ಕೃಷಿಯನ್ನೇ ನಂಬಿಕೊಂಡಿರುವ ಯುವಕರಿಗೆ ಮದುವೆಯಾಗಲು ಹೆಣ್ಣು ಸಿಗದಿರುವ ಸಮಸ್ಯೆ ಗ್ರಾಮೀಣ ಭಾಗಗಳಲ್ಲಿ ಹೆಚ್ಚಾಗಿದೆ. ಈ ಬಗ್ಗೆ ಸರ್ಕಾರ ಗಮನ ಹರಿಸಿ, ಯುವ ರೈತರ ಮದುವೆ ಸಮಸ್ಯೆಗೆ ಸೂಕ್ತ ಪರಿಹಾರ ಅಥವಾ ಯೋಜನೆ ರೂಪಿಸಬೇಕು ಎಂದು ಯುವಕ ಮನವಿ ಮಾಡಿದ್ದಾನೆ.
ಯುವ ರೈತನ ಮಾತಿಗೆ ನಕ್ಕ ಸಿಎಂ
ಯುವ ರೈತನ ಈ ವಿಭಿನ್ನ ಮನವಿಯನ್ನು ಕೇಳಿದ ಸಿಎಂ ಡಿ.ಕೆ. ಶಿವಕುಮಾರ್ ಹಾಗೂ ವೇದಿಕೆಯಲ್ಲಿದ್ದ ಪಶುಸಂಗೋಪನಾ ಸಚಿವ ಕೆ.ವೆಂಕಟೇಶ್ ಸೇರಿದಂತೆ ಹಲವರು ನಕ್ಕಿರುವ ದೃಶ್ಯಗಳು ಕಂಡುಬಂದಿವೆ. ಇದೀಗ ಈ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ಇದನ್ನೂ ಓದಿ: ಇಂದು ರಾತ್ರಿ ಆಕಾಶದಲ್ಲಿ ಶನಿಗ್ರಹದ ದರ್ಶನ; ಅಪರೂಪದ ‘ಸೀಲಿಗರ್ ಎಫೆಕ್ಟ್’ ಅಂದ್ರೇನು? | Saturn Opposition
ರೈತರ ಗಂಭೀರ ಸಾಮಾಜಿಕ ಸಮಸ್ಯೆ
ಸಾಮಾನ್ಯವಾಗಿ ಇಂತಹ ಜನಸಂಪರ್ಕ ಕಾರ್ಯಕ್ರಮಗಳಲ್ಲಿ ರಸ್ತೆ, ವಸತಿ, ಉದ್ಯೋಗ, ಕೃಷಿ, ಪಿಂಚಣಿ ಸೇರಿದಂತೆ ವಿವಿಧ ಸಮಸ್ಯೆಗಳ ಬಗ್ಗೆ ಅಹವಾಲುಗಳು ಬರುತ್ತವೆ. ಆದರೆ, ‘ಮದುವೆಯಾಗಲು ಹೆಣ್ಣು ಸಿಗುತ್ತಿಲ್ಲ’ ಎಂಬ ಯುವ ರೈತನ ಮನವಿ ಮಾತ್ರ ಎಲ್ಲರ ಗಮನ ಸೆಳೆದಿದೆ. ಈ ಮನವಿ ಮೇಲ್ನೋಟಕ್ಕೆ ತಮಾಷೆಯಾಗಿ ಕಂಡರೂ, ಗ್ರಾಮೀಣ ಭಾಗದ ಯುವ ರೈತರು ಎದುರಿಸುತ್ತಿರುವ ಗಂಭೀರ ಸಾಮಾಜಿಕ ಸಮಸ್ಯೆಯೊಂದನ್ನು ಇದು ಎತ್ತಿ ತೋರಿಸಿದೆ.
