ನವದೆಹಲಿ: ಆಸೆ-ಆಂಕಾಕ್ಷೆಗಳ ಮೇಲೆ ಕಾರ್ಮೋಡ ಸರಿಸಿರುವ ಕರೊನಾ ವೈರಸ್ ಜಾಗತಿಕವಾಗಿ ಅನೇಕರನ್ನು ದುಃಖದ ಕಡಲಲ್ಲಿ ಮುಳಗಿಸಿದೆ. ಇಂತಹ ಸಂದರ್ಭದಲ್ಲಿ ಈಜಿಪ್ಟ್ನ ನವಜೋಡಿಯೊಂದು ತಮ್ಮ ಮದುವೆಯ ಪ್ರೀ ವೆಡ್ಡಿಂಗ್ ಫೋಟೋಶೂಟ್ ಅನ್ನು ಆಸ್ಪತ್ರೆಯಲ್ಲಿಯೇ ಮಾಡುವ ಮೂಲಕ ಜನರಲ್ಲಿ ಆಶಾಭಾವ ಮೂಡಿಸಿದೆ.
ಇದನ್ನೂ ಓದಿ: ಚಿಕಿತ್ಸೆ ನೀಡುತ್ತಾ ಕರೊನಾ ರೋಗಿಯ ಮೇಲೆ ಡಾಕ್ಟರ್ಗೆ ಲವ್ ಆಯ್ತಾ? ಹಿಂದಿನ ಅಸಲಿ ಕಹಾನಿ ಏನು?
ಈಜಿಪ್ಟ್ನ ವೈದ್ಯರಾಗಿರುವ ಮೊಹಮ್ಮದ್ ಫಹ್ಮೈ ಮತ್ತು ಅಯಾ ಮೊಸ್ಭಾ ಈಜಿಪ್ಟ್ನ ಮನ್ಸೌರಾ ನಗರದ ದಾರ್ ಅಲ್ ಶಿಫಾ ಆಸ್ಪತ್ರೆಯಲ್ಲಿ ಫೋಟೋಶೂಟ್ ಜತೆಯಲ್ಲಿ ನಿಶ್ಚಿತಾರ್ಥವನ್ನು ನೆರವೇರಿಸಿಕೊಂಡಿದ್ದಾರೆ. ಮೇ 25ರಂದು ಫೋಟೋಶೂಟ್ ನಡೆದಿದ್ದು, ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಜನರಲ್ಲಿ ಆಶಾಭಾವ ಮೂಡಿಸಲು ಆಸ್ಪತ್ರೆಯಲ್ಲೇ ಫೋಟೋಶೂಟ್ ನಡೆಸಲಾಯಿತು ಎಂದು ಶೂಟ್ ಮಾಡಿದ ಮೊಹಮ್ಮದ್ ಸಲೀಮ್ ಅವರು ತಿಳಿಸಿದ್ದಾರೆ.
ದುರ್ದೈವದ ಸಂಗತಿಯೆಂದರೆ ಕೆಲ ಕಿಡಿಗೇಡಿಗಳು ಇದೇ ಫೋಟೋಗಳನ್ನು ತಪ್ಪು ಸಂದೇಶ ಹರಡಲು ಬಳಸಿಕೊಂಡಿದ್ದು, ಕರೊನಾ ರೋಗಿಯ ಮೇಲೆ ವೈದ್ಯೆಗೆ ಲವ್ ಆಗಿ ನಿಶ್ಚಿತಾರ್ಥ ನೆರವೇರಿಸಿಕೊಂಡಿದ್ದಾರೆ ಎಂದು ಜಾಲತಾಣದಲ್ಲಿ ವೈರಲ್ ಮಾಡಿದ್ದಾರೆ.
ಫೋಟೋಗಳ ಮೇಲೆ ಕ್ಲಿಕ್ಕಿಸಿ
ಫೋಟೋ ಕೃಪೆ: ಮೊಹಮ್ಮದ್ ಸಲೀಮ್ ಫೋಟೋಗ್ರಫಿ