ಮುಂಬೈ: ವಿದ್ಯುತ್ ವಲಯಕ್ಕೆ ಸಂಬಂಧಿಸಿದ ಕಂಪನಿ- ಜೈಪ್ರಕಾಶ್ ಪವರ್ ವೆಂಚರ್ಸ್ ಲಿಮಿಟೆಡ್ (ಜೆಪಿ ಪವರ್ Jaiprakash power Ltd.) ಮಾರ್ಚ್ ತ್ರೈಮಾಸಿಕ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ಈ ತ್ರೈಮಾಸಿಕದಲ್ಲಿ ಕಂಪನಿಯ ಲಾಭ ಹೆಚ್ಚಾಗಿದೆ. ತ್ರೈಮಾಸಿಕ ಫಲಿತಾಂಶಗಳ ಪ್ರಕಟಣೆಯ ಹಿನ್ನೆಲೆಯಲ್ಲಿ ಹೂಡಿಕೆದಾರರು ಮಂಗಳವಾರ ಜೈಪ್ರಕಾಶ್ ಪವರ್ ಷೇರುಗಳ ಮೇಲೆ ಮುಗಿಬಿದ್ದರು. ವಾರದ ಎರಡನೇ ವಹಿವಾಟಿನ ದಿನದಲ್ಲಿ ಈ ಸ್ಟಾಕ್‌ ಬೆಲೆ 5% ಏರಿಕೆ ಕಂಡಿತು. ಈ ಮೂಲಕ ಅಪ್ಪರ್ ಸರ್ಕ್ಯೂಟ್ ಹಿಟ್ ಆಗಿ ಈ ಷೇರಿನ ಬೆಲೆ 19.99 ರೂ.ಗೆ ತಲುಪಿತು.
ಫೆಬ್ರವರಿ 12, 2024 ರಂದು ಈ ಷೇರಿನ ಬೆಲೆ ರೂ 23.99 ತಲುಪಿತ್ತು. ಇದು ಈ ಷೇರಿನ 52 ವಾರಗಳ ಗರಿಷ್ಠ ಬೆಲೆಯಾಗಿದೆ. ಮೇ 2023 ರಲ್ಲಿ ಈ ಷೇರಿನ ಬೆಲೆ 5.57 ರೂ. ತಲುಪಿತ್ತು. ಇದು ಈ ಷೇರಿನ 52 ವಾರಗಳ ಕನಿಷ್ಠ ಬೆಲೆಯಾಗಿದೆ. ಈ ವಿದ್ಯುತ್ ಕಂಪನಿಯ ಷೇರುಗಳ ಬೆಲೆ ಜನವರಿ 4, 2008 ರಂದು 137 ರೂ. ಮುಟ್ಟಿತ್ತು. ಕಂಪನಿಯ ಷೇರುಗಳ ಬೆಲೆ ಮಾರ್ಚ್ 2020 ರಲ್ಲಿ ಶೇಕಡಾ 99 ಕ್ಕಿಂತ ಹೆಚ್ಚು ಕುಸಿದು 60 ಪೈಸೆ ತಲುಪಿತ್ತು.
ನಷ್ಟದಿಂದ ಲಾಭದತ್ತ ಕಂಪನಿ:
2024 ಮಾರ್ಚ್ಗೆ ಮುಕ್ತಾಯಗೊಂಡ ತ್ರೈಮಾಸಿಕದಲ್ಲಿ ಜೈಪ್ರಕಾಶ್ ಪವರ್ ವೆಂಚರ್ಸ್ ಲಿಮಿಟೆಡ್ನ ಲಾಭ 588.79 ಕೋಟಿ ರೂ. ಆಗಿದೆ. ಕಂಪನಿಯ ಲಾಭವು ಮುಖ್ಯವಾಗಿ ಆದಾಯದ ಹೆಚ್ಚಳದಿಂದ ಬಂದಿದೆ. ಮಾರ್ಚ್ 31, 2023ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಕಂಪನಿಯು ರೂ 43.99 ಕೋಟಿ ನಷ್ಟವನ್ನು ಅನುಭವಿಸಿತ್ತು. ಮಾರ್ಚ್ ತ್ರೈಮಾಸಿಕದಲ್ಲಿ ಕಂಪನಿಯ ಒಟ್ಟು ಆದಾಯ 1,863.63 ಕೋಟಿ ರೂ.ಗೆ ಏರಿಕೆಯಾಗಿದೆ. ಇದು 2022-23 ರ ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ ಒಂದು ವರ್ಷದ ಹಿಂದಿನ ಅವಧಿಗೆ ಇದು 1,385.41 ಕೋಟಿ ರೂ. ಇತ್ತು. ಇದರ ನಿವ್ವಳ ಲಾಭವು 2023-24 ರ ಸಂಪೂರ್ಣ ಹಣಕಾಸು ವರ್ಷದಲ್ಲಿ 1,021.95 ಕೋಟಿ ರೂ. ಆಗಿದೆ. ಈ ಹಿಂದೆ 2022-23ರ ಹಣಕಾಸು ವರ್ಷದಲ್ಲಿ ಈ ಲಾಭವು 55.42 ಕೋಟಿ ರೂ. ಇತ್ತು. ಹಣಕಾಸು ವರ್ಷದಲ್ಲಿ ಒಟ್ಟು ಆದಾಯವು 7,151.29 ಕೋಟಿ ರೂ.ಗೆ ಏರಿಕೆಯಾಗಿದ್ದು, ಒಂದು ವರ್ಷದ ಹಿಂದೆ ಇದು 5,922.15 ಕೋಟಿ ರೂ. ಇತ್ತು.
ದಾಖಲೆ ಬೆಲೆ ಮುಟ್ಟಿದ ಟಾಟಾ ಷೇರು: ಬೇಸಿಗೆ ಕಾಲದಲ್ಲಿ ಬೇಡಿಕೆಯಿಂದ ಇನ್ನಷ್ಟು ಏರಿಕೆಯ ನಿರೀಕ್ಷೆ