ಲಂಡನ್: ವೃತ್ತಿಪರ ಸಾಹಸಿಗನೊಬ್ಬ ತನ್ನ ಪ್ರೀತಿಯ ಪ್ರೇಯಸಿಗೆ ವಿನೂತನವಾಗಿ ಮದುವೆ ಪ್ರಸ್ತಾಪ ಮಾಡಿದ ಫೋಟೋವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ರಿಕಿ ಆ್ಯಶ್ (52) ಎಂಬ ಸಾಹಸಿಗ ತನ್ನ ಕಾಲಿನಿಂದ ತೋಳಿನವರೆಗೂ ಬೆಂಕಿ ಉರಿಯುವಂತೆ ನೆಲದ ಮೇಲೆ ಮಂಡಿಯೂರಿ ಕುಳಿತು ಮುಂದೆ ಕೈಚಾಚಿ ಪ್ರೇಯಸಿಗೆ ಮದುವೆ ಪ್ರಸ್ತಾಪ ಮಾಡುತ್ತಿರುವುದು ವೈರಲ್ ಆಗಿರುವ ಫೋಟೋದಲ್ಲಿದೆ.
ಅಂದಹಾಗೆ ರಿಕಿ ಕರೊನಾ ವೈರಸ್ ನರ್ಸ್ ಕತ್ರಿನಾ ಡಾಬ್ಸನ್ (48) ಎಂಬಾಕೆಯನ್ನು ಲವ್ ಮಾಡುತ್ತಿದ್ದಾರೆ. ಪ್ರಿಯಕರನ ವಿನೂತನ ಮದುವೆ ಪ್ರಸ್ತಾಪ ಕಂಡು ಕತ್ರಿನಾ ಒಂದು ಕ್ಷಣ ಮೂಕವಿಸ್ಮಿತಳಾದಳು. ಕೊನೆಗೆ ಮದುವೆ ಕತ್ರಿನಾ ಗ್ರೀನ್ ಸಿಗ್ನಲ್ ನೀಡಿದಳು. ಇದರಿಂದ ರಿಕಿ ಸ್ಥಳದಲ್ಲೇ ಸಂತಸ ವ್ಯಕ್ತಪಡಿಸಿದರು.
ಕತ್ರಿನಾ ಕೆಂಟ್ನಲ್ಲಿರುವ ವಿಲಿಯಂ ಆಸ್ಪತ್ರೆಯಲ್ಲಿ ಹಾರ್ವೇ ಆಸ್ಪತ್ರೆಯಲ್ಲಿ ಕರೊನಾ ವೈರಸ್ ಘಟಕದಲ್ಲಿ ನರ್ಸ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಪ್ರಿಯಕರ ಪ್ರಪೋಸ್ ಬಗ್ಗೆ ತುಂಬಾ ಖುಷಿಯನ್ನು ವ್ಯಕ್ತಪಡಿಸಿದ್ದಾರೆ. ಇನ್ನು ನಾಟಿಂಗ್ಹ್ಯಾಮ್ನ ಸಾಹಸಿಗನಾಗಿರುವ ರಿಕಿ ಸ್ಟಂಟ್ ಇಂಡಸ್ಟ್ರಿಯಲ್ಲಿ ಒಳ್ಳೆಯ ಹೆಸರು ಮಾಡಿದ್ದಾರೆ.
ಈ ರೀತಿಯ ಮದುವೆ ಪ್ರಸ್ತಾಪ ಇದೇ ಮೊದಲಾಗಿದ್ದು, ರಿಕಿ ಅವರಿಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತದೆ. ವೃತ್ತಿಯಲ್ಲಿ ಸಾಹಸಿಗನಾಗಿದ್ದರಿಂದ ರಿಕಿಯವರಿಗೆ ಅದು ಸುಲಭವಾಯಿತು. ಹಾಗಾಂತ ಇದನ್ನು ಯಾರೂ ಸಹ ಅನುಸರಿಸಬಾರದು ಎಂಬುದು ಅವರ ಅಭಿಪ್ರಾಯವಾಗಿದೆ. (ಏಜೆನ್ಸೀಸ್)
VIDEO| ಬೆತ್ತಲೆಯಾಗಿ ದೇವಸ್ಥಾನ ಪ್ರವೇಶಿಸಿದ ಮಹಿಳೆಯಿಂದ ಅಸಭ್ಯ ವರ್ತನೆ!