ಮುಲ್ಲನ್ಪುರ: ಟೂರ್ನಿಯಲ್ಲಿ ಅಸ್ಥಿರ ನಿರ್ವಹಣೆಯೊಂದಿಗೆ ಲಯ ಕಂಡುಕೊಳ್ಳಲು ಪರದಾಡುತ್ತಿರುವ ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಹಾಗೂ ಪಂಜಾಬ್ ಕಿಂಗ್ಸ್ ತಂಡಗಳು ಐಪಿಎಲ್&17ರಲ್ಲಿ ಮುಖಾಮುಖಿಯಾಗಲಿವೆ. ಗುರುವಾರ ಮಹಾರಾಜ ಯದವೀಂದ್ರ ಸಿಂಗ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಎರಡು ತಂಡಗಳು ಪುಟಿದೇಳುವ ತವಕದಲ್ಲಿದ್ದು, ಜಯದ ಹಳಿಗೇರುವ ವಿಶ್ವಾಸದಲ್ಲಿವೆ.
ಮುಂಬೈ ಇಂಡಿಯನ್ಸ್ ತಂಡ ಹಿಂದಿನ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಸಿಎಸ್ಕೆ ಎದುರು ತವರಿನಲ್ಲಿ ಸೋಲುಂಡಿರುವುದು ಪ್ರಮುಖ ಹಿನ್ನಡೆ ಎನಿಸಿದೆ. ಆಡಿರುವ ಆರು ಪಂದ್ಯಗಳಲ್ಲಿ 2 ಗೆಲುವು, 4 ಸೋಲಿನೊಂದಿಗೆ 4 ಅಂಕ ಕಲೆಹಾಕಿದೆ. ಪಂಜಾಬ್ ಕಿಂಗ್ಸ್ ಸಹ ಸತತ ಸೋಲಿನಿಂದ ಬಳಲುತ್ತಿದ್ದು, 6 ಪಂದ್ಯದಲ್ಲಿ 2 ಗೆಲುವು, 4 ಸೋಲಿನೊಂದಿಗೆ 2 ಅಂಕ ಪಡೆದಿದೆ. ರನ್ರೇಟ್ ಆಧಾರದಲ್ಲಿ ಪಂಜಾಬ್ ಮೇಲುಗೈ ಸಾಧಿಸಿದೆ. ಭುಜದ ಗಾಯಕ್ಕೆ ತುತ್ತಾಗಿರುವ ಕಾಯಂ ನಾಯಕ ಶಿಖರ್ ಧವನ್ ಗೈರು ಪಂಜಾಬ್ ತಂಡಕ್ಕೆ ಕಾಡಲಿದೆ.
ಬ್ಯಾಟರ್ಗಳ ಅಸ್ಥಿರ ನಿರ್ವಹಣೆ ಹಾಲಿ ಟೂರ್ನಿಯಲ್ಲಿ ಪುಟಿದೇಳುವ ಹಂಬಲದಲ್ಲಿರುವ ಪಂಜಾಬ್ ಪ್ಲೇ ಆ್ ಅವಕಾಶ ವೃದ್ಧಿಸಿಕೊಳ್ಳು ಸರ್ವಾಂಗೀಣ ನಿರ್ವಹಣೆ ತೋರುವುದು ಅನಿವಾರ್ಯ ಎನಿಸಿದೆ. ಜಾನಿ ಬೇರರ್ ಸ್ಟೋ ರನ್ ಬರ ಎದುರಿಸಿದ್ದಾರೆ.