ಬೀಜಿಂಗ್: ಒಂದು ದಿನದಲ್ಲಿ ನೀವು ಎಷ್ಟು ಬಾರಿ ಟ್ರಾಫಿಕ್ ನಿಯಮವನ್ನು ಮುರಿದು ಗಾಡಿ ಓಡಿಸಬಹುದು. ಹೆಚ್ಚೆಂದರೆ ಮೂರ್ನಾಲ್ಕು ಬಾರಿ. ಆದರೆ ಇಲ್ಲೊಂದು ಕಾರು ಕೇವಲ ಎರಡೇ ದಿನಗಳಲ್ಲಿ ಬರೋಬ್ಬರಿ 50 ಬಾರಿ ಟ್ರಾಫಿಕ್ ನಿಯಮ ಮುರಿದಿದೆ. ಅದರ ಡ್ರೈವರ್ನ್ನು ಹುಡುಕಿದಾಗ ಬೇರೆಯದ್ದೇ ಕಥೆಯೊಂದು ಬಯಲಾಗಿದೆ.
ಚೀನಾದಲ್ಲಿ ಲು ಹೆಸರಿನ ಯುವತಿಯೊಬ್ಬಳು ಒಬ್ಬ ಯುವಕನನ್ನು ಪ್ರೀತಿಸುತ್ತಿದ್ದಳಂತೆ. ಆದರೆ ಆತನಿಗೆ ಬೇರೆ ಹುಡುಗಿಯರೊಂದಿಗೆ ಸಲುಗೆ ಇದ್ದು, ಈ ಯುವತಿಯ ಕಡೆ ಗಮನ ಕಡಿಮೆ ಮಾಡಿದ್ದನಂತೆ. ಅದಾದ ಮೇಲೆ ಇಬ್ಬರದ್ದೂ ಬ್ರೇಕ್ ಅಪ್ ಆಗಿದೆ.
ಬ್ರೇಕ್ ಅಪ್ ಆದ ಸಿಟ್ಟಿದ್ದ ಲು ಹೇಗಾದರೂ ಮಾಡಿ ಆತನ ಮೇಲೆ ದ್ವೇಷ ತೀರಿಸಿಕೊಳ್ಳಬೇಕೆಂದು ಪ್ಲಾನ್ ಮಾಡಿದ್ದಾಳೆ. ಆಕೆಯನ್ನು ಇಷ್ಟ ಪಡುತ್ತಿದ್ದ ಮತ್ತೊಬ್ಬ ಯುವಕನೊಂದಿಗೆ ಸಂಪರ್ಕ ಸಾಧಿಸಿಕೊಂಡಿದ್ದಾಳೆ. ನೀನು ಒಂದು ವೇಳೆ ನನ್ನ ಎಕ್ಸ್ ಬಾಯ್ ಫ್ರೆಂಡ್ನ ಕಾರನ್ನು ಬಾಡಿಗೆಗೆ ತಂದುಕೊಡುವುದಾದರೆ ನಾನು ನಿನ್ನೊಂದಿಗೆ ಡೇಟ್ಗೆ ಬರುತ್ತೇನೆ ಎಂದು ಹೇಳಿದ್ದಾಳೆ. ಡೇಟ್ ಆಸೆಯೊಂದಿಗೆ ಆತ ಆಕೆಯ ಎಕ್ಸ್ ಬಾಯ್ಫ್ರೆಂಡ್ನ ಕಾರನ್ನು ಕಷ್ಟ ಪಟ್ಟು ಬಾಡಿಗೆಗೆ ಪಡೆದಿದ್ದಾನೆ.
ಬಾಡಿಗೆ ಕಾರು ಪಡೆದ ಲು ಕಾರಿನಲ್ಲಿ ನಗರದಾದ್ಯಂತ ಸಂಚರಿಸಿದ್ದಾಳೆ. ಪಕ್ಕದಲ್ಲಿ ಹಾಲಿ ಬಾಯ್ಫ್ರೆಂಡ್ನ್ನು ಕೂರಿಸಿಕೊಂಡು ಎಲ್ಲೆಡೆ ಸಿಗ್ನಲ್ ಜಂಪ್ ಮಾಡುತ್ತಾ ಸಾಗಿದ್ದಾಳೆ. ಬರೋಬ್ಬರಿ 49 ಬಾರಿ ಸಿಗ್ನಲ್ ಜಂಪ್ ಮಾಡಿದ್ದಾಳೆ. ಒಂದು ಸ್ಥಳದಲ್ಲಿ ಓವರ್ ಸ್ಪೀಡ್ನಲ್ಲಿ ಗಾಡಿ ಓಡಿಸಿದ್ದಾಳೆ. ಕಾರಿನ ಸಂಚಾರದ ಸಿಸಿ ಕ್ಯಾಮರಾ ದೃಶ್ಯವನ್ನು ಕಂಡ ಪೊಲೀಸರು ಯುವತಿಗಾಗಿ ಹುಡುಕಾಟ ನಡೆಸಿದ್ದಾರೆ. ಆಕೆಯನ್ನು ಮತ್ತು ಆಕೆಯೊಂದಿಗೆ ಕಾರಿನಲ್ಲಿದ್ದ ಯುವಕನನ್ನು ಬಂಧಿಸಲಾಗಿದೆ. (ಏಜೆನ್ಸೀಸ್)
ಅಜ್ಜಿಯ ಬಾಲ್ಯದ ಕನಸನ್ನ ನನಸಾಗಿಸಿದ ಮೊಮ್ಮಗಳು; ಖುಷಿಯಿಂದ ಕಣ್ಣೀರಿಟ್ಟ ಅಜ್ಜಿ
ಜೈಲಿನ ಸಿಬ್ಬಂದಿ ಮುಖಕ್ಕೆ ಕಾರದ ಪುಡಿ ಎರಚಿ ಏಳು ಮಂದಿ ಕೈದಿಗಳು ಎಸ್ಕೇಪ್‌