ಸ್ವಾಮಿ ನಿತ್ಯಾನಂದನ ಸುಳಿವೇ ಇಲ್ಲ; ಸರ್ಚ್​ ವಾರೆಂಟ್​ ಜಾರಿ ಮಾಡಿದ ರಾಮನಗರ ಜಿಲ್ಲಾ ಕೋರ್ಟ್​

ರಾಮನಗರ: ಅತ್ಯಾಚಾರ ಪ್ರಕರಣದ ಆರೋಪ ಹೊತ್ತಿರುವ ಬಿಡದಿಯ ನಿತ್ಯಾನಂದ ಸ್ವಾಮಿ ವಿರುದ್ಧ 3ನೇ ಜಿಲ್ಲಾ ಸತ್ರ ನ್ಯಾಯಾಲಯ ಸರ್ಚ್​ ವಾರೆಂಟ್​ ಜಾರಿ ಮಾಡಿದೆ.

ಫೆ.19ರಂದು ಸ್ವಾಮಿ ನಿತ್ಯಾನಂದನ ವಿರುದ್ಧ ಅರೆಸ್ಟ್ ವಾರೆಂಟ್​ ಜಾರಿಯಾಗಿತ್ತು. ಆದರೆ ನಿತ್ಯಾನಂದ ಎಲ್ಲಿದ್ದಾನೆ ಎಂಬ ಮಾಹಿತಿಯೇ ಇಲ್ಲದೆ ಕಾರಣ ಮೂವರು ಸಿಒಡಿ ಅಧಿಕಾರಿಗಳನ್ನೊಳಗೊಂಡ ತಂಡ ನ್ಯಾಯಾಲಯಕ್ಕೆ ಮನವಿ ಮಾಡಿತ್ತು.

ಅಧಿಕಾರಿಗಳ ಮನವಿಗೆ ಸ್ಪಂದಿಸಿದ ರಾಮನಗರ 3ನೇ ಜಿಲ್ಲಾ ಸತ್ರ ನ್ಯಾಯಾಧೀಶ ಸಿದ್ದಲಿಂಗ ಪ್ರಭು, ಸರ್ಚ್​ ವಾರೆಂಟ್​ ಜಾರಿ ಮಾಡಿದ್ದಾರೆ. ಈ ವಾರೆಂಟ್​ಗೆ ಯಾವುದೇ ಕಾಲಮಿತಿ ಇಲ್ಲ. ಅಷ್ಟೇ ಅಲ್ಲದೆ, ನಿತ್ಯಾನಂದನಿಗೆ ಜಾಮೀನು ನೀಡಿದ್ದ ವ್ಯಕ್ತಿಯನ್ನು ಬಂಧಿಸುವಂತೆ ಕೋರ್ಟ್​ ಆದೇಶ ನೀಡಿದೆ.