ಮುಂಬೈ: ರಿತೇಶ್ ಎಂಬ ಲಂಡನ್ ಉದ್ಯಮಿಯನ್ನು ನಟಿ ಮತ್ತು ಬಿಗ್ ಬಾಸ್ ಸ್ಪರ್ಧಿ ರಾಖಿ ಸಾವಂತ್ ಕೆಲವು ವರ್ಷಗಳ ಹಿಂದೆ ಮದುವೆಯಾಗಿರುವುದು ಎಲ್ಲರಿಗೂ ಗೊತ್ತೇ ಇದೆ. ಆತ ಯಾರು, ಹೇಗಿದ್ದಾರೆ ಎಂದು ಯಾರಿಗೂ ಗೊತ್ತಿಲ್ಲ. ಏಕೆಂದರೆ, ರಿತೇಶ್ ಇದುವರೆಗೂ ಬಹಿರಂಗವಾಗಿ ಹೊರಗೆ ಬಂದು ತಾನು ರಾಖಿ ಗಂಡನೆಂದು ಹೇಳಿಕೊಂಡಿಲ್ಲ. ಕಾರಣ, ರಿತೇಶ್ಗೆ ಈಗಾಗಲೇ ಒಂದು ಮದುವೆಯಾಗಿದ್ದು ಮತ್ತು ರಾಖಿ ತನ್ನ ಎರಡನೇ ಪತ್ನಿ ಎಂದು ಹೇಳಿಕೊಂಡರೆ ಸಾಂಸಾರಿಕವಾಗಿ ಸಮಸ್ಯೆಯಾಗುತ್ತದೆ ಎಂಬ ಕಾರಣಕ್ಕೆ ರಿತೇಶ್, ರಾಖಿ ಜತೆಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲ.
ಇದನ್ನೂ ಓದಿ: ಯಶ್ ಅವರದ್ದು ಬದಲಾಗದ ವ್ಯಕ್ತಿತ್ವ; ರಾಕಿಂಗ್ ಸ್ಟಾರ್ ಗುಣಗಾನ ಮಾಡಿದ ಡಿಎಸ್ಪಿ..
ಈ ಬಗ್ಗೆ ರಾಖಿಗೂ ಸಾಕಷ್ಟು ಬೇಸರವಿದೆ ಮತ್ತು ಮುಂದಿನ ದಿನಗಳಲ್ಲಿ ಆತ ಬಹಿರಂಗವಾಗಿ ತನ್ನನ್ನು ಮದುವೆಯಾಗಿದ್ದನ್ನು ಒಪ್ಪಿಕೊಳ್ಳದಿದ್ದರೆ, ಆತನಿಂದ ದೂರವಾಗುವುದರ ಜತೆಗೆ, ಆತ ಯಾರು ಎಂದು ಬಹಿರಂಗಪಡಿಸುವುದಾಗಿ ಹೇಳಿಕೊಂಡಿದ್ದರು. ರಿತೇಶ್ ಬಗ್ಗೆ ಇಷ್ಟೆಲ್ಲ ಗೊತ್ತಿದ್ದರೂ, ಆತನನ್ನು ರಾಖಿ ಮದುವೆಯಾಗಿದ್ದೇಕೆ ಎಂಬ ಪ್ರಶ್ನೆ ಸಹಜ. ಅದಕ್ಕೂ ಕಾರಣವಿದೆ. ಡಾನ್ ಒಬ್ಬನಿಂದ ತಪ್ಪಿಸಿಕೊಳ್ಳುವುದಕ್ಕೆ ರಿತೇಶ್ನನ್ನು ಮದುವೆಯಾಗಿದ್ದಾಗಿ ರಾಖಿ ಇದೀಗ ಹೇಳಿಕೊಂಡಿದ್ದಾರೆ.
ಕೆಲವು ವರ್ಷಗಳ ಹಿಂದೆ ಗುಜರಾತ್ನ ಡಾನ್ ಒಬ್ಬ ರಾಖಿ ಹಿಂದೆ ಬಿದ್ದಿದ್ದನಂತೆ. ತನ್ನನ್ನು ಮದುವೆಯಾಗುವುದಕ್ಕೆ ಪೀಡಿಸುತ್ತಿದ್ದನಂತೆ. ಅವನಿಂದ ದೂರವಾಗುವುದು ಹೇಗೆ ಎಂದು ಮಾರ್ಗ ಹುಡುಕುತ್ತಿದ್ದಾಗ, ಅದೊಮ್ಮೆ ಯಾವುದೋ ಕಾರಣಕ್ಕೆ ರಾಖಿಗೆ ರಿತೇಶ್ ಫೋನ್ ಮಾಡಿದ್ದರಂತೆ. ಆಗ ತನಗೊಬ್ಬ ಒಳ್ಳೆಯ ಹುಡುಗನನ್ನು ಹುಡುಕು, ತಾನು ಮದುವೆಯಾಗಬೇಕು ಎಂದು ರಿತೇಶ್ಗೆ ರಾಖಿ ಹೇಳಿದ್ದರಂತೆ. ಅದು ಏನೇನೋ ಆಗಿ, ಕೊನೆಗೆ ರಿತೇಶ್ನನ್ನೇ ಕೈಡಿಯಬೇಕಿದೆ. ಡಾನ್ನಿಂದ ತಪ್ಪಿಸಿಕೊಳ್ಳುವುದಕ್ಕೆ ಹೋದ ರಾಖಿ, ಇದೀಗ ಇನ್ನೊಂದು ಸಮಸ್ಯೆಗೆ ಸಿಲುಕಿದ್ದಾರೆ.
ಇದನ್ನೂ ಓದಿ: ಕೋವಿಡ್ ಕಷ್ಟಕಾಲದಲ್ಲಿ ದತ್ತು ಪಡೆದ ಗ್ರಾಮದ ಜನರಿಗೆ ಮಹೇಶ್ ಬಾಬು ವಿಶೇಷ ಸೇವೆ
ಈ ಮಧ್ಯೆ, ರಿತೇಶ್, ರಾಖಿ ಜತೆಗೆ ಬಹಿರಂಗವಾಗಿ ಕಾಣಿಸಿಕೊಳ್ಳುವುದಕ್ಕೆ ಒಪ್ಪಿಕೊಂಡಿದ್ದರೂ, ಸದ್ಯಕ್ಕೆ ಲಾಕ್ಡೌನ್ ಇರುವುದರಿಂದ ಲಂಡನ್ ಬಿಟ್ಟು ಮುಂಬೈಗೆ ಬರುವುದಕ್ಕೆ ಆಗುವುದಿಲ್ಲ ಎಂದು ಅಸಹಾಯಕತೆ ವ್ಯಕ್ತಪಡಿಸಿದ್ದಾರಂತೆ. ಒಂದು ಪಕ್ಷ ಮುಂದಿನ ದಿನಗಳಲ್ಲಿ ಅದು ಸಾಧ್ಯವಾಗದಿದ್ದರೆ, ರಿತೇಶ್ನಿಂದ ದೂರವಾಗುವುದಷ್ಟೇ ಅಲ್ಲ, ಇನ್ನೆಂದೂ ಮದುವೆಯಾಗುವುದಿಲ್ಲ ಎಂದು ಶಪಥ ಮಾಡಿದ್ದಾರೆ.
ಸ್ಟ್ರೇಟ್ ಫಾರ್ವರ್ಡ್ ಪ್ರಿಯಾಂಕಾ; ಬಿಗ್ ಬಾಸ್ನ ಕಿರುಪಯಣ ನೆನೆದ ಪಟಾಕಿ ಸುಂದರಿ