ಕರುಣಾಕರನದು ಚಿತ್ರರಂಗದಲ್ಲಿ ಸಹಾಯಕ ನಿರ್ದೇಶಕನ ಕೆಲಸ. ಸಿನಿಮಾನೇ ಉಸಿರುವ ಅಂತ ಬದುಕುವಾತನಿಗೆ ಪತ್ನಿ ಮಮತಾ (ರಾಧಾ) ಮತ್ತು ಮಗ ಅಪ್ಪುನೇ (ಭವಿಷ್) ಪ್ರಪಂಚ. ಶೂಟಿಂಗ್ ಇದ್ದಾಗ ಕೆಲಸ, ದುಡ್ಡು. ಇಲ್ಲದಿದ್ದಾಗ ಖಾಲಿ ಕೈ. ಹೀಗಾಗಿಯೇ ಹೊಸ ಹೊಸ ಕಥೆ ಬರೆಯುವುದು, ನಿರ್ಮಾಪಕರನ್ನು ಹುಡುಕುವುದರ ಜತೆಗೆ ಪೇಂಟಿಂಗ್ ಕೆಲಸ ಕೂಡ ಮಾಡುತ್ತಿರುತ್ತಾನೆ. ಅದರ ನಡುವೆಯೇ ಅಪ್ಪು, ಅಪ್ಪನ ಬಳಿ ಕಾರು ಕೇಳುತ್ತಾನೆ. ಮಗ ಆಸೆಪಟ್ಟು ಕೇಳಿದ ಕಾರಿಗೆ ₹50 ಸಾವಿರ ಬೆಲೆ. ಆ ಹಣ ಹೊಂದಿಸಲು ಹೋರಾಡುತ್ತಿರುವಾಗಲೇ, ಕರುಣಾಕರ ಹೇಳುವ ಕಥೆ ಓಕೆ ಆಗುತ್ತದೆ. ಆದರೆ, ಕರುಣಾಕರನಿಗೆ ಕೆಲಸ ಕೊಟ್ಟ ನಿರ್ದೇಶಕನಿಗೆ ಅದನ್ನು ಸಹಿಸಲಾಗುವುದಿಲ್ಲ. ಚಪ್ಪಲಿಯಲ್ಲಿ ಹೊಡೆದು ತಂಡದಿಂದ ಹೊರಗಿಡುತ್ತಾನೆ. ಮುಂದೆ? ಆ ಕರುಣಾಕರ ನಿರ್ದೇಶಕನಾಗುತ್ತಾನಾ? ಅಪ್ಪನ ಸಿನಿಮಾ ಕನಸು, ಮಗನ ಕಾರಿನ ಕನಸು ನೆರವೇರುತ್ತಾ? "ನಾನು ಕರುಣಾಕರ'ನ ಕಥೆ-ವ್ಯಥೆ ನೋಡಿ.
_1775312284177.webp?w=480&auto=format%2Ccompress&fit=max)
