ಬೆಂಗಳೂರು: ಅಪ್ರಾಪ್ತ ಮಕ್ಕಳ ಕೈಯಲ್ಲಿ ಸ್ಮಾರ್ಟ್ಫೋನ್ ಕೊಡಬಾರದು ಎಂದು ಹೇಳಲಾಗುತ್ತಿದ್ದರೂ, ಇದೀಗ ಅದು ಅಸಾಧ್ಯವಾದ ಮಾತೇ ಆಗಿಬಿಟ್ಟಿದೆ. ಅದರಲ್ಲಿಯೂ ಆನ್ಲೈನ್ ಕ್ಲಾಸ್ ಬಂದ ಮೇಲಂತೂ ಮಕ್ಕಳಿಗೆ ಸ್ಮಾರ್ಟ್ಫೋನ್ ಅಗತ್ಯವಾಗಿಬಿಟ್ಟಿದೆ.
ಆದರೆ ಇದೇ ವಿಷಯವನ್ನು ದುರ್ಬಳಕೆ ಮಾಡಿಕೊಂಡಿರುವ ಹಲವು ಮಕ್ಕಳು ತಮ್ಮ ಹುಟ್ಟಿದ ದಿನವನ್ನು ಹೆಚ್ಚು ಮಾಡಿಕೊಂಡು ಫೇಸ್ಬುಕ್ ಸೇರಿದಂತೆ ಇತರ ಜಾಲತಾಣದಲ್ಲಿ ಖಾತೆ ತೆಗೆಯುತ್ತಿದ್ದಾರೆ. 18 ವರ್ಷ ವಯಸ್ಸಾದಂತೆ ಬಿಂಬಿಸಿ ಪಾಲಕರ ಗಮನಕ್ಕೂ ಬಾರದೇ (ಕೆಲವೊಮ್ಮೆ ಇದು ಪಾಲಕರಿಗೆ ತಿಳಿದಿದ್ದರೂ ಸುಮ್ಮನಾಗುತ್ತಾರೆ!) ಖಾತೆ ತೆರೆದಿದ್ದಾರೆ. ಕೆಲವು ತಾಣಗಳಿಗೆ ವಯಸ್ಸಿನ ಮಿತಿ ಇರುವುದಿಲ್ಲ. ಅದರಲ್ಲಿಯೂ ಅಪ್ರಾಪ್ತೆಯರು ಆ್ಯಕ್ಟೀವ್ ಇರುತ್ತಾರೆ.
ತಮ್ಮ ಮಕ್ಕಳು ಅದರಲ್ಲಿಯೂ ಹೆಣ್ಣುಮಕ್ಕಳು ಜಾಲತಾಣದಲ್ಲಿ ಏನು ಮಾಡುತ್ತಾರೆ ಎಂದು ಪಾಲಕರಿಗೂ ತಿಳಿಯುತ್ತೋ, ಬಿಡತ್ತೋ, ಆದರೆ ಇಂಥ ಕಾಮುಕರಿಗಂತೂ ಸದಾ ಅವರ ಮೇಲೆ ಕಣ್ಣಿರುತ್ತದೆ.
ಅಂಥದ್ದೇ ಒಬ್ಬ ಕಾಮುಕ ಈ ಚಿತ್ರದಲ್ಲಿ ಇರುವಾತ. ಬೆಂಗಳೂರಿನ ಕಾಡುಗೋಡಿ ನಿವಾಸಿ ಜಗದೀಶ್ ಎಂಬುದು ಈತನ ಹೆಸರು. ಈತನ ಟಾರ್ಗೆಟ್ ಸಾಮಾಜಿಕ ಜಾಲತಾಣದಲ್ಲಿ ಇರುವ ಬಾಲಕಿಯರನ್ನು ಟಾರ್ಗೆಟ್ ಮಾಡುವುದು.
ಇದನ್ನೂ ಓದಿ: ಒಮ್ಮೊಮ್ಮೆ ಇಂಥ ವಿಚಿತ್ರವೂ ಆಗುತ್ತೆ! ಎಮ್ಮೆಯೇ ಬಂದು ಜಗಳ ಬಗೆಹರಿಸಿತು…
ಯುವತಿಯರ ಹೆಸರಿಲ್ಲಿ ನಕಲಿ ಇನ್ಸ್ಟಾಗ್ರಾಮ್ ಅಕೌಂಟ್ ತೆರೆದು ಈತ ಬಾಲಕಿಯರ ಮೇಲೆ ಕಣ್ಣಿಡುತ್ತಿದ್ದ. ಅವರನ್ನೇ ಟಾರ್ಗೆಟ್ ಮಾಡುತ್ತಿದ್ದ. ಬೆತ್ತಲೆ ಫೋಟೋಗೆ ಡಿಮಾಂಡ್ ಮಾಡುತ್ತಿದ್ದ. ಕೆಲವರು ಈತನ ಬಗ್ಗೆ ತಿಳಿಯದೇ ಫೋಟೋ ಕಳಿಸಿದ್ದೂ ಇದೆ.
ನಂತರ ಅದೇ ಫೋಟೋ ಇಟ್ಟುಕೊಂಡು ಬ್ಲ್ಯಾಕ್ಮೇಲ್ ಮಾಡುತ್ತಿದ್ದ. ನಂತರ ಅವರ ನಂಬರ್ ಪಡೆದು ಫೋಟೋ ಕಳುಹಿಸಿ ತನ್ನ ಕಾಮುಕತನ ತೋರಿಸುತ್ತಿದ್ದ.
ಇದೀಗ ಈತನ ವಿರುದ್ಧ ದೂರು ದಾಖಲಾಗಿದೆ. ಆರೋಪಿ ಪತ್ತೆಗಾಗಿ ವಿಶೇಷ ತಂಡ ರಚಿಸಿರುವ ಪೊಲೀಸರು ಕೊನೆಗೂ ಈತನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಬಿಜೆಪಿ ಟಿಕೆಟ್ ಬಿಕ್ಕಟ್ಟು ಶಮನ- ಅಧಿಕೃತ ಅಭ್ಯರ್ಥಿಗಳ ಪಟ್ಟಿ ಇಂದು ಬಿಡುಗಡೆ?
ಉಸಿರಾಟದ ಸಮಸ್ಯೆ: ರಾಷ್ಟ್ರಪತಿ ಪದಕ ಪುರಸ್ಕೃತ ನಿವೃತ್ತ ಎಸ್ಪಿ ನೂರುಲ್ಲಾ ವಿಧಿವಶ