ಕರ್ನಾಟಕ ನಗರ ಮೂಲಸೌಕರ್ಯ ಅಭಿವೃದ್ಧಿ ಮತ್ತು ಹಣಕಾಸು ನಿಗಮ ನಿಯಮಿತದಲ್ಲಿ (ಕೆಯುಐಡಿಎಫ್ಸಿ) ಗುತ್ತಿಗೆ ಆಧಾರದ ಮೇಲೆ ವಿವಿಧ 10 ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿ ಅಧಿಸೂಚನೆ ಹೊರಡಿಸಲಾಗಿದೆ. ಆನ್ಲೈನ್ ಅರ್ಜಿ ಸಲ್ಲಿಕೆಗೆ ಮಾತ್ರ ಅವಕಾಶವಿದ್ದು, ಅರ್ಜಿಯು ಕೆಯುಐಡಿಎಫ್ಸಿ ವೆಬ್ಸೈಟ್ನಲ್ಲಿ ಲಭ್ಯವಿದೆ. ಒಬ್ಬ ಅಭ್ಯರ್ಥಿ ಒಂದು ಹುದ್ದೆಗೆ ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರಾಗಿದ್ದು, ಗರಿಷ್ಠ 62 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ.
ಅಭ್ಯರ್ಥಿಗಳ ಪದವಿ/ ಸ್ನಾತಕೋತ್ತರ/ ಇಂಜಿನಿಯರಿಂಗ್ ಇತ್ಯಾದಿ ವಿದ್ಯಾಭ್ಯಾಸಕ್ಕೆ ಸಂಬಂಧಿಸಿದ ಅಂಕಪಟ್ಟಿ/ ಪದವಿ ಪತ್ರಗಳ ನೈಜತೆ ಪರಿಶೀಲನೆಗಾಗಿ ಸಂಬಂಧಿಸಿದ ವಿಶ್ವವಿದ್ಯಾಲಯಗಳಿಗೆ ಕಳುಹಿಸಲಾಗುವುದು. ಪರಿಶೀಲನಾ ವೆಚ್ಚವನ್ನು ಆಯ್ಕೆಯಾದ ಅಭ್ಯರ್ಥಿಗಳು ಭರಿಸತಕ್ಕದ್ದು ಎಂದು ಸೂಚಿಸಲಾಗಿದೆ. ಪ್ರತಿ ಹುದ್ದೆಗೂ ಪ್ರತ್ಯೇಕ ಅಧಿಸೂಚನೆ ನೀಡಿದ್ದು, ವಿದ್ಯಾರ್ಹತೆ, ವೃತ್ತಿ ಅನುಭವ ಹಾಗೂ ಇತರ ಮಾಹಿತಿಗಳ ಜತೆ ಅರ್ಜಿ ಸಲ್ಲಿಕೆ ಲಿಂಕ್ ಅನ್ನು ನೀಡಲಾಗಿದೆ.
ಹುದ್ದೆ ವಿವರ
* ಸಹಾಯಕ ಪ್ರಧಾನ ವ್ಯವಸ್ಥಾಪಕ (ಎಬಿಡಿ) ಯೋಜನಾ ಹಣಕಾಸು ವಿಭಾಗ – 1
* ಉಪ ಪ್ರಧಾನ ವ್ಯವಸ್ಥಾಪಕ/ ಸಹಾಯಕ ಪ್ರಧಾನ ವ್ಯವಸ್ಥಾಪಕ (ಟ್ರಸ್ಟ್) ಕೆಡಬ್ಲ್ಯುಎಸ್ಪಿಎ್ ಟ್ರಸ್ಟ್ ವಿಭಾಗ – 1
* ವ್ಯವಸ್ಥಾಪಕರು (ಮಾಧ್ಯಮ ಮತ್ತು ಸಾರ್ವಜನಿಕ ಸಂಪರ್ಕ) – 1
