ಬೆಂಗಳೂರು: ಕಳೆದ ಜುಲೈ 28ರಂದು ಪಂಚ ಭಾಷೆಗಳಲ್ಲಿ ತೆರೆಗೆ ಬಂದಿತ್ತು ಪ್ಯಾನ್ ಇಂಡಿಯಾ ಚಿತ್ರ “ವಿಕ್ರಾಂತ್ ರೋಣ’. ಕಿಚ್ಚ ಸುದೀಪ್ ಅಭಿನಯದ, ಅನೂಪ್ ಭಂಡಾರಿ ನಿರ್ದೇಶನದ ಈ ಫ್ಯಾಂಟಸಿ ಲೋಕವನ್ನು ಥ್ರೀಡಿಯಲ್ಲಿ ನೋಡಿ ಪ್ರೇಕ್ಷಕರು ಸಂಭ್ರಮಿಸಿದ್ದರು. ಗಲ್ಲಾಪೆಟ್ಟಿಗೆಯಲ್ಲಿ ಧೂಳೆಬ್ಬಿಸಿದ್ದ ವಿಕ್ರಾಂತ್ ರೋಣ 200 ಕೋಟಿ ರೂಪಾಯಿಗು ಅಧಿಕ ಗಳಿಕೆ ಮಾಡಿದ್ದು, ಇದೀಗ ಸುದೀಪ್ ಹುಟ್ಟುಹಬ್ಬದ ಪ್ರಯುಕ್ತ ಒಟಿಟಿಯಲ್ಲಿ ಬಿಡುಗಡೆಯಾಗಿರುವ ವಿಕ್ರಾಂತ್ ರೋಣ ಮತ್ತೊಂದು ದಾಖಲೆಯನ್ನು ಸೃಷ್ಟಿಸಿದೆ.
ಹೌದು, ಇದೇ ಸೆ. 2ರಂದು ಜೀ 5 ಕನ್ನಡ ಓಟಿಟಿಯಲ್ಲಿ “ವಿಕ್ರಾಂತ್ ರೋಣ’ ಚಿತ್ರ ಬಿಡುಗಡೆಯಾಗಿದೆ. ಕಿಚ್ಚ ಸುದೀಪ್ ಹುಟ್ಟುಹಬ್ಬದ ಅಂಗವಾಗಿ ಅಭಿಮಾನಿಗಳಿಗೆ ಉಡುಗೊರೆಯಾಗಿ ಅಂದೇ ಚಿತ್ರವನ್ನು ಓಟಿಟಿಯಲ್ಲಿ ಬಿಡುಗಡೆ ಮಾಡಲಾಗಿದ್ದು, ಕೇವಲ 24 ಗಂಟೆಯಲ್ಲೇ 500 ಮಿಲಿಯನ್ (50 ಕೋಟಿ) ನಿಮಿಷಗಳ ವೀಕ್ಷಣೆಯ ಮೂಲಕ ಸ್ಯಾಂಡಲ್ವುಡ್ನಲ್ಲಿ ಹೊಸ ಇತಿಹಾಸವನ್ನು ವಿಕ್ರಾಂತ್ ರೋಣ ಸಿನಿಮಾ ನಿರ್ಮಿಸಿದೆ.
ಜೀ5ನಲ್ಲಿ ಈ ಹಿಂದೆ ಬಿಡುಗಡೆಯಾಗಿದ್ದ ಭಜರಂಗಿ-2 ಸಿನಿಮಾ ಮೂರು ದಿನಗಳಲ್ಲಿ 5 ಕೋಟಿ ಮತ್ತು ಗರುಡ ಗಮನ ವೃಷಭ ವಾಹನ ಸಿನಿಮಾ 3 ದಿನಗಳಲ್ಲಿ 8 ಕೋಟಿ ಮಿನಟ್ಸ್ ವೀಕ್ಷಣೆ ಪಡೆದುಕೊಂಡಿತ್ತು. ಆದರೆ, ವಿಕ್ರಾಂತ್ ರೋಣ ಸಿನಿಮಾ ಒಂದೇ ದಿನದಲ್ಲಿ 50 ಕೋಟಿಗೂ ಅಧಿಕ ಮಿನಟ್ಸ್ ವೀಕ್ಷಣೆ ಪಡೆಯುವ ಮೂಲಕ ಹೊಸ ದಾಖಲೆಯನ್ನೇ ಬರೆದಿದೆ. ಈ ವಿಚಾರವನ್ನು ಜೀ5 ತನ್ನ ಅಧಿಕೃತ ಟ್ವಿಟರ್ನಲ್ಲೇ ಘೋಷಿಸಿದೆ.
Zee5 ನಲ್ಲಿ ಅಬ್ಬರಿಸುತ್ತಿರುವ ಗುಮ್ಮ! ಇಂದೇ ನೋಡಿ ನಿಮ್ಮ Zee5 ಅಲ್ಲಿ ಮಾತ್ರ!@zee5kannada @KicchaSudeep @anupsbhandari @nirupbhandari @Asli_Jacqueline @neethaofficial @AJANEESHB @williamdaviddop @shaliniartss @shivakumarart @AlwaysJani @ZeeStudios_ #ZeeKannada @RavishankarGow5 pic.twitter.com/bI68Y9jpUw
— Zee Kannada (@ZeeKannada) September 3, 2022
ಒಟಿಟಿಯಲ್ಲೂ ವಿಕ್ರಾಂತ್ ರೋಣ ಅಬ್ಬರ ನೋಡಿ ಚಿತ್ರತಂಡ ತುಂಬಾ ಖುಷಿಯಾಗಿದೆ. ಅಲ್ಲದೆ, ಅಭಿಮಾನಿಗಳು ಕೂಡ ಇದನ್ನು ಟ್ವಿಟರ್ನಲ್ಲಿ ಸಂಭ್ರಮ ಮಾಡುತ್ತಿದೆ. ಸದ್ಯಕ್ಕೆ ಕನ್ನಡ ಅವತರಿಣಿಕೆ ಮಾತ್ರ ಬಿಡುಗಡೆ ಆಗಿದ್ದು, ಉಳಿದಂತೆ ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂ ಸೇರಿದಂತೆ ಬೇರೆ ಭಾಷೆಗಳಲ್ಲಿ ಬಿಡುಗಡೆ ಯಾವಾಗ? ಓಟಿಟಿ ಯಾವುದು? ಎಂಬುದರ ಬಗ್ಗೆ ಇನ್ನಷ್ಟೇ ಮಾಹಿತಿ ಬರಬೇಕಿದೆ.
VIDEO| ಡಾನ್ಸ್ ಮಾಡುತ್ತಲೇ ಪುಟ್ಟ ಬಾಲಕನ ಮೇಲೆ ಬಿದ್ದ ದಡೂತಿ ಮಹಿಳೆ! ಮುಂದೇನಾಯ್ತು ನೀವೇ ನೋಡಿ…
ನಾನೇನು ಅವಳಿಗೆ ರೇಪ್ ಮಾಡಿದೀನಾ? ಮತ್ತೆ ನಾಲಿಗೆ ಹರಿಬಿಟ್ಟ ಶಾಸಕ ಅರವಿಂದ ಲಿಂಬಾವಳಿ
ಹಳ್ಳಿಯಲ್ಲಿ ಫಾರ್ಮ್ಹೌಸ್ ಖರೀದಿಸಿದ ವಿರುಷ್ಕಾ ದಂಪತಿ: 8 ಎಕರೆ ಫಾರ್ಮ್ಹೌಸ್ನ ಬೆಲೆ ಕೇಳಿದ್ರೆ ಬೆರಗಾಗ್ತೀರಾ!