ಶಶಾಂಕ್ ಸಿಂಗ್ ಮತ್ತು ಅಶುತೋಷ್ ಶರ್ಮ ಹೊರತುಪಡಿಸಿದರೆ, ಅಗ್ರ ಕ್ರಮಾಂಕ ಬ್ಯಾಟರ್ಗಳು ಟೂರ್ನಿಯಲ್ಲಿ ಇದುವರೆಗೂ ಲಯ ಕಂಡುಕೊಂಡಿಲ್ಲ. ಪ್ರಭ್ ಸಿಮ್ರಾನ್ ಸಿಂಗ್ ಆರು ಪಂದ್ಯಗಳಲ್ಲಿ 119 ರನ್, ವಿಕೆಟ್ ಕೀಪರ್&ಬ್ಯಾಟರ್ ಜಿತೇಶ್ ಶರ್ಮ ಕೇವಲ 106 ರನ್ಗಳಿಸಿರುವುದು ಕಳವಳಕಾರಿ ಎನಿಸಿದೆ. ಹಂಗಾಮಿ ನಾಯಕ ಸ್ಯಾಮ್ ಕರನ್ (126 ರನ್ ಮತ್ತು 8 ವಿಕೆಟ್) ಮತ್ತು ಕಗಿಸೊ ರಬಾಡ (9) ಅವರಿಗೆ ಇತರ ಬೌಲರ್ಗಳಿ ಬೆಂಬಲ ಒದಗಿಸಬೇಕಿದೆ. ಮುಂಬೈನ ಬಲಿಷ್ಠ ಬ್ಯಾಟಿಂಗ್ ಕ್ರಮಾಂಕ ಎದುರು ಪಂಜಾಬ್ ಬೌಲರ್ಗಳಿಗೆ ಅಗ್ನಿಪರೀೆ ಎದುರಾಗಲಿದೆ.
ಪಾಂಡ್ಯಗೆ ಕಂಬ್ಯಾಕ್ ತುಡಿತ! ನೂತನ ನಾಯಕನಾಗಿ ನೇಮಕಗೊಂಡ ಬಳಿಕ ಟೂರ್ನಿಯಲ್ಲಿ ಏರಿಳಿತ ಕಂಡಿರುವ ಹಾರ್ದಿಕ್ ಪಾಂಡ್ಯ ಟೂರ್ನಿಯಲ್ಲಿ ಕಂಬ್ಯಾಕ್ ಮಾಡುವ ಹಂಬಲದಲ್ಲಿದ್ದಾರೆ. ಸತತ 3 ಸೋಲಿನ ಬಳಿಕ ಗೆಲುವಿನ ಹಳಿಗೇರಿದ್ದ ಮುಂಬೆಗೆ, ಸಿಎಸ್ಕೆ ಎದುರಿನ ಸೋಲು ಹಿನ್ನಡೆ ತಂದಿದೆ. ರೋಹಿತ್ ಮತ್ತು ಇಶಾನ್ ಕಿಶನ್ ಅವರ ಫಾಮ್ರ್ ಮುಂಬೈ ಇಂಡಿಯನ್ಸ್ಗೆ ನಿರ್ಣಾಯಕ ಎನಿಸಿದೆ. ಜತೆಗೆ ಸೂರ್ಯಕುಮಾರ್ ಯಾದವ್ ಟೂರ್ನಿಯಲ್ಲಿ ಮಿಶ್ರ ಲಿತಾಂಶ ಅನುಭವಿಸಿದ್ದಾರೆ. ಜಸ್ಪ್ರೀತ್ ಬುಮ್ರಾಗೆ ಸಾಥ್ ನೀಡುವಲ್ಲಿ ಗೆರಾಲ್ಡ್ ಕೋಟ್ ಜೀ (9 ವಿಕೆಟ್), ಆಕಾಶ್ ಮಧ್ವಲ್ (4) ಸಲರಾದರೂ, ಪ್ರತಿ ಓವರ್ಗೆ 10ಕ್ಕೂ ಹೆಚ್ಚು ರನ್ ನೀಡಿ ದುಬಾರಿಯಾಗಿದ್ದಾರೆ.
ಮುಖಾಮುಖಿ: 31
ಮುಂಬೈ: 16
ಪಂಜಾಬ್: 15
ಆರಂಭ: ರಾತ್ರಿ 7.30ಕ್ಕೆ
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್, ಜಿಯೋ ಸಿನಿಮಾ.