* ಸಹಾಯಕ ವ್ಯವಸ್ಥಾಪಕರ (ಮೆಗಾಸಿಟಿ) ಹಣಕಾಸು ಮತ್ತು ಲೆಕ್ಕಪತ್ರ ವಿಭಾಗ – 1
* ಸಹಾಯಕ ವ್ಯವಸ್ಥಾಪಕರ (ಮಾನವ ಸಂಪನ್ಮೂಲ) ಆಡಳಿತ ವಿಭಾಗ – 1
* ಶೀಘ್ರಲಿಪಿಗಾರರು (ಕಾರ್ಯನಿರ್ವಾಹಕ ಸಹಾಯಕರು)- 3
* ಕಿರಿಯ ಕಾರ್ಯನಿರ್ವಾಹಕ ಸಹಾಯಕರು, ಆಡಳಿತ ವಿಭಾಗ – 2
ಶೈಕ್ಷಣಿಕ ಅರ್ಹತೆ: ಹುದ್ದೆಗಳಿಗೆ ಅನುಗುಣವಾಗಿ ಕಮರ್ಷಿಯಲ್ ಪ್ರಾಕ್ಟೀಸ್ (ಕನ್ನಡ)ದಲ್ಲಿ ಡಿಪ್ಲೊಮಾ/ ಪದವಿ ಜತೆ ಕನ್ನಡ ಶಾರ್ಟ್ಹ್ಯಾಂಡ್ ಆ್ಯಂಡ್ ಟೈಪಿಂಗ್ (ಸೀನಿಯರ್ ಗ್ರೇಡ್), ಕಂಪ್ಯೂಟರ್ ಸಟಿರ್ಫಿಕೇಟ್ ಕೋರ್ಸ್, ಯಾವುದೇ ಪದವಿ, ಸಿಎ/ ಐಸಿಡಬ್ಲ್ಯುಎ/ ಎಂಕಾಂ/ ಎಂಬಿಎ ಪದವಿ ಮಾಡಿರಬೇಕು. ಕನ್ನಡದಲ್ಲಿ ಓದಲು, ಬರೆಯಲು, ಮಾತನಾಡಲು ತಿಳಿದಿರಬೇಕು. ಎಲ್ಲ ಹುದ್ದೆಗಳಿಗೂ ವೃತ್ತಿ ಅನುಭವ ಕೇಳಲಾಗಿದೆ.
ವೇತನ: ಹುದ್ದೆಗಳಿಗೆ ಅನುಗುಣವಾಗಿ ಮಾಸಿಕ 31,044 ರೂ.ನಿಂದ 89,822 ರೂ. ವೇತನ ಇದೆ.
ಹುದ್ದೆಗಳ ದರ್ಜೆಗೆ ಅನ್ವಯವಾಗುವಂತೆ ಭತ್ಯೆಗಳಿರುತ್ತದೆ.
ಆಯ್ಕೆ ಪ್ರಕ್ರಿಯೆ: ಅಭ್ಯರ್ಥಿಗಳ ವಿದ್ಯಾರ್ಹತೆ, ಮೆರಿಟ್, ವೃತ್ತಿ ಅನುಭವ ಆಧಾರದ ಮೇಲೆ ಮೌಖಿಕ ಸಂದರ್ಶನ ನಡೆಸಿ ಆಯ್ಕೆ ಮಾಡಲಾಗುವುದು.
ಅರ್ಜಿ ಸಲ್ಲಿಸಲು ಕೊನೇ ದಿನ: 29.7.2021
ಅಧಿಸೂಚನೆಗೆ: http://www.kuidfc.com/careers/#!
ಮಾಹಿತಿಗೆ: http://www.kuidfc.com
ಬಿಎಸ್ವೈ ಚಮಚ ಅಲ್ಲದಿರೋದೇ ದೊಡ್ಡ ಸಮಸ್ಯೆ- ಅದಕ್ಕೇ ಇಲ್ಲಸಲ್ಲದ ಪಿತೂರಿ ಎಂದ ಸುಬ್ರಮಣಿಯನ್ ಸ್ವಾಮಿ
ಉತ್ತಮ ಉದ್ಯೋಗಿಗಳಿಗೆ ಬೆಂಜ್ ಕಾರ್ ಗಿಫ್ಟ್: ಕೋವಿಡ್ ನಡುವೆಯೂ ಉಡುಗೊರೆಗಳ ಮಹಾಪೂರ