ಬೆಂಗಳೂರು: ಕನ್ನಡದ ‘ಕನ್ಯಾದಾನ’ ಧಾರಾವಾಹಿ ಜತೆಗೆ ‘ಭೀಮ’ ಸಿನಿಮಾದಲ್ಲಿ ಅಭಿನಯಿಸಿದ್ದ ಪ್ರಕೃತಿ ಸೌಂದರ್ಯ ದಸರಾ ಆಚರಣೆಯಲ್ಲಿ ಬಿಜಿಯಾಗಿದ್ದಾರೆ. ಒಂಬತ್ತು ದಿನಗಳ ಕಾಲ ಕಠಿಣ ವ್ರತದ ಜತೆಗೆ ಪ್ರತಿ ದಿನ ಬನಶಂಕರಿ ದೇವಿಯ ದೇವಸ್ಥಾನದಲ್ಲಿ ಅಖಂಡ ಜ್ಯೋತಿ ಹಚ್ಚುವ ಮೂಲಕ ಹಬ್ಬ ಆಚರಿಸುತ್ತಿದ್ದಾರೆ. ಹಬ್ಬದ ವಿಶೇಷತೆ ಬಗ್ಗೆ ಪ್ರಕೃತಿ, ‘ಮನೆಯಲ್ಲಿ ನವರಾತ್ರಿ ಹಬ್ಬವನ್ನು ಪ್ರತಿ ವರ್ಷದಂತೆ ಈ ಬಾರಿ ಕೂಡ ವಿಜೃಂಭಣೆಯಿಂದ ಆಚರಿಸುತ್ತಿದ್ದೇವೆ. ಒಂಬತ್ತು ದಿನಗಳ ಕಾಲ ಬೆಳಗಿನ ಜಾವ ನಾಲ್ಕೂವರೆ ಒಳಗೆ ಎದ್ದು ಪೂಜೆ ಮಾಡುತ್ತೇನೆ. ಬಳಿಕ ಬನಶಂಕರಿ ದೇವಸ್ಥಾನಕ್ಕೆ ತೆರಳಿ ಅಲ್ಲಿ ಅಖಂಡ ಜ್ಯೋತಿ ಬೆಳಗಿ, ಲಲಿತ ಸಹಸ್ರನಾಮ ಪಠಿಸುತ್ತೇನೆ. ಹಾಗೇ ನಾನು ದಸರಾ ಹಬ್ಬದ ವೇಳೆ ಚಪ್ಪಲಿ ಧರಿಸುವುದಿಲ್ಲ. ಸಾತ್ವಿಕ ಆಹಾರ ಸೇವಿಸುತ್ತೇನೆ.
