ಯುಪಿಐ ರೀತಿಯ ಪಾವತಿ ವ್ಯವಸ್ಥೆ: ಪೆರು ಜತೆ ಎನ್​ಐಪಿಎಲ್​ ಪಾಲುದಾರಿಕೆ ಘೋಷಣೆ

ನವದೆಹಲಿ: ಲ್ಯಾಟಿನ್ ಅಮೆರಿಕದ ದೇಶದಲ್ಲಿ ಯುಪಿಐ ತರಹದ ನೈಜ-ಸಮಯದ ಪಾವತಿ ವ್ಯವಸ್ಥೆಯನ್ನು ಸಕ್ರಿಯಗೊಳಿಸಲು ಎನ್​ಪಿಸಿಐ ಇಂಟರ್ನ್ಯಾಷನಲ್ ಪೇಮೆಂಟ್ಸ್ ಲಿಮಿಟೆಡ್ (ಎನ್​ಐಪಿಎಲ್​) ಮತ್ತು ಪೆರುವಿನ ರಿಸರ್ವ್ ಬ್ಯಾಂಕ್ ಪಾಲುದಾರಿಕೆ ಘೋಷಿಸಿವೆ.

ಜಾಗತಿಕವಾಗಿ ಪ್ರಸಿದ್ಧವಾದ ಯುನಿಫೈಡ್ ಪೇಮೆಂಟ್ ಇಂಟರ್ಫೇಸ್ (ಯುಪಿಐ) ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ದಕ್ಷಿಣ ಅಮೆರಿಕದಲ್ಲಿನ ಮೊದಲ ದೇಶ ಪೆರು ಆಗಲಿದೆ ಎಂದು ಎನ್​ಐಪಿಎಲ್​ ಪ್ರಕಟಣೆಯಲ್ಲಿ ತಿಳಿಸಿದೆ.

"ಯುಪಿಐ ತರಹದ ನೈಜ-ಸಮಯದ ಪಾವತಿ ವ್ಯವಸ್ಥೆಯನ್ನು ಪೆರುವಿನಲ್ಲಿ ನಿಯೋಜಿಸಲು ಎನ್​ಐಪಿಎಲ್​ ಇಂಟರ್ನ್ಯಾಷನಲ್ ಪೇಮೆಂಟ್ಸ್ ಲಿಮಿಟೆಡ್ ಮತ್ತು ಪೆರುವಿನ ಸೆಂಟ್ರಲ್ ರಿಸರ್ವ್ ಬ್ಯಾಂಕ್ ಪಾಲುದಾರಿಕೆ ಘೋಷಿಸಿವೆ" ಎಂದು ಅದು ಹೇಳಿದೆ.

ಈ ಕಾರ್ಯತಂತ್ರದ ಪಾಲುದಾರಿಕೆಯು ಪೆರು ದೇಶದೊಳಗೆ ಸಮರ್ಥ ನೈಜ-ಸಮಯದ ಪಾವತಿ ವೇದಿಕೆಯನ್ನು ಸ್ಥಾಪಿಸಲು ಅಧಿಕಾರ ನೀಡುತ್ತದೆ. ವ್ಯವಹಾರಗಳ ನಡುವೆ ತ್ವರಿತ ಪಾವತಿಗಳನ್ನು ಸುಗಮಗೊಳಿಸುತ್ತದೆ. ಈ ಪಾಲುದಾರಿಕೆಯು ಪೆರುವಿನ ಆರ್ಥಿಕ ಮೂಲಸೌಕರ್ಯವನ್ನು ಬಲಪಡಿಸುವ ಗುರಿಯನ್ನು ಹೊಂದಿದೆ ಎಂದು ಎನ್​ಪಿಸಿಐ ಇಂಟರ್ನ್ಯಾಷನಲ್ ಸಿಇಒ ರಿತೇಶ್ ಶುಕ್ಲಾ ಹೇಳಿದ್ದಾರೆ.

https://www.vijayavani.net/a-weakened-majority-challenges-the-reform-agenda-fitch-analysis

https://www.vijayavani.net/3-day-rbi-mpc-meeting-begins-interest-rate-status-quo-likely-to-continue

https://www.vijayavani.net/air-india-vistara-merger-complete-by-year-end