ್ತ ಅರ್ಬಾಜ್ ಕೂಡ ಗೆಳತಿ ಜತೆ ಕಾಲ ಕಳೆಯುತ್ತಿದ್ದಾರೆ. ಈ ದಂಪತಿಗೂ ಒಬ್ಬ ಮಗನಿದ್ದೂ ಈತ ವಿದೇಶದಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದಾನೆ.
ಇನ್ನು ಮಲೈಕಾ ಅರೋರಾ ಕೂಡ ಸದ್ಯದಲ್ಲೇ ಅರ್ಜುನ್ ಕಪೂರ್ನೊಂದಿಗೆ ಮದುವೆಯಾಗುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ. ಒಟ್ಟಾರೆ ಸಲ್ಮಾನ್ ಖಾನ್ ಮನೆಯಲ್ಲಿ ಇದು ಎರಡನೇ ವಿಚ್ಚೇದನ ಪ್ರಕರಣವಾಗಿದೆ. (ಏಜೆನ್ಸೀಸ